Nehemia 3 - KITABU KITAKATIFU

¹ Hene yaho Eliashibu musalisi munene ya singira navamwavo veve avasalisi halala naye, na vo mbaka kiribwa kyamagondi; na va ki takasa, nokusingeridza muliango gwakyo; kuli kuduka ku kitaradzi kya Hamea, nokukitakasa, kali kuduka ku kitaradzi kya Hananeli.

² Na inyima wa uyu avandu va Yeriko vombaka. Na inyima wa yavo Zakuru mwana wa Imri yombaka.

³ Na avana va Hasena vombaka kiribwa kyetsisudzi; va vika mialiru gyakyo, nokusingeridza miliango gya kyo, nemiluguyu gyakyo, nevibohero vyakyo.

⁴ Na inyima wa yavo Meremothu, mwana wa Uria, wa li mwana wa Hakozu ya digulula. Na inyima wa yavo Meshulam mwana wa Berekia, mwana wa Meshezabeli ya digulula. Na inyima wa yavo Zadoku mwana wa Baana ya digulula.

⁵ Na inyima wa yavo Vatekoa va digulula; navutswa ava nene vavo si va vika magoti gavo mu miyinzi gyomwami wavo.

⁶ Na kiribwa kya kale Joiada mwana wa Pasea na Meshulam mwana wa Besodeia va ki digulula; na va vika mialiru gyakyo, nokusi ngeridza miliango gyakyo, nemiluguyu gyakyo, nevibohero vyakyo.

⁷ Na inyima wa yavo Melatia Mugi beon, na Jadon Mumeronothi, ava Gibeon, na va Mizipa, va digulula, ava li ave intebe yomwamehi wa engereka wo Mugera.

⁸ Na inyima wa uyu Uzieli mwana wa Harihaia avatuli vethahabu, va digulula. Na inyima wa uyu Hanania wa li mulala kuvo ava li vetsinyasi, va digulula, nokweba lugaga ku lidala lya Yerusa lemi kuduka ku lidigi ligalamu.

⁹ Na inyima wa yavo Refaia mwana wa Huru ya digulula, wa li mwamehi ku luvega lulala lwobwamehi bwa Yerusalemi.

¹⁰ Na inyima wa yavo Jedaia mwana wa Harumafu, ya digulula ku luvega lu henza inyumba yeye. Na inyima wa uyu Hatushu mwana wa Hashabuneia ya digulula.

¹¹ Avandu yava Malikija mwana wa Harim, na Hashubu mwana wa Pahathumoabu, va digulula kidi eli kindi, na kitaradzi kyamahiga.

¹² Nenyima wa uyu Shalum mwana wa Haloheshu, wa li mwamehi ku luvega lulala lwobwamehi bwa Yerusalemi, uyu navakana veve va digulula.

¹³ Uyu Hanuni, na yavo ava menya Zanoa va digulula kiribwa kyomwivona va kyombaka, noku singeridza miliango gyakyo, nemilu guyu gyakyo, nevibohero vyakyo, kandi va digulula lidigi ligera lyama kono elfu kuduka ku kiribwa kya mandu.

¹⁴ Na Malikija mwana wa Rekabu, wa li mwamehi mkivala kya Bethhakerem ya digulula kiribwa kyamandu; ya kyombaka, nokusingeridza miliango gyakyo, nemiluguyu gyakyo, nevibohero vyakyo.

¹⁵ Na Shalun mwana wa Kolihoze, wa li mwamehi wa Mizipa, ya digu lula kiribwa kyekidaho; ya kyo mbaka, nokukikunika, nokusingeridza miliango gyakyo, nemiluguyu gyakyo, nevibohero vyakyo, nelidigi lyelida valia lya Shela ahimbi nomulimi gwomwami, kuduka ku vikaa vyoku sulunguta kutwula mu lidala lya Daudi.

¹⁶ Na inyