Vikolwa 11 - KITABU KITAKATIFU

¹ Avatumwa navamitu ava li mu Buyuda va hulira ave Tsihiri kandi va mali kugumira likuva lya Nyasaye.

² Kandi Petro lwa yanegira kuduka Yerusalemi, yava va li avakevwa va hangalidzana naye,

³ va vola, Ive wingira ku vandu va ta kevwa, nu u lia halala navo.

⁴ Navutswa Petro ya tanga kuvalu ngikidzira amakuva kuli ga veye, na a vola,

⁵ Nda li mu lidala lya Yopa ni nsaala: mu ligirunkanywa lyomwoyo gwange na nda lola liloto, kindu kikidzwa ku tsinziga tsine ki twula migulu kuli ingubo inene; kidza kali ku inze.

⁶ Lwa nda kyumika, nki henza ligali, nda lola muno tsinyama tsyelirova tsyevirenge vine, netsinyama tsyombulimu netsinya ma tsi mola, namanyonyi gegulu.

⁷ Kandi nda huhra mwoyo gwa mbolera, Singira, Petro; wiite u lie.

⁸ Navutswa nda mu volera, Auwa, Mwami: kigira kindu kivi nekidamano ki kikiri kwingira mu munwa gwange.

⁹ Navutswa mwoyo gwa tivula, gu twula migulu hali kaviri, Kya Nyasaye a takasa ive u ta ki kola kidamano.

¹⁰ Yiki kya kolwa hali kavaka: kandi vyosi vya nyinywa kandi migulu.

¹¹ Henza, nonoho avandu vavaka va singira imbiri wenyumba ya kwa li mu, ava tumwa ku inze kutwula Kaisaria.

¹² Roho ya mbolera, u tsie navo, u ta visiigana. Navamwavo yava vatanu na mulala va tsia halala ninze; ni kwingira mu inyumba yomundu uyu:

¹³ kandi ya ku volera kuli wa ya lola ingelosi na a singiye mu inyumba yeye, na a mu volera, U tume avandu va tsie Yopa, va lange Simoni welieta lindi Petro;

¹⁴ a la ku volera amakuva ga la ku honnya ive navenyumba yoyo vosi.

¹⁵ Na lwa nda tanga kuvola, Roho Mutakatifu yika kuvo kuli wa ya tanga kwika ku kwinye lwambiri.

¹⁶ Ma ndidzulitsa likuva lyo Mwami, kuli ya vola, Yohana ya batidza na madzi ligali, navutswa mwinye mu la batidzwa mu Roho Mutakatifu.

¹⁷ Kunangwa Nyasaye na a va na a va ha kihaanwa yikyo kya ya ha kwinye, lwa kya suuvira ku Mwami Yesu Kristo, inze ni bwaha, nyale kwamba kannya Nyasaye?

¹⁸ Kandi lwa va hulira yaga va kiring'ana, ni vidzominya Nyasaye, ni va vola, Kali ku Tsihiri, Nyasaye u mali kuvaha Iveganira li leta livamwoyo.

¹⁹ Kunangwa yava va salanywa kigira lidambidzwa lya twulira ku Stefano, va tsia kuduka kali Foinike na Kuporo, na Antiokia, si va volera mundu likuva navutswa Avayuda veng'ine.

²⁰ Navutswa avandi ku vo, avandu va Kuporo na Kurene, lwa va duka Antiokia va volera Avagreki kandi, vilwadza amakuva go Mwami Yesu.

²¹ Kandi mu kono gwo Mwami gwa li halala navo: na vanyingi ava suuvira va girunkana ni va yeka ku Mwami.

²² Amakuva gavo ga duka mu matu gelivu gana lya li mu Yerusalemi: ni va tuma Baranaba a tsie Antiokia.

²³ Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

²⁴ kigira ya li mundu mulahi ni wizula Roho Mutakatifu nelisuuvira: navandu vanyingi va dasika ku luvega lwo Mwami.

²⁵ Kandi ya tsia Tariso kwenya Saulo;

²⁶ lwa ya mala kumulola ya mu leta Antiokia. Kandi muhiga mulala va vugana nelivugana halala, ni vegidza avandu vanyingi: kandi ave gidzwi va tanga kulangwa Avakristayo mu Antiokia.

²⁷ Mu madiku yago avaprofeti va sulunguta kutwula Yerusalemi kuduka Antiokia.

²⁸ Kandi mundu mulala kuvo wa langwa Agabo ya singira, na a lolekidza netsingulu tsya Roho, inzala inene i ladza mu lirova lyosi: nayo ya duka mu madiku ga Klaudio.

²⁹ Navegidzwi sa mulala kuli va nyala va lalira kuhila ubukonyi ku vamwavo ava menya Ebuyuda:

³⁰ navo va kola ndiyo ni va bu hilira avakulundu mu ma kono ga Baranaba na Saulo.