Zaburi 143 - KITABU KITAKATIFU

Zaburi ya Daudi

¹ U hulire lisaala lyange, O Yahova; u tegidze ugutu ku liteva lyange: Mu ubusuuvirifu bubwo u ntivu lire nomu ubulungi bubwo.

² U tingira mu lilkalagira mutumekiri wowo Kigira imbiri wowo si ha veye nomundu ku vosi va veye mwoyo, u va mulungi mwene mmoni mumwo.

³ Kigira musigu a dambidzi mwoyo gwange; A duvagiye hasi livamwoyo lyange: A nzikalidzi mu kisundi, kuli yavo ava li kukudza kale.

⁴ Kigira yaga mwoyo gwange gu kudzi mu inze; Na mwoyo gwange gu daalidzewi mu inze.

⁵ Nzidzulitsa madiku ga kale Ng'anagana ku likola lilyo lyosi; Na ng'anagana miyinzi gyamakono gogo,

⁶ Nyira makono gange ku ive: Mwoyo gwange gu veye na maholu ku ive kuli kivala kyumu. Selaha

⁷ U kole bwangu kuntivulira, O Yahova; mwoyo gwange gu kudza: U ta visa moni mwumwo ku inze Gase nda duka kuva kuli avikanga mbogo.

⁸ U nkole kuhulira tsimbabasi tsitsyo mugamba tsuri; Kigira nsuuviranga ive: U mmannye inzira indukira kulonda kuyo; Kigira ngingira mwoyo gwange ku ive.

⁹ U mbonnye ku avasigu vange, O Yahova: Nziruka ku ive u mbise.

¹⁰ U nzegidze kukola ubulaliri bubwo; Kigira ive u veye Nyasaye wange: Roho wowo a veye mulahi; U nzimirire kuduka mu kivala kyobulungi

¹¹ Kigira lieta lilyo, O Yahova, u mbukidze: Ku ubulungi bubwo u twulidze mwoyo gwange mu kivi.

¹² Na ku tsimbabasi tsitsyo u heridze avasigu vange, U dividze vosi ava dambidza mwoyo gwange; Kigira mbeye mutumekiri wowo.