Zaburi 114 - KITABU KITAKATIFU

¹ Lwa Israeli va twula Egepeti, Avenyumba ya Yakobo ku twula ku avandu volulimi lugeni;

² Yuda ya duka kuva hatakatifu hehe, Na Israeli ubwami bwibwe.

³ Inyanza ya lola, ni yiruka; Na Yordani gwa kungwa.

⁴ Vigulu vya tumatuma kuli magondi, Na tugulu kuli avana va magondi.

⁵ U veye na ki, ive inyanza, ive u duke kwiruka? Na ive Yordani, wirana inyima?

⁶ Na mwinye vigulu, mu tumatume kuli magondi; Na mwinye tugulu, kuli avana va magondi?

⁷ U degere, ive lirova, mmoni mwo Mwami Imbiri wa Nyasaye wa Yakobo

⁸ Wa girunkannya lwanda kuva lidavalia lya amadzi Na ligina lidinyu kuva kisenukiru kya amadzi.