Nehemia 6 - KITABU KITAKATIFU

¹ Ma ga duka, Sanbalati na Tobia, v na Geshem Muarabu, navasigu ve tu vandi va tigala, lwa va volerwa nyombaki lidigi, na si ha veye kandi na ha sasuguka ha tigala (kandi ku duka inyinga yeyo nda li ni nkikiri kusingeridza miliango mu viribwa),

² Sanbalati na Geshem va tuma mu ndu ku inze, nokumbolera, Hamba, ku lolane avene navane mu tudala twekivala kyekereremu kya Ono. Navutswa va ganagana kunkolera budamano.

³ Nandatumaavatumwa kuvo, nokuvola, Inze nkolanga miyi nzi minene, kunangwa si nyala kusu lunguta: miyinzi gyi singira kigira ki, inyinga ngyi leka, nokusulunguta ku mwinye?

⁴ Ma va tuma avandu ku inze kuli ndi hali kane; na nda va tivulira kuli likuva lyokutanga.

⁵ Hene yaho Sanbalati ya leta mutumekiri wewe ku inze kuli ndi, lu kola gatano, naye ya li nebaruwa inang'amu vutswa mmukono gwigwe;

⁶ na yo ya ng'odwa mu makuva yaga, Makuva ga londi mu vandu vetsi hiri, na Geshem u voye likuva zana yilyo, ive na Vayuda mu ganagana kwebaala; na ive wombakanga lidigi kigira inkuva yiyi: nive wenyanga kuva mwami wavo, kuli makuva yaga.

⁷ Kandi u viki avaproleti, va duki kuprofeta amakuva gogo mu Yerusa lemi, nokuvola, A veye ho mwami mu Yuda: kunangwa kalunu mwami a la volerwa kuli makuva yaga. Kuna ngwa kalunu hamba, ku lombe ma kuva halala.

⁸ Hene yaho nda tuma rnutumwa kuye, kumuvolera, Si ha lombeka kindu kali kilala kuli u vo langa, navutswa ive mwene u ga dolanga mu mwoyo gugwo.

⁹ Ki gira yavo venya kuvika kwinye mu butii, ni va vola, Makono gavo ga la dendeya, nokuleka miyinzi, gyi vule kukolwa. Navutswa kalunu O Nyasaye, u dinyeridze makono gange.

¹⁰ Na ndingira mu inyumba ya Shemaia, mwana wa Delaia, mwana wa Mehetabeli, wa li ni ya bofwa naye ya vola, Genda kuvugane halala mu inyumba ya Nyasaye, mu litempeli, na ku haane miliango gyelitempeli: kigira va ladza kwiita ive; yee, inyinga yobudiku va ladza ku kwiita.

¹¹ Na inze nda vola, Mu ndu kuli inze ga ndukira kwiruka? Kandi ni bwaha u veye kuli inze, a nyala kwingira mu litempeli kuhonya livamwoyo lilye? Si ndingira mba.

¹² Na nda lola si a veye Nyasaye wa mu tuma mba; navutswa mwene ya vola buprofeti yibu ku inze: na vanga Tobia na Sanbalati va li ni va mu tungi.

¹³ Na yiki ni kigira ya tu ngwa, nduke kutia, nomu likola lyange ndiyo nkole ubwoni, navo va duke kunyola kivuni kyokuvugula makuva madamano, va duke kugemehidzira inze.

¹⁴ O Nyasaye wange, widzulitse Tobia na Sanbalati kuli vikolwa vyavo, nomuprofeti mukali Noadia, navaprofeti avandi, yavo avenyanga kuntihidza.

¹⁵ Ma lidigi lya malilidzwa ku lidiku lya makumi gaviri na gatano gomweli gwa Eluli, mu madiku maku mi gatano na gaviri.

¹⁶ Na ga duka, lwa avasigu vetu vosi va hulira, ma tsihiri tsyosi tsya ku kumbiridza va tia, nokugehidzwa ligali mu tsimoni tsyavo avene; kigira va lola miyinzi yigyo Nyasaye wetu ya gyi kola.

¹⁷ Halala na yaga, mmadiku yago avanene va Yuda va hila tsibaruwa tsinyingi ku Tobia; na tsya Tobia tsya duka kuvo.

¹⁸ Kigira va li ho vandu vanyingi mu Yuda avesuhi dzwa kuye, kigira ya li navizala wa Shekania mwana wa Ara; nomwana wewe Jehohanan ya kwa mukana wa Meshulam, mwana wa Berekia.

¹⁹ Kandi va vola vikolwa vivye vilahi imbiri wange, na va mu hilira makuva gange. Uyu Tobia ya nde tera tsibaruwa a duke kuntihidza.