Zaburi 149 - KITABU KITAKATIFU

¹ Mwidzominye Yahova. Mwimbire Yahova ulwimbu luhya, Kandi lidzominywa lilye mu livugana lyavatakatifu.

² Israeli va sangale mu uyu wa va lomba: Avana va Zioni va kupe isango mu Mwami wavo.

³ Vidzominye lieta lilye mu bukino: Va mwimbire lidzominya na inangoli no ubukana.

⁴ Kigira Yahova yeyanzidza mu avandu veve: Naye a la siaha avahokya nobu honnyi.

⁵ Avatakatifu vidzominyire mu ubukumi: Vimbe tsyokusangala ku vitali vvavo.

⁶ Agokwidzominya ligali Nyasaye ga ve mu minwa gyavo, Na kivavi kyetsimbega tsyombi mu mukono gwavo

⁷ Kyokuvanza kisalya ku avetsihiri, Nokuha avandu amageli

⁸ Kuboha avami vavo neminyororo, Na avanene vavo neminyororogyekivya;

⁹ Kukola kuvo likalaga lya ng'odwa: Ubukumi yibu bu veye bwavatakatifu veve vosi. Mwidzominye Yahova.