Zaburi 130 - KITABU KITAKATIFU

Lwimbu Lwokwanegira

¹ Mu luliva na mbeye nzaniye ive, O Yahova.

² Mwami, u hulire mwoyo gwange: U tegidze amatu gogo Ku mwoyo gwelisaala lyange.

³ Yahova, ive nu u va nu u henzeridza ubudamano, O Mwami, ibwaha u nyala kusingira?

⁴ Navutswa ku ive ha veye ubusa mehi, Ive u duke kutibwa.

⁵ Nindirira Yahova, mwoyo gwange gu lindirira, Na lisuuviridza lyange li veye mu likuva lilye.

⁶ Mwoyo gwange gu lindirira Mwami Kuvita avalindi va lindirira mugamba; Yee, kuvita avalindi va lindirira mugamba.

⁷ O Israeli, mu suuviridze Yahova; Kigira tsimbabasi tsyobuyanzi tsi veye mu Yahova, Kandi ubuhonnyi ubunene bu veye muye.

⁸ Naye a la honnya Israeli Ku ubudamano bwibwe bwosi.