Zaburi 137 - KITABU KITAKATIFU

¹ Ku migera gya Babuloni, Kwikala yaho, yee, kwa lira, Lwa kwidzulitsa Zioni.

² Ku misala gya hagati hagyo Kwa sunga ku ubukana bwetu.

³ Kigira ha zana yaho ava ku lanya va ku teva tsinyimbu, Na yavo ava ku dambidza va ku teva ubusangali, ni va vola, Mu kwimbire lulala ku tsinyimbu tsya Zioni.

⁴ Ku nyala ndi kwimba lwimbu lwa Yahova Mu kivala kyobugeni?

⁵ Ni mba ni nzivirira ive, O Yerusalemi, Mukono gwange mulungi gwivirire ubunyali bwagwo.

⁶ Lulimi lwange lu hambane mu kikalakula kyange Ni mba ni mbula kwidzulitsa; Ni mbula kunenehidza Yerusalemi Kuvita ubuyanzi bwange bunene.

⁷ Widzulitse, O Yahova, ku avana va Edom Lidiku lya Yerusalemi; Ava vola mu li vulule, mu li vulule, Kuduka ku muse gwalyo.

⁸ O mukana wa Babuloni, ive u veye kwononywa, A la sangala, uyu u tunganga ive Kuli likola lya wa ku kolera.

⁹ A la sangala u li vugula avana vovo vadoto Nokuvaduya ku ligina.