Biblia Todo Logo
Bìoball air-loidhne

- Sanasan -

Zaburi 138 - KITABU KITAKATIFU


Zaburi ya Daudi

1 Nda ku santidza nomwoyo gwange gwosi: Imbiri wavanyasaye ndimba tsinyimbu ku ive.

2 Nda sigama kuyeka ku litempeli lilyo litakatifu, Na nda santidza lieta lilyo kigira tsimbabasi tsitsyo, na ageligali gogo: Kigira u nenehidzi likuva lilyo igulu we lieta lilyo lyosi.

3 Ku lidiku lya nda kwanira, ive wa ntivulira, Wa nduviridza netsingulu mu mwoyo gwange.

4 Avami vosi velirova va la ku santidza, O Yahova, Kigira va huliye livola lyomunwa gugwo.

5 Yee, va limba mu tsinzira tsya Yahova; Kigira ubukumi bwa Yahovs bu veye bunene.

6 Kigira kali Yahova a veye igulu, navutswa a henza avegehidzi; Navutswa a manyiranga ihale avenenehidzanga.

7 Ni mba ni ngenda hagati hekivi, u la linda livamwoyo lyange; U la nyira mukono gugwo ku butima bwavasigu vange, Na mukono gugwo mulungi gu la mbonnya.

8 Yahova a la ndukidzira aga veye agange; O Yahova, tsimbabasi tsitsyo tsi reye ho mihiga nemihiga; U ta leka miyinzi gyamakono gogo.

©Bible Society of Kenya, 1967

Bible Society of Kenya
Lean sinn:



Sanasan