Zaburi 104 - KITABU KITAKATIFU

¹ Ugasidze Yahova, O mwoyo gwange. O Yahova Nyasaye wange, ive u veye munene ligali; Ive wiviki ulwami na ubukumi:

² Wivikanga ubulavu kuli ingubo; U vambulanga ligulu kuli ingubo yokukinga;

³ Walanga myaliru gyetsinyumba tsitsye ku amadzi; U kolanga malesi kuva ligarelilye; U genderanga ku tsimbaha tsye mbuudza;

⁴ U kolanga tsimbuudza kuva va; tumwa veve; Na vatumwa veve kuva lumemo lwomuliru;

⁵ Wa lomba mise gyelirova, Li vule kudengeya mihiga nemihiga.

⁶ Ive wa kunika lirova nenyanza kuli ingubo; Amadzi ga singira igulu wevigulu.

⁷ Ku ligondoka lilyo giruka; Ku mwoyo gwelihirigana lilyo ga salanywa

⁸ (Vigulu vya singira, na mavona ga sulunguta) Kuduka ha wa ga lombera muse gwago.

⁹ U ga lombeye ulwako lwa ga ta nyala kuvita; Ga vule kwirana kandi kukunika lirova.

¹⁰ A haana visenukiru vyamadzi mu maheri; Ga vitanga hagati he vigulu

¹¹ Vi nwehidzanga tsinyama tsyosi tsyombulimu; Tsisukiri tsyombulimu tsi mala nga ubuluhu.

¹² Manyonyi gegulu ga menyanga kuvyo; Gimbiranga mu tsisya tsyemisala.

¹³ A samanga vigulu amadzi ga twula mu tsinyumba tsitsye: Lirova lizuye amakuyu gemiyinzi Kyigyo.

¹⁴ A meridziranga mitugu bunyasi, Na vyosi vimeranga ku lilima lya avandu A duke kuleta vyokulia vi twule mu lirova,

¹⁵ Na iwaini i yanzidza mwoyo gwomundu, Na maguta gokunihidza mmoni mwimwe, Na ubukima bu konyanga mwoyo gwomundu.

¹⁶ Misala gya Yahova gyi nwedzanga kuduka kwiguta, Misala minene gya Lebanon gya ya simika;

¹⁷ Ha manyonyi gombaka tsinyumba tsyago; Na ku ligungu, inyumba yalyo i veye mu musala gu langwa mutaragwa.

¹⁸ Vigulu vitambi vi veye vyetsimbuli tsyombulimu; Na tsimpinga tsi veye tsyamakinieli.

¹⁹ Ya lomba mweli kulolekidza tsinyinga: Liuva li manya liyera lyalyo.

²⁰ U lomba kisundi, na bu veye ubudiku, Mubwo tsinyama tsyomulitu tsi gendanga.

²¹ Avana ve ving'ang'a va fuumanga ku likayirwa vyokuhimwa vyavo, Navyo vyenyera vyokulia vyavo ku Nyasaye.

²² Liuva li tonga, navyo vyevungidza Na vi gona mu tsimbangaywa tsyavyo.

²³ Mundu a samulanga kutsia ku miyinzi gyigye Na a vedzanga ku liyinzira lilye kuduka mgolova.

²⁴ O Yahova, igirikunu miyinzi gyi gyo Yigyi gyosi wa gvi kola nobugeeri: Lirova lizuye ubuhinda bubwo.

²⁵ Henza inyanza inene na imamba lalu, I veye mu nevimolanga vi ta valika Tsinyama tsinkekeke na tsinene.

²⁶ Amato ga gendanga yo; Kandi leviathan i veye yo, ya wa lomba kukina muyo.

²⁷ Yivi vyosi vi lindirira ive, U vi he vyokulia vyavyo ku tsinyinga.

²⁸ Ive u vi hedzanga, vyene vi dolanga U kunula mukono guugwo, viguti nobulahi.

²⁹ U visa mmoni mumwo, vi dambi dzangwa U twulidza myika gyavyo, na vikudza, Na vi gwa kandi ulugukyi lwavyo.

³⁰ U tuma Roho wowo, na vi lomba ngwa; Ive u lomba lirova kuva lihya.

³¹ Ubukumi bwa Yahova bu ve ho mihiga nemihiga; Yahova a sangale mu likola lilye:

³² U henza lirova na li degera; Ya dira vigulu na vi vuya mwoki.

³³ Ndimbira Yahova lwa mbeyemwoyo: Ndimba tsyokwidzominya Nyasaye wange lwa mbeye neliva lyange.

³⁴ Tsiganagani tsyange tsi ve tsinolu kuye: Nda sangala mu Yahova.

³⁵ Avobwoni va heridzwe mu lirova. Na avadamano va ta va ho kandi. Gasidza Yahova, O mwoyo gwange. Mwidzominye Yahova