Zaburi 148 - KITABU KITAKATIFU

¹ Mwidzominye Yahova. Mwidzominye Yahova mi gulu; Mu mwidzominye mu vigulu.

² Mu mwidzominye, mwinye tsingelosi veve vosi: Mu mwidzominye, lihe lilye lyosi.

³ Mu mwidzominye, liuva no mweli: Mu mwidzominye, tsing'ereng'ani tsyobulavu tsyosi.

⁴ Mu mwidzominye, ligulu lyomwigulu, Na mwinye amadzi ga veye igulu migulu.

⁵ Yivi vyosi vidzominye lieta lya Yahova; Kigira ya laga, na vya lombwa.

⁶ A vi singeridza vi hindire mihiga nemihiga: U haani lilaga li la vula kuvita.

⁷ Mwidzominye Yahova mu lirova, Miyoka gyosi gyomululiva

⁸ Umuliru, ne imbula yamagina, likonza ne lilumbe; Imbuudza yekihudzudzi vi kola likuva lilye;

⁹ Vigulu no tugulu twosi; Misala gyamakuyu ne mitaragwa gyosi;

¹⁰ Tsinyama ne imitugu gyosi; Vimolanga na manyonyi ga bulukanga;

¹¹ Avami velirova na avetsihiri tsyosi; Avanene na avakalagi vosi velirova;

¹² Avasoleli na avakana vagima; Avasakulu na avana:

¹³ Vidzominye lieta lya Yahova; Kigira lieta lilye lyeng'ine li veye kukuminywa; Ubukumi bwibwe bu veye igulu welirova na ligulu.

¹⁴ A gingira avandu veve lwiga Lidzominya lyavatakatifu veve vosi; Kali lya avana va Israeli, avandu ava veye himbi kuye. Mwidzominye Yahova.