Zaburi 10 - KITABU KITAKATIFU

¹ O Yahova, kigira ki u singira ihale? Kigira ki wivisa mu tsinyinga tsyekivi?

² Mudamano mu luyai lwilwe a dambidzanga avadaka Va gumirwe mu tsiganagani tsya va ganagani avene.

³ Kigira mudamano yiidzominya ku likayirwa lyomwoyo gwigwe, Nokugasidza wemoni yokukayirwa, yee, a legannya Yahova.

⁴ Mudamano mu luyai lwommoni mwimwe a wla, si a la vanza mba. Tsiganagani tsitsye tsyosi tsi veye kuvola, Si ha li na Nyasaye.

⁵ Tsinzira tsitsye tsi veye tsindinyu tsinyinga tsyosi; Likalaga lilyo lyegingi ligali, si a la duka kulyo: Na ku avasigu veve vosi, a va lega.

⁶ A volanga mmwoyo gwigwe, Inze si nda sundwa mba; Kuduka ku makula na makula si nda kupa kivi mba.

⁷ Munwa gwigwe gwizuye ubunyegi, na ubugadi, na lidambidza: Isi wolulimi lwilwe, ki veye kivihiri na ubudamano.

⁸ Yikalanga mu tsiluku tsyamadala; Mu lyevisa yiitanga ava ta li ne; kindu kuvo Makiriri tsimoni tsitsye tsi himanga avadedekere.

⁹ A setanga makiriri kuli king'ang'a mu lyevisa lyakyo; A seteranga avadedekere, a duke kuva hamba; A hambanga avadedekere, lwa a va kwesanga mu mutego gwi gwe.

¹⁰ Yekunyanga, ni yinama, Na avadedekere va gwa kigira avetsingulu aveve.

¹¹ A volanga mu mwoyo gwigwe; Nyasaye yiviriye, Yivisa mumoni mwimwe, si a li lola mba.

¹² O Yahova, u singire; O Nyasaye, u ginge mukono gugwo: U tivirira avadaka.

¹³ Kigira ki mudamano a leganga Nyasaye, Nokuvola mu mwoyo gwigwe, Ive si u nyala kuvanza mba?

¹⁴ Ive u ga loli; kigira ive u henzanga kivi na kivihiri, kuvitungira nomukono gugwo: Mudedekere wivika mwene ku Ive; Ive u veye mukonyi wa avabisandu.

¹⁵ Ive u vunannye mukono gwavadamano; Noku uyu mudamano, wenye ubudamano bwibwe kuduka bu vule kuva ho.

¹⁶ Yahova a veye Mwami mihiga nemihiga: Tsihiri tsyosi tsi fweye mu kivala kikye.

¹⁷ Yahova, ive u huliye liyenya lyavahoma: Ive u la lomba myoyo gyavo, u la tegidza gutu gugwo kuhulira;

¹⁸ Kukalagira avabisandu na avada mbidzwa, Mundu welirova a vule kuva mutihidzi kandi.