Zaburi 141 - KITABU KITAKATIFU

¹ Yahova, nzanira ku ive; u nkolere bwangu: U hulire mwoyo gwange, lwa nzanira ku ive.

² Lisaala lyange li ve kuli kimuli imbiri wowo; Liginga makono gange li ve kuli kihaanwa kya mgolova.

³ O Yahova, u vike ubulindi imbiri womunwa gwange; U linde kiliango kyeminwa gyange.

⁴ U ta leka mwoyo gwange kuyeka ku kindu kidamano, Kukola likola lyobwoni Halala na avandu ava kolanga ubukyamu: Kandi mbule kulia ku vinolu vyavo.

⁵ Wobulungi a nduye, ga la va tsimbabasi; Kandi a ng'ondokere, ga la ra kuli maguta ku mutwe; Mutwe gwange gu vule kugasula: Kigira lisaala lyange li la va ndiyo ku vyobudamano bwavo.

⁶ Avakalagi vavo vagululwa hasi ku uluhongo lwolwanda Na va la hulira makuva gange; kigira ga veye manolu.

⁷ Kuli mulala a limanga nokwatannya marova Vigumba vyetu vi salanywa ha munwa gwe Kihadisi.

⁸ Kigira tsimoni tsyange tsi veye ku ive, O Yahova Mwami; Nzirukira ku ive; u ta leka mwoyo gwange kuva vutswa.

⁹ U ninde ku mutego gwa va ntegi, Noku mbeto gwavakoli vobudamano.

¹⁰ Avandu vadamano va gwe mu mitego gyavo, Lwa inze nduka kuhona.