Zaburi 122 - KITABU KITAKATIFU

Lwimbu Lwokwanegira; lwa Daudi.

¹ Nda sangala lwa va mbolera, Ku tsie mu inyumba ya Yahova.

² Virenge vyetu vi singiranga Mu viribwa vivyo, O Yerusalemi,

³ Yerusalemi, lyombakwa Kuli lidala li hambanywa halala;

⁴ Hetsihiri tsyanegiranga, kali tsihiri tsya Yahova, Li veye lialaga ku Israeli, Kusantidza lieta lya Yahova.

⁵ Kigira ha zana ha vikwa tsintebe tsyelikalaga, Tsintebe tsyobwami tsyenyumba ya Daudi.

⁶ Mu saalire Yerusalemi mirembe: Va la gasidzwa ava ku yanza.

⁷ Mirembe gyi ve mu madigi gogo, Nobugasu mu tsinyumba tsitsyo tsyobwami.

⁸ Kigira avamwavo vange na avakye vange, Nda vola kalunu, Mirembe gyi ve mu ive.

⁹ Kigira inyumba ya Yahova Nyasaye wetu, Nda kwenyera ubulahi bubwo.