Zaburi 112 - KITABU KITAKATIFU

¹ Mwidzominye Yahova. A veye nobugasu mundu u tidzanga Yahova, Wokusangala ligali ku malago gege.

² Kisukululwi kikye ki la va netsingulu mu lirova: Likula lyomulungi li la gasidzangwa.

³ Ubutugi na ubuhinda vi veye mu inyumba yeye; Na ubulungi bwibwe bu hindiranga mihiga nemihiga.

⁴ Mu kisundi ubulavu bu lolekanga ku avalungi: A veye netsimbabasi, neliverera, nobulungi.

⁵ A veye nobulahi mundu u kolanga tsimbabasi nokuhaana kivete; A la nyola ubulahi ku makuva gege mu likalaga.

⁶ Kigira si a la dengeyidzwa mihiga gyosi; Mulungi a la va nokwidzulitswa mihiga nemihiga.

⁷ Si a la tia makuva madamano: Mwoyo gwigwe gu dinyeridzwa, mu lisuuvira Yahova.

⁸ Mwoyo gwigwe gu sosidzwa, si a la va nobutii, Kuduka a li lola lvenya lilve ku avasigu veve.

⁹ A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

¹⁰ Mudamano a la ga lola, na a la verera; A la lumannya amino, na a la saluluka: Lyegomba lyomudamano li la diva.