Zaburi 113 - KITABU KITAKATIFU

¹ Mwidzominye Yahova. Mwidzomin Ye, mwinye avatumekiri va Yahova, Mwidzominye lieta lya Yahova.

² Lieta lya Yahova li gasidzwe Kutwula kalunu na kuduka mihiga nemihiga.

³ Kutwula litonga lye liuva kuduka ku liyera lyalyo Lieta lya Yahova li veye kwidzominywa.

⁴ Yahova a veye igulu ku tsihiri tsyosi, Na ubukumi bwibwe bu veye igulu womwigulu.

⁵ Ibwaha u leng'ana na Yahova Nyasaye wetu U veye nentebe yeye igulu

⁶ Wegehidzanga mwene kulola Vindu vi veye mwigulu na mu lirova?

⁷ A vukidzanga mudaka kutwula mu lugukyi Na a ginga mudambi kutwula ku isina;

⁸ A nyale kumwikalidza halala na avanene Kali kumwikalidza halala na ava nene va avandu veve.

⁹ A kolanga mugumba kulinda inyumba yeye, Nokuva mama wobusangali wa avana. Mwidzominye Yahova.