Yohana 15 - KITABU KITAKATIFU

¹ Inze mbeye muzabibu gweligali, musimiki ni Dada wange.

² Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu halulira lu dase kwama.

³ Mwinye kutwuia kalunu mu veye avanifu kigira likuva lya nda mu volera.

⁴ Mu menye mu inze, na inze mmenye mu mwinye. Kuli lusya lwene si lu nyala kwama ni lu ta menya ku muzabibu; kandi mwinye si mu nyala kwama, ni mu ta menya mu inze.

⁵ Inze mbeye muzabibu, na mwinye mu veye tsisya. Uyu u menya mu inze, na inze muye, yamanga amakuyu manyingi: kigira bugira inze si mu nyala kukola kindu kali hakuzu.

⁶ Mu ndu na a ta menya mu inze, a la tebwa kuli lusya lu tebwa na a Iwuma; natsyo va vungidza halala, ma va tsi ta mu muliru, tsyaaka.

⁷ Ni mu menya mu inze, namakuva gange ni ga menya mu mwinye, mu saale vya mwenya, mu la kolerwa.

⁸ Ku yikyo Dada wange a kuminyangwa, mwame makuyu manyingi; na mwinye mu la va avegidzwi vange.

⁹ Kuli Dada ya nyanza, inze kandi mmu yanza ndiyo: mu menye mu buyanzi bwange.

¹⁰ Ni mu va ni mu gumira malago gange, mu la menya mu buyanzi bwange; kuli inze ngumira malago ga Dada wange, kandi menya mu buyanzi bwibwe.

¹¹ Yaga mmali kumuvolera, ubuyanzi bwange bu duke kuva mu mwinye, kandi ubuyanzi bwenyu bu duke kuduka.

¹² Yili ni lilaga lyange, mu yanzane, kuli wa inze mmali kumuyanza.

¹³ Mundu si a veye nobuyanzi bunene kuvita yibu, mundu a haane livamwoyo lilye kigira avalina veve.

¹⁴ Mwinye mu veye avalina vange, ni mu kola vindu vya mmu laga.

¹⁵ Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

¹⁶ Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

¹⁷ Yivi mmu laga, mu duke kuyanzana.

¹⁸ Avomkivala ni va mu dunyira, mu manya va tanga kundunyira lwambiri.

¹⁹ Ni mu va ku avomkivala, nkano avomkivala va yanza avavo: navutswa kigira si mu veye ku avo mkivala, navutswa inze nda mu tovola ku vomkivala, yiki ni kigira avomkivala va mu dunyira.

²⁰ Mwidzulitse likuva lya nda mu volera, Mutugwa si a veye munene kuvita wa mutuga. Ni va da mbidza inze, va la dambidza mwinye; ni va gumira likuva lyange, va la gumira lyenyu.

²¹ Navutswa yaga gosi va la mu kolera kigira lieta lyange, kigira si va manya wa ntuma.

²² Inze ni mbula kuudza kuvavolera, nkano si va veye nobwoni: navu tswa kalunu si va veye ne kivuni ku bwoni bwavo.

²³ Uyu u dunyira inze a dunyira kandi Dada wange.

²⁴ Mbula kukola kuvo miyinzi gyomundu wundi a ta kola, nkano si va veye nobwoni: navutswa va mali kulola nokudunyira inze na kandi Dada wange.

²⁵ Navutswa yaga ga kolwa li duke kudukidzwa likuva lya ng'odwa mu lilaga lyavo, Va ndunyira bugira kivune.

²⁶ Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

²⁷ kandi mwinye mu la lolekidza, kigira mwinye mwa li halala ninze kutwula mu litanga.