Zaburi 102 - KITABU KITAKATIFU

Lisaala lya uyu u dambidzwa lwa a guutwa nokutsuka lyevolera mu livererera lilye imbiri wa Yahova.

¹ U yhauhlore lisaala lyange O; Na lilira lyange li duke ku ive.

² U ta visa mmoni mumwo ku inze mu lidiku lyobusaliri bwange: U tegidze ugutu gugwo ku inze; U ntivulire bwangu ku lidiku lya nzanira.

³ Kigira madiku gange ga kamanga kuli mwoki Na vigumba vyange vi sambangwa kuli kiyayi.

⁴ Mwoyo gwange gu kuyiki kuli bunyasi, na gwumi; Kigira nzivirira kulagira ubukima bwange.

⁵ Kigira mwoyo gwelikenya lyange, Vigumba vyange vi handa ku inyama yange.

⁶ Ngwiye kuli ikonye yomwigendanyama; Ngwiye kuli likuule lyomu kyangalangwi.

⁷ Mbenzereranga na nduki kuva kuli litonderidzi Li veye liderwa igulu wenyumba.

⁸ Avasigu vange va nyeganga mbasu bei; Ava mbihirirangwa visuhanga kuinze.

⁹ Kigira ndagiye ligoke kuli ubukima, Nokutsukannya kyokunwa kyange nelilira

¹⁰ Kigira ubutima bubwo na livihirirwa lilyo: Kigira u ng'ingi, nokuntuula hasi.

¹¹ Madiku gange ga veye kuli kiriri ki tsitsanga Na nniaye kuli bunyasi.

¹² Navutswa ive, O Yahova, u la hindira mihiga nemihiga; Na lieta lilyo lyokwidzulitswa li la duka ku makula gosi.

¹³ U la singira kuvererera Zioni; Kigira inyinga yokumuvererera i duki Yee, inyinga ya lagwa i mali kuduka.

¹⁴ Kigira avatumekiri vovo va yanzidzeywi namagina gege, Va vererera ulugukyi lulwo.

¹⁵ Kunangwa avetsihiri va la tia lieta lya Yahova, Na avami vosi avelirova ra la tia ubukumi bubwo.

¹⁶ Kigira Yahova yombaki Zioni; U loleki nobukumi bwibwe.

¹⁷ U bugiriye lisaala lyavadaka, Na si a legi lisaala lyavo mba.

¹⁸ Yaga ga la ng'oderwa kisukululwi kyenyima; Na avehiri i ia lombwa, va lidzominya Yahova.

¹⁹ Kigira mwigulu mwahatakatifu hehe, u henzi hasi; Mwigulu ha Yahova a veye ya henza lirova,

²⁰ Kuhulira likenya lyomuhambe; Nokuboholola yavo ava ng'oderwa likudza;

²¹ Avandu va duke kulandidza lieta lya Yahova mu Zioni, Na lidzominywa lilye mu Yerusalemi;

²² Lwa avandu va vugana halala, Na ubwami bu veye ho kutumekira Yahova.

²³ Ya gehidza tsingulu tsyange ku inzira; Na yimbihidza madiku gange.

²⁴ Nda vola, O Nyasaye wange, u ta ntwulidza hagati ha mmadiku gange mba: Mihiga gyigyo gyi tsitsanga ku makula gosi.

²⁵ Kale wa lomba muse gwelirova; Kandi magulu ga veye miyinzi gyamakono gogo.

²⁶ Yivi vyosi vi la dividzwa navutswa ive u la hindira; Yee, yivi vi la kunguha kuli ingubo; Na kuli ingubo u la vi girunkannya, navyo vi la girunkanywa:

²⁷ Navutswa ive u veye mulala mwere Na mihiga gyigyo si gyi veye nekiheri mba.

²⁸ Avana va avatumekiri vovo va la hindira, Na visukululwi vyavo vi la dinyiridzwa imbiri wowo.