Zaburi 146 - KITABU KITAKATIFU

¹ Mwidzominye Yahova. Widzominye Yahova, O mwoyo gwange.

² Lwa mbeye mwoyo ndidzominya Yahova: Ndimba tsyokwidzominya Nyasaye wange tsinyinga tsyeliva mwoyo lyange.

³ Mu ta suuvira avanene, Kinga ku mwana womundu, u ta li nobukonyi.

⁴ Mwika gwigwe gu twulanga, naye yirana ku marova gege; Ku lidiku zana tsiganagani tsitsye tsi heranga.

⁵ A veye nobugasu u veye na Nyasaye wa Yakobo kuva mukonyi wewe, Welisuuvira lilye li veye ku Yahova Nyasaye wewe:

⁶ Uyu wa lomba liguhl na lirova, Inyanza, na vyosi vi veye muyo; Uyu u lindanga ageligali mihiga nemihiga;

⁷ U kalagira avadambidzangwa ubu lungi; U lageridza ava veye nenzala. Yahova a boholola avahambe;

⁸ Yahova a kunula tsimoni tsyavaboku; Yahova a digulula avinaminywa; Yahova a yanza avalungi;

⁹ Yahova a lindanga avamenya; A hedzanga avabisandu tsingulu; Navutswa inzira yavadamano a gi goyannya.

¹⁰ Yahova a lameha mihiga nemihiga, Nyasaye wowo, O Zioni, kuduka ku makula gosi. Mwidzominye Yahova.