Zaburi 110 - KITABU KITAKATIFU

Zaburi ya Daudi.

¹ Yahova a volera Mwami wange, Wikale ha mukono gwange mulungi, Kuduka lwa mbika avasigu vovo kuva intebe yevirenge vivyo.

² Yahova a la hila impimbo yetsingulu tsitsyo kutwula mu Zioni: Wamehe hagati ha avasigu vovo.

³ Avandu vovo vehaana avene nobulaliri bwavo Ku lidiku lyetsingulu tsitsyo mu bulahi bwobutakatifu: Kutwula mu inda yamabwebwe U veye nelime lyobusoleri bubwo.

⁴ Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

⁵ Mwami u veye ha mukono gugwo mulungi A duvaduva avami mu lidiku lyobutima bwibwe.

⁶ A la kalaga mu tsihiri, A lizulitsa lirova mibiri mikudzu; A la duvaduva mutwe gwevivala vinyingi.

⁷ A la nwa mu kisenukiru ku inzira: Kunangwa a la ginga mutwe.