Nehemia 8 - KITABU KITAKATIFU

¹ Vosi va li mu madala gavo. Na vandu vosi va vugana halala kuli mundu mulala mu mugidzi munene ugwa li imbiri wekiribwa kyamadzi; navo va volera Ezara mung'odi a lete kitabu kyamalago ga Musa, aga Yahova ya laga Israeli.

² Ma Ezara musalisi ya leta ama lago, na a ga vika imbiri welivugana Ivavasatsa navakali, na vosi ava nvala kuhulira nokumanya, ku lidiku lyokutanga lyomweli gwa gatano na gyiviri.

³ Na ya soma mu, na henzi ku mugidzi munene gwa li imbiri wekiribwa kyamadzi, kutwula ma bwebwe kuduka mbasu hagati, imbiri wavasatsa navakali, na wa yavo ava nyala kumanya; namatu gavandu vosi ga huliridza kitabu kyelilaga.

⁴ Na Ezara mung'odi ya singira ku kitumi kyemisala, kya lomberwa yaga; na yavo ava singira ahimbi naye ni yava Matithia, na Shema, na Anaia, na Uria, na Hilkia, na Maaseia, ku lu vega lwa mukono mulungi; noku luvega lwa mukono mmosi Pedaia na Mishaeli, na Malikija, na Hashum na Hashibadana, na Zekaria, na Me shulam.

⁵ Na Ezara ya kunula ki tabu imbiri wetsimoni tsyavandu yavo vosi (kigira ya li higulu kuvita avandu yavo vosi); na lwa ya ki ku nula avandu vosi va singira.

⁶ Na Ezara ya gasidza Yahova, Nyasaye munene; navandu vosi va bugiridza Amini, Amini, halala nokuginga makono gavo: na vinaminya mitwe gya vo, nokusigamira Yahova nommoni mwavo mwa henza hasi.

⁷ Kandi Jeshua, na Bani, na Sherebia, na Jamini, na Akubu, na Shabethai, na Hodia, na Maaseia, na Kelita, na Aza ria, na Jozabadu, na Hanan, na Pelaia, na Valevi, va girunkannya ama lago zana, avandu va duke kugama nya: navandu zana va singira mbugo no bwavo.

⁸ Na va soma mkitabu, mu lilaga lya Nyasaye, nemyoyo mye lereku; nokuleta kivuni kyago, ku duka vosi ni va ga manya aga somwa.

⁹ Na Nehemia, wa li mwamehi, na Ezara musalisi, mung'odi, na Valevi avegidzanga avandu, va volera ava ndu vosi, Lidiku lya lero yili li veye lidiku litakatifu lya Yahova Nyasaye wenyu; mu ta syoma, kinga kulira mba. Kigira avandu vosi va li ni va liranga, lwa va hulira makuva geli laga.

¹⁰ Hene yaho ya va volera Mu tsie, mu lie kyenetu, munwe kinolu, na mu hile vidieli ku uyu wa vula kusundirwa kindu; kigira lidiku lya lero yili li veye lidiku litakatifu ku Yahova wetu: kandi mu ta vererera mba, kigira ubusangali bwa Ya hova bu veye tsingulu tsyenyu.

¹¹ Ma Valevi va hodzeridza avandu vosi, nokuvavolera, Mu kiring'ane, kigira lidiku yili li veye lidiku litakatifu; kandi mu ta vererera mba.

¹² Navandu yavo vosi va tsia va duke kulia, nokunwa, nokullaanirana vidieli, nokukola isango ligali, kigira va manya makuva aga vilwadzirwa.

¹³ Kandi ku lidiku lya kaviri va vugana halala yavo ava li mitwe gyetsinyumba tsyavaguga mu avandu vosi, navasalisi, na Valevi, va vugana ku Ezara mung'odi, va duke kuhulira ligali makuva gelilaga.

¹⁴ Navo va lola ga ng'odwa mu lilaga, kuli Yahova ya laga nomukono gwa Musa, avana va Israeli va menya mu madiri mu lisavo lyomweli gwegyitano na gyiviri;

¹⁵ kandi ga va dukira kulandidza makuva mu madala gavo gosi, nomu Yerusalemi, ni va vola, Mu twule kutsia mu kigulu, kuleta tsisya tsyemizeituni, netsisya tsye mizeituni Domulitu, netsisya tsyemisala milahi namatu gamakindu, na tsisya tsyemisala midindanu, kulomba madiri, kuli ga ng'odwa.

¹⁶ Ma avandu va tsia, ni va tsi leta, ni velombera madiri, sa mulala igulu wenyumba yeye, na mmigidze gyavo, na mmigidze gyenyumba ya Nyasaye, nomu mugidze mugalamu gwekiribwa kyamadzi, nomu mugidze mugalamu gwekiribwa kya Efiraim.

¹⁷ Na livugana yilyo lyosi lirana kutwula mu lyadikidzwa lyavo, va lomba madiri, agetsisya, na va menya mu madiri getsisya; kigira kutwula madiku ga Joshua mwana wa Nun kuduka lidiku yilyo, avana va Israeli va vula kukola yaga. Na ubusangali bunene bwa li ho.

¹⁸ Halala na yaga lidiku nelidiku, kutwula ku lidiku lyoku tanga kuduka ku lidiku lyekiheri, ya soma mu kitabu kyelilaga lya Nyasaye. Na va singeridza lisavo madiku gatano na gaviri; noku lidiku lya gatano na kavaka ha li nelivugana lyokwegehidza ligali kuli lilaga.