Vagalatia 2 - KITABU KITAKATIFU

¹ Kandi inyima yemihiga likumi na gyine ndanegira kandi kutsia Yerusalemi halala na Baranaba, ni mbila Tito kandi.

² Kandi ndanegira kigira livuula; kandi nda va vuulira ivangeli ya ndilwadza mu Tsihiri navutswa nda kola makiriri ku yavo ava volwa va veye nelimanyekana, gase ku makuva gosi nda va unyagulanga, kinga mmali kunya gula vutswa.

³ Navutswa Tito wa li halala na inze, ya li Mugreki, si ya nigwa kukevwa;

⁴ navutswa kigira avamitu vobubehi ava letwa makiriri, avingira makiriri kuluta libohololwa lyetu lya ku veye nalyo mu Kristo Yesu, va duke kukuvika mu butugwa:

⁵ ava kwa vula kulekera ubwiyangu kwegehidze kuvo kali isaa indala, ivangeli yeligali i duke kumenya nemwinye.

⁶ Navutswa ava volwa va veye avanene (va li nobunene ki si ki veye kindu ku inze: Nyasaye si a bugirira ligondo lyomundu) yava ava volwa va veye kindu si va dasa ku inze kindu:

⁷ navutswa ha luvega lundi, lwa va lola ni mbebeywi ivangeli ya yava ava vula kukevwa, kuli Petro ya hebwa ivangeli ku yava ava kevwa

⁸ (kigira uyu wa yinzira na Petro mu butumwa ku yavo ava kevwa, uyu niye wa yinzira ninze mu butumwa ku ve Tsihiri);

⁹ navo lwa va manya tsimbabasi tsya nda hebwa, Yakobo na Kefa na Yohana, yava ava volwa kuva tsitiru, va ha inze kandi Bara naba makono malungi agobusangi, kwinye ku tsie ku Tsihiri, navo va tsie ku vakevwa;

¹⁰ navutswa venya kwinye kwidzulitse avadaka, yili lyeng'ine; likuva zana kandi nda li nobugulu kulikola.

¹¹ Navutswa lwa Kefa yadza Antiokia, nda li nobuhangali kuye, kigira ya li na a mala kukalagirwa kuva muhyoli.

¹² Kigira inyinga avalala va kikiri kutwula ku Yakobo, ya li na a litsa kyokulia halala nave Tsihiri; navutswa lwa vadza, yiya hula ni yeleha kigira ya tia yava ava kevwa.

¹³ Kandi yavo Avayuda avandi va girunkanywa halala naye; kuduka Baranaba kandi bugadi bwavo bwa mu gotidza.

¹⁴ Navutswa lwa nda lola si va gendanga ku luvega lwageligali gevangeli, nda volera Kefa imbiri wa vosi, Ive Muyuda nu u va nu u londa miima gya ve Tsihiri, kandi si u londa gya Vayuda, ga veye ndi ive kuniga ave Tsihiri kulonda miima gya Vayuda?

¹⁵ Kwinye ku veye Avayuda mu livulwa lyetu, si ku veye avoni va twulanga mu Tsihiri,

¹⁶ ni ku ma nya mundu si a volangwa kuva mulungi ku vikolwa vyelilaga, navutswa ku lisuuvira ku Yesu Kristo kali kwinye kwa suuvira Kristo Yesu ku duke kuvola kuva avalungi ku lisuuvira Kristo, si ga li vikolwa vyelilaga: kigira si ha veye nowomubiri u li volwa kuva mulungi ku vikolwa vyelilaga.

¹⁷ Navutswa lwa kwa li ni kwenya kuvolwa kuva avalungi mu Kristo, kwa loleka avene kuva avoni, Kristo a veye mutumwa wobwoni? Auwa, ligali.

¹⁸ Kigira ni mba ni nyombaka kandi hali kaviri vya nda sambula, ndoleka mwene kuva muhyoli.

¹⁹ Kigira nda gwa mukudzu ku lilaga kigira lilaga, nduke kuva mwoyo ku Nyasaye.

²⁰ Nda bambwa halala na Kristo; kandi si a li inze mwene u veye mwoyo, ni Kristo u veye mwoyo mu inze: nelivamwoyo lya mbeye nalyo mu mubiri, yili mbeye nalyo mu lisuuvira li veye ku Mwana wa Nyasaye, wa yanza inze, kandi yehaana kigira inze.

²¹ Si nzangalalidza tsimbabasi tsya Nyasaye: kigira ubulungi bu va ni bu nyolekera ku lilaga, kunangwa Kristo ya kudza vutswa.