Tsing'ano 14 - KITABU KITAKATIFU

¹ Ku vosi mukali wobugeeri yombakanga inyumba yeye: Navutswa musiru a gi sambula namakono gege mwene.

² Uyu u gendanga mu bulungi bwibwe a tidzanga Yahova; Navutswa u veye mukyamu mu tsinzira tsitsye a mu leganga.

³ Mu munwa gwomusiru mu veye nempimbo yoluyai lwilwe; Navutswa minwa gyavageeri gyi la va linda.

⁴ Bugira tsing'ombe likego li veye kinifu; Navutswa limedeka linyingi li veye ku tsingulu tsyeng'ombe.

⁵ Muloli musuuvirifu si a la vola ububehi mba; Navutswa muloli mbehi a volanga makuva gobubehi.

⁶ Muhenyahenye yenyanga ubugeeri na si a bu Nyola; Navutswa limanya li veye lyangu ku uyu wobugeeri.

⁷ U twule imbiri womusiru Kigira u la vula kulola kuye minwa gyelimanya.

⁸ Ubugeeri bwomugeeri bu veye ku mannya inzira yeye; Navutswa ubusiru bwavasiru bu veye ubugadi.

⁹ Avasiru va kolanga kihenyahenye ku ubwoni; Navutswa hagati ha avalungi li veye ho likolerana bulahi.

¹⁰ Mwoyo gu manyanga ubululu bwagwo gwene; Na mugeni si yivika mu ubuyanzi bwagwo.

¹¹ Inyumba yomudamano i la tung'aminywa; Navutswa lihema lyomulungi li la gasidzwa.

¹² Inzira i veye ho i loleka ku mundu kuva inungi; Navutswa kiheri kyayo ki veye tsinzira tsyelikudza.

¹³ Kali mu liseka mwoyo gu veye nelivererera; Na kiheri ku busangali ki veye ubuliduhu.

¹⁴ Uyu wirananga inyima mu mwoyo gwigwe, a lizula tsinzira tsitsye; Na mundu mulahi a liguta ubulahi bwomwoyo gwigwe mwene.

¹⁵ U ta manya a suuvira makuva gosi; Navutswa wobugeeri a henzanga ligali ligenda lilye.

¹⁶ Wobugeeri a tidzanga, na a leka ubudamano; Navutswa musiru a kolanga kirage na yesuuviridzanga.

¹⁷ Uyu u vihirirangwa bwangu a la kola agobusiru; Na mundu wetsiganagani tsindamano a dunyirangwa.

¹⁸ Yavo ava ta manya va nyolanga miyandu gyobusiru; Navutswa avobugeeri va vikangwa igudwa yelimanya.

¹⁹ Avadamano vinamanga hasi imbiri wavalahi; Na avekirage vinamanga ha viribwa vyavalungi.

²⁰ Mudaka a dunyirangwa kali nomutende wewe mwene; Navutswa mutugi a veye navalina avanyingi.

²¹ Uyu u leganga mutende wewe a kolanga ubwoni; Navutswa uyu u verereranga avadaka, a veye nobuyanzi.

²² Ava lombanga ubudamano va la vula kugota naho? Navutswa tsimbabasi na ageligali vi la va ku yavo ava lombanga ubulahi.

²³ Mu miyinzi gyosi mu veye na madanyi; Navutswa makuva geminwa ga yekanga ku budaka bwere.

²⁴ Igudwa yavageeri i veye ubutugi bwavo; Navutswa ubusiru bwavasiru bu veye ubusiru vutswa.

²⁵ Mulolekidzi wageligali a honnya nga myoyo gvavandu; Navutswa uyu u volanga ububehi a kolanga ubugadi.

²⁶ Mu litia Yahova mu veye neliluviridzwa Na avana veve va la va nahokwivisa.

²⁷ Litia Yahova li veye kisenukiru kyamadzi gelivamwoyo, Mundu a nyale kutwula mu mitego gyelikudza.

²⁸ Ubukumi bwomwami bu veye mu bunyingi bwavandu veve; Navutswa lidiva lyomunene li veye mu ligeha lyavandu.

²⁹ Uyu mwikudziri wobutima a veye nelimanya linene; Navutswa uyu womwoyo gwa bwangubwangu a kuminyanga ubusiru.

³⁰ Mwoyo gwobulamu gu veye livamwoyo lyomubiri; Navutswa likendeka li veye ligu nda lyevigumba.

³¹ Uyu u dambidzanga avadaka a leganga Mulombi wewe; Navutswa uyu u verereranga ava dambi yidzominyanga Mulombi wewe.

³² Mudamano u minirangwa hasi mu likola ubudamano bwibwe; Navutswa mulungi a veye nelisuu viridzwa mu likudza lilye.

³³ Ubugeeri bu menyanga mu mwoyo gwa uyu u veye nelimanya; Navutswa aga veve mu vasiru ga lang'aminyangwa havulavu.

³⁴ Ubulungi bu nenehidzanga ihiri; Navutswa ubwoni bu veye tsisoni ku avetsihiri.

³⁵ Ubulahi bwomwami bu yeka ku mutumekiri u kolanga nobugeeri; Navutswa ubutima bwibwe bu la va ku uyu u letanga tsisoni.