Yohana 11 - KITABU KITAKATIFU

¹ Mundu mulala, Lazaro wa Betani, womu lidala lya Maria namwavo wewe Marita, ya lwala.

² Kandi ya li Maria zana wa vaka Mwami maguta, ni yeya virenge vivye nelisu lilye, mbotso wewe Lazaro ya lwala.

³ Kunangwa avabotso veve va tuma mutumwa ni va vola, Mwami, uyu wa u yanza a lwala.

⁴ Navutswa Yesu lwa ya hulira ya vola, Ubulwaye yibu si bu veye bwokuduka likudza navutswa bu veye kigira ubukumi bwa Nyasaye, Mwana wa Nyasaye a duke kukuminywa.

⁵ Yesu ya yanza Marita namwavo wewe na Lazaro.

⁶ Kunangwa lwa ya hulira a lwala, ya menya madiku gaviri ha ya li na a veye.

⁷ Inyima ya yaga ya volera avegidzwi veve, ku tsie kandi Buyuda.

⁸ Avegidzwi veve va mu volera, Rabi, kalunu ndi Vayuda venya kukulasa na magina; ive u tsie yo kandi?

⁹ Yesu ya tivula, Tsisaa tsyombasu si tsi veye likumi na tsiviri? Mundu na a genda mu mbasu si yikigitala kigira a lola ubulavu bwekivala yiki.

¹⁰ Navutswa na a genda ubudiku a likigitala, kigira ubulavu si bu veye muye.

¹¹ Ya vola vindu yivi: nenyima ya yivi ya va volera, Lazaro mulina wetu a gonanga tsindolo; navutswa inze ntsitsa kumuvukidza.

¹² Kunangwa avegidzwi va mu volera, Mwami, na a va na a gonanga a la hona.

¹³ Navutswa Yesu ya vola ku likudza lilye; navutswa navo va ganagana a volanga ku lisosa mu ligona tsindolo.

¹⁴ Hene yaho Yesu ya va volera habulavu, Lazaro u kudzi.

¹⁵ Kandi inze kigira mwi nye nyanzi kigira nda vula kuva yo, mwinye mu duke kusuuvira; navutswa gendi ku tsie kuye.

¹⁶ Ma Tomasi, wa langwa Malongo, ya volera avegidzwi avakye, Kwinye ku tsie naye, ku kudze halala naye.

¹⁷ Kunangwa Yesu lwa ya duka, ya mu nyola na a goni madiku gane mu kilindwa.

¹⁸ Betani lya li himbi ne Yerusalemi, mbula tsimaili tsiviri;

¹⁹ kandi vanyingi ku Vayuda vadza ku Marita na Maria va va leminye mwoyo kigira mbotso wavo.

²⁰ Ku nangwa Marita lwa ya hulira Yesu yadzanga, ya tsia kumwaganira: navutswa Maria ya li ni yikaye mu inyumba.

²¹ Maku Marita ya volera Yesu, Mwami, u va wa li hano, mbotso wange nkano si ya kudza mba.

²² Liva kalunu mmanya ku vyosi kya u saala Nyasaye. Nyasaye a la ku ha.

²³ Yesu ya mu vo lera, Mbotso wowo a la simuguka.

²⁴ Marita ya mu volera, Mmanya a la simuguka mu lisimuguka ku lidiku lyekiheri.

²⁵ Yesu ya mu volera, Inze mbeye lisimuguka, kandi mbeye livamwoyo: u suuvira inze, kaliva na a kudza, a la va mwoyo;

²⁶ ku vosi u veye mwoyo na a suuvira inze si a li kudza mihiga nemihiga. U suuviye yaga?

²⁷ Ya mu volera, Yee, Mwami; inze nsuuviranga, ive u veye Kristo, Mwana wa Nyasaye, uudza mu lirova.

²⁸ Kandi lwa ya mala kuvola yaga, ya tsia na a langa Maria amwavo wewe galaha, na a vola, Mwegidzi a veye hano a ku langa.

²⁹ Naye lwa ya hulira, ya singira bwangu na a tsia kuye.

³⁰ (Yesu ya li na a kikiri kwingira mu kadala, navutswa ya li na a veye ha Marita ya mwaganira.)

