Zaburi 111 - KITABU KITAKATIFU

¹ Mwidzominye Yahova. Inze nda santidza Yahova nomwoyo gwange gwosi Mu kyina kya valungi, na mu livugana.

² Miyinzi gya Yahova gyi veye minene, Gyenyangwa na vosi ava sangalira kugyo.

³ Miyinzi gyigye gyi veye ubukumi no ubunene; Na ubulungi bwibwe bu hindira nga mihiga nemihlga.

⁴ O koli miyinzi gyigye gyokugenya gyidzulitswe: Yahova a veye netsimbabasi na liverera.

⁵ A lageridzi yavo ava mu tidzanga: A lidzulira lilagana lilye mihiga nemihiga.

⁶ A vuuliye avandu veve tsingulu tsyelikola lilye, Ku livaha miyandu gyetsihiri.

⁷ Miyinzi gyamakono gege gyi veye ageligali na likalaga; Na amalago gege gosi ga veye agelisuuvirwa.

⁸ Ga dinyiridzwa mihiga nemihiga; Ga lombwa mu ageligali na mu bulungi.

⁹ U leteye avandu veve ubuhonnyi; U lagi lilagana lilye li ve ho mihiga nemihiga: Lieta lilye li veye litakatifu na lyokutibwa.

¹⁰ Kutia Yahova ni litanga lyobugeeri; Lihulira lilahi li veye ku vosi ava kolanga malngo gege: Lidzominywa lilye li menyanga mihiga nemihiga.