Tsing'ano 20 - KITABU KITAKATIFU

¹ Lwaini i veye yekihenyahenye, kyokunwa kilulu ki kola liyoga; Na uyu u gadwa mu vindu yivi si a veye nobugeeri.

² Litibwa lyomwami li veye kuli lifwuma lyeking'ang'a: Uyu u vukidza ubutima bwibwe a kolera livamwoyo lilye ubwoni.

³ Li veye lidzominywa lyomundu kuleka lihing'ana Navutswa musiru sa mulala ayanza litinda.

⁴ Mugata a sula kulima kigira ubu kindu; Kunangwa a la sava inyinga yeligesa, na a la va vutswa.

⁵ Makuva mu mwoyo gwomundu ga veye kuli amadzi goluliva; Navutswa mundu welimanya a la ga daha.

⁶ Ku avandu avanyingi va lilwadza sa mulala ubulahi bwibwe mwene; Navutswa mundu musuuvirifu, ni bwaha u nyala kumulola?

⁷ Mundu wobulungi u gendanga mu bulungi bwibwe, Avana veve va gasidzeywi inyima wewe.

⁸ Mwami wikalanga ku intebe yelikalaga A salannyanga ubudamano bwosi netsimoni tsitsye.

⁹ Ni bwaha u nyala kuvola, Mmali kulavidzwa mwoyo gwange, Mbeye munifu ku ubwoni bwange?

¹⁰ Vigero vyetsiratili lugano lugano, na vigero vindi lugano lugano, Yivi vyombi vi veye livihiriridza ku Ylhova.

¹¹ Kali mwana yelolekidzanga mu likola lilye, Miyinzi gyigye ni gyi veye milahi, kinga ni gyi veye milungi.

¹² Gutu gu huliranga, na imoni i lolanga Yahova ya vi lomba vyombi.

¹³ U ta yanza tsindolo, gase u la duka mu ubudaka; U kunule tsimoni tsitsyo, na u liguta ubukima.

¹⁴ Muguli a vola, ni kidamano, ni kidamano; Navutswa lwa a mali kutsia, a tanga kwiidzominya.

¹⁵ Ithahabu i veye ho, na amagina makanyu manyingi gobugulu budinyu; Navutswa minwa gyelimanya gyi veye kindu kyobuguli budinyu.

¹⁶ Vugula ingubo ya uyu u veye wekihambiriru ku mugeni; U vugule kihambiriru ku uyu u kolera mugeni kihambiriru.

¹⁷ Ubukima bwobugadi bu vedzanga ubunolu ku mundu; Navutswa inyima wabwo munwa gwigwe gu lizula umuyeke.

¹⁸ Vyasaavirwa vyosi vi dinyiridzwa na makuva; Nokulumiridzwa lyobugeeri u kole ubulwani.

¹⁹ Uyu u tsitsanga yiyi na yiyi kuva muhudziridzi a vuulanga agaviswa; Kunangwa u ta hambana na uyu u kunulanga ligali munwa gwigwe.

²⁰ Ku vosi uyu u nyega dada wewe kinga mama wewe, Itaya yeye i la siminyirwa mu kisundi kinene.

²¹ Namusia miyandu gyi la nyoleka bwangu mu litanga; Navutswa kiheri kyagyo si ki la gasidzwa mba.

²² U ta vola, Inze nda tunga ubu damano: U lindirire Yahova, naye a la ku honnya.

²³ Vigero lugano lugano vyokugera vi veye livihiriridza ku Yahova; Na iratili yobugadi si i veye indahi.

²⁴ Ligenda lyomundu li veye lya Yahova; Kunangwa mundu a nyala ndi kumanyeridza inzira yeye?

²⁵ Gu veye mutego ku mundu kuvola bwangu bwangu, Ni kitakatifu, Nokuteveridza inyima wokulomba lilagana.

²⁶ Mwami wobugeeri a sesanga avekirage, Nokuvitidza kuvo kyokuhuula.

²⁷ Roho gwomundu gu veye itaya ya Yahova, Yokuluuta hosi muye.

²⁸ Tsimbabasi na ageligali vi honnya mwami; Na intebe yeye yobwami i dinyeridzwa netsimbabasi.

²⁹ Ubukumi bwa vasoleli bu veye tsingulu tsyavo; Na ubulahi bwa vasakulu bu veye mutwe gwetsimbudze.

³⁰ Ubukinduki bu saliridzanga bu takasa ubudamano; Na makuya ga dukanga hosi muvo.