Yohana 10 - KITABU KITAKATIFU

¹ Ligali, ligali, mmu volera, U vula kwingira mu kiliango kyekego kyamagondi, navutswa a tsia kuhudula ha luvega, uyu nu mwivi kandi nu mwiguliri.

² Navutswa wingirira mu kiliango nu mwayi wamagondi.

³ Mulindi a mwigulira kiliango; kandi magondi ga hulira mwoyo gwigwe: kandi a langa amagondi gege sa lilala lieta lyalyo, na a gimirira kutsia kyova.

⁴ Lwa a mala kugahila agege gosi kyova, a gimirira imbiri wago, nago amagondi ga mu londa: kigira ga manya mwoyo gwigwe.

⁵ Kandi si ga nyala kulonda mundu mgeni, navutswa ga la mwiruka: kigira si ga manya mwoyo gwavageni.

⁶ Lugano yilu Yesu ya va kupa: navutswa si va manya ni makuva ki ga ya va volera.

⁷ Kunangwa Yesu ya va volera kandi, Ligali, ligali, Inze mbeye kiliango kyamagondi.

⁸ Vosi avadza imbiri wange va li avivi kandi aviguliri: navutswa amagondi si ga va hulira.

⁹ Inze ni kiliango; mu ndu ni yingira ku inze, a la honnywa, naye a lingira mugati kandi a twula kyova, kandi a la lola kyayo.

¹⁰ Mwivi si yadza bugira kwiva, nokwiita, nokwononnya: inze ndadza va nyola livamwoyo, kandi va li nyole linyingi.

¹¹ Inze mbeye mwa yi mulahi: mwayi mulahi a haana livamwoyo lilye kigira magondi.

¹² U tungangwa, na a ta veye mwayi, wamagondi ga ta va agege, a lola kisalang'ongo ni kidza, ma a leka magondi, yiruke, kandi kisalang'ongo ki ga gamula, kandi ki ga salannya:

¹³ yiruka kigira a veye mutungwi, kandi si a nyala kuganagana magondi.

¹⁴ Inze mbeye mwayi mulahi; kandi nga manya aga veye agange, kandi agange ga mmanya,

¹⁵ kuli Dada a manya inze, na inze mmanya Dada; kandi mbaana livamwoyo lyange kigira magondi.

¹⁶ Kandi mbeye namagondi agandi, ga ta veye gomu kego yiki: nago kandi ga ndukira ndete, kandi yaga ga la hulira mwoyo gwange; ga la gwa kyayo kilala nomwayi mulala.

¹⁷ Yiki ni kigira Dada a nyanza, kigira inze mbaana livamwoyo lyange nduke kuligumira kandi.

¹⁸ Si ha veye nomundu u nyaga Ziva mwoyo, navutswa ndi haana inze mwene. Mbeye netsingulu kulihaana, kandi mbeye netsingulu kuligumira kandi. Lilago yili nda nyola ku Dada wange.

¹⁹ Lya duka kandi lyavukana ku Vayuda kigira amakuva yaga.

²⁰ Kandi avanyingi kuvo va vola, A veye nelidemone, kandi a laluka; kigira ki mwinye mu mu hulira?

²¹ Avandi va vola, amakuva yaga si ga li amakuva ga mundu a veye nelidemone. Lidemone li nyala kukunula tsimoni tsyavaboku.

²² Lilia lyokugima litempeli lya li mu Yerusalemi:

²³ ga li madiku gobukindu; kandi Yesu ya vaya mu litempeli mu lusimbu lwa Solomoni.

²⁴ Kunangwa Avayuda va mu kumbiridza, ni va mu volera, U la ku hayahayidza kuduka inyinga ki? Nu u va nu u veye Kristo u ku volere habulavu.

²⁵ Yesu ya va tivulira, nda mu volera, Si mu suuvira: miyinzi gya nkolanga ku lieta lya Dada wange, yigyo gyi ndolekidzanga.

²⁶ Navutswa mwinye si rnu suuvira, kigira si mu veye mu magondi gange.

²⁷ Magondi gange ga hulira mwoyo gwange, kandi inze nga manya, kandi ga nonda:

²⁸ inze nga hedzanga livamwoyo li ta hera mba; ga la vula kudivz imihiga nemihiga, kandi si ha veye nomundu u li ga nyaga mu mkono gwarige

²⁹ Dada wange wa mpa, a veye munene kuvita vosi; kandi si ha veye nomundu u nyala kuganyaga mu mkono gwa Dada.

³⁰ Inze na Dada ku veye kindu kilala.

³¹ Avayuda va dola magina kandi kumulasa.

³² Yesu ya va tivulira, Miyinzi milahi minyingi mmu mannya gyi twulanga ku Dada; ku miyinzi yigyo ni gu li ha gwa mu ndasira magina?

³³ Avayuda va mu tivulira, Si ku ku lasa kigira muyinzi mulahi, navutswa kigira ubunyegi; kandi kigira ive, mundu, mwene wekola Nyasaye.

³⁴ Yesu ya va tivulira, Si ga ng'odwa mu lilaga lyenyu, Inze nda vola, Mwinye mu veye avanyasaye?

³⁵ Na a va na a va langa vanyasaye, yavo avelikuva Iyn Nyasaye lidza kuvo (kandi Amang'oda si ga nyala kugota),

³⁶ wa Dada ya tovola na a mu tuma kuudza mu kivala, mwinye mu vola kuye, U nyega; kigira nda vola, Inze mbeye Mwana wa Nyasaye?

³⁷ Ni mba ni nta kola miyi nzi gya Dada wange, mu ta nsuuvira.

³⁸ Navutswa ni mba ni nkola, kali mu vula kunsuuvira, mu suuvire miyinzi, mu duke kuhulira nokumanya, Dada a veye mu inze, na inze mu Dada.

³⁹ Kunangwa venya kandi kumugumira: navutswa ya twula mu makono gavo.

⁴⁰ Ya tsia kandi hangereka ha Yordani ha Yohana ya batidzira inyinga yokutanga; na a menya yo.

⁴¹ Kandi avandu vanyingi va tsia kuye, ni va vola, Ligali Yohana si ya kola kilolekidzu, navutswa vindu vyosi vya Yohana ya vola ku mundu uyu vya li vyeligali.

⁴² Kandi vanyingi va mu suuvira yaho.