Zaburi 142 - KITABU KITAKATIFU

Zaburi ya Daudi, lwa ya li muluhangaywa; Lisaala

¹ Nzanira Yahova nomwoyo gwange; Nsaala Yahova nomwoyo gwange.

² Ntsukanga imbiri wewe liyala lyange; Mbikanga lidambidzwa lyange imbiri wewe.

³ Lwa mwoyo gwange gwa kudza mu inze, Ive wa manya inzira yange. Ku inzira ya ntsitsanga ku Va mbisira mutego.

⁴ U henze ku mukono gwange mulungi, na u lole; Kigira si ha veye mundu u manya inze: Hokuhonera ha goti ku inze Si ha veye nomundu a lindanga mwoyo gwange.

⁵ Ndanira ku ive, O Yahova; Nda vola, Ive u veye kyokwivisa mu kyange, Kidieli kyange mu kivala kya yavo ava veye mwoyo.

⁶ U hulire lilira lyange; Kigira ngehidzwa ligali: U mbonnye ku yavo ava nkupidzanga kivi; Kigira va veye netsingulu kuvita inze.

⁷ U twulidze mwoyo gwange mu buhambe, Nduke kusantidza lieta lilyo: Avalungi va la nkumbiridza; Kigira ive u la nkolera nobulahi.