Tsing'ano 5 - KITABU KITAKATIFU

¹ Mwana wange, u hulire ubugeeri bwange; U tegidze ugutu gugwo ku limanya lyange:

² U duke kulinde ubugeeri, Na minwa gyigyo gyi linde li manya.

³ Kigira minwa gyomukali mugeni gyi tonyatonya ubwuki, Munwa gwigwe gu veye mudoto kuvita maguta:

⁴ Navutswa ku kiheri a veye wobululu kuli liduha, Mwogi kuli kivavi kyetsimbega tsyombi.

⁵ Virenge vivye vi sulungutanga mu likudza; Na ligenda lilye li hambana na Kihadisi;

⁶ Kuduka a vule kulola inzira inungi yelivamwoyo: Tsinzira tssitsye tsi voyavoya, na mwene Si a manya.

⁷ Kunangwa kalunu, avana range, mu mbulire, Na mu ta leka makuva gomunwa gwange mba.

⁸ U twulidze inzira yoyo i ve ihale ku mukali uyu, Kandi u ta vita himbi muliango gwenyumba yeye;

⁹ Gase u la ha avandi ubukumi bubwo, Na mihiga gyigyo u la ha ave kirage

¹⁰ Gase avageni va lizula tsingulu tsitsyo, Na miyinzi gyigyo gyi la va mu inyumba yomugeni,

¹¹ Na u kenye mu madiku gekiheri kikyo, Lwa inyama yoyo nomubiri gugwo gu dividzwa

¹² Na u la vola, Nda dunyira ndi lyegidzwa, Na mwoyo gwange gwa lega ligondokirwa;

¹³ Kandi si nda hulira mwoyo gwa avegidzi vange, Kandi si nda tegidza ugutu gwa nge ku yavo ava nyimirira

¹⁴ Ha gehi hakekeke inze kuva mu budamano bwosi Hagati helivugana na mu livungidzana.

¹⁵ U nwe amadzi mu isiongo yoyo mwene, Na amadzi ga senukanga mu kidaho kikyo.

¹⁶ Visenukiru vivyo vya amadzi vi sunduke ihale Na migera gyi sunduke mu mahasi?

¹⁷ Gyi ve ku ive mwene weng'ine, Gyi ta va ku avageni halala na ive.

¹⁸ Kisenukiru kikyo ki gasidzwe; Na u sangale halala nomukali wobusoleri bubwo.

¹⁹ Kuli imboongo yobuyanzi na ingya indahi, Na tsimbeere tsitsye tsi ku duhire tsinyinga tsyosi; Na ubuyanzi bwibwe bu ve lisangala lilyo madiku gosi.

²⁰ Kigira ki, mwana wange, u gota inzira halala nomukali mugeni, Nokukumberera kiritu kyornugeni?

²¹ Kigira tsinzira tsyomundu tsi veye imbiri wetsimoni tsya Yahova; Naye a lungikidza tsinzira tsitsye tsyosi.

²² Mudamano a la hambwa nobu damano bwibwe mwene, Na a la bofwa nemigoye gyobwoni bwibwe.

²³ A la kudza kigira ligehera lyamegidzo; Na a la diva mu bunene bwobusiru bwibwe.