Zaburi 12 - KITABU KITAKATIFU

Ku Munene Wetsinyimbu; Nyasaye a veye Muhonyiwange. Zaburi ya Daudi

¹ U nkonye, Yahova; kigiralava tia Nyasaye va fweye; Kigira avasuuvirifu va kama mu avana va avandu.

² Va volerananga ububehi sa mulala nowakye: Nolulimi ludoto, kandi nemyoyo gyiviri, va volanga.

³ Yahova a la kalaga minwa gyosi midoto, Kandi ululimi lu vola makuva manene;

⁴ Yava ava vola, Ku la guuta nolulimi lwetu Ku veye neminwa gyetu: ibwaha u veye mwami ku kwinye?

⁵ Kigira lidambidzwa lyavadedekere, na likenya lyavadaka, Yahova a vola, Kalunu nda singira Na nda mu vika ha buhonnyi bwa yenyanga.

⁶ Livola lya Yahova li veye makuva matakatifu; Kuli ifetha i geridzwa mu kisa mbiru kyelirova. Ya sambwa hali katano na kaviri.

⁷ O Yahova, ive u la va linda U la ku kinga ku likula yili kuduka mihiga gyosi.

⁸ Avadamano va genda tsimbega tsyosi, Lwe kirage kiidzominywa mu avana va avandu.