³¹ Kunangwa Avayuda va li halala naye mu inyumba, ava mu leminya mu mwoyo, lwa va lola Maria na a singira na a twula bwangu, va mu londa, va vola a tsitsa kulirira ha kilindwa.

³² Kunangwa Maria, lwa ya duka ha Yesu ya li na a mu lola, ya gwa ha virenge vivye, na a mu volera, Mwami, u va wa li hano, mbotso wange nkano si ya kudza mba.

³³ Yesu lwa ya mu lola na a lira, na Vayuda ava mu londa va lira, ya kenya, na a henda mwoyo,

³⁴ na a vola, Mwa mu vika haliha? Va mu volera, Mwami, hamba u lole.

³⁵ Yesu ya twula maliga.

³⁶ Kigira yiki Avayuda va vola, Henza kuli a mu yanza

³⁷ Na vutswa avalala kuvo va vola, Uyu wa kunula tsimoni tsyomboku, si a nyala kukola mundu uyu kandi u ta kudzi?

³⁸ Ma Yesu ya kenya hali kaviri, ya duka ha kilindwa. Nakyo kya li mu luhangaywa, kandi ligina lya vikwa ku.

³⁹ Yesu ya vola, Mu twulidze ligina. Marita, mbotso wa uyu wa kudza, ya mu volera, Mwami, kalunu a funya; kigira lero a veye mukudzu madiku gane.

⁴⁰ Yesu ya mu volera Si nda ku volera, Nu u suuvira u la lola ubukumi bwa Nyasaye?

⁴¹ Kunangwa va twulidza ligina. Na Yesu ya henza migulu na a vola, Dada, nku santidza kigira wa mbulira.

⁴² Kandi nda manya u mbulira madiku gosi: navutswa kigira kiduma ki singira ku inyasi, nda ga vola, va duke kusuuvira nkani nive wa ntuma.

⁴³ Kandi lwa ya mala kuvola ndi, ya langa nomwoyo munene, Lazaro, u twule.

⁴⁴ Naye wa li na a kudzi ya twula, na a boheywi amakono nevirenge netsingubo tsyekilindwa; kandi mu moni mwimwe na a bohe ywi nengubo. Yesu ya va volera, Mu mu boholole, a tsie.

⁴⁵ Kunangwa avanyingi ku Vayuda avadza halala na Maria ni va lola kya ya kola va mu suuvira.

⁴⁶ Navutswa avalala kuvo v a tsia ku Vafarisayo ni va va volera vindu vya Yesu ya kola.

⁴⁷ Avasalisi vanene na Vafarisayo va vugannya kyina, ni va vola, Ku kola ndi? Kigira mundu uyu a kolanga vilolekidzu vinyingi.

⁴⁸ Ni ku mu leka ndiyo, avandu vosi va la mu suuvira: kandi Avaromi va ladza va hile kivala kyetu nehiri yetu.

⁴⁹ Navutswa mulala kuvo wa langwa Kaiafa, ya li na a veye musalisi munene muhiga yigwo ya va volera, Mwinye si mu manya kindu kali kilala,

⁵⁰ kandi si mu ganagana nu bulahi ku mwinye mundu mulala a kudzere avandu, ihiri yosi i vule kukudza.

⁵¹ Navutswa yaga si ya vola mwene: navutswa kigira ya li na a veye musalisi munene muhiga yigwo ya profeta Yesu a la kudzera ihiri;

⁵² kandi si ya kudzera ihiri yeng'ine, navutswa a duke kusannya halala avana va Nyasaye vosi ava salana.

⁵³ Kunangwa kutwula ku lidiku yilyo va lomba kyina va duke kumwiita.

⁵⁴ Kigira yiki Yesu si ya vaya kandi habulavu mu Vayuda, navutswa ya tsia mu kivala ahimbi neligendanyama, mu lidala lya langwa Efiraim; ya menya yo halala navegidzwi veve.

⁵⁵ Lipasaka lya Vayuda lya li himbi: navandu vanyingi vanegira Yerusalemi imbiri welipasaka, va twula mu kivala, ni va tsia kwetakasa.

⁵⁶ Kunangwa venya Yesu, ni va volerana lwa va singira mu litempeli Mu lole ndi? Si a lidza mu liliai

⁵⁷ Avasalisi vanene na Vafarisayo va li ni va laga, mundu na a manya ha a veye, a vuule, va duke kumugumira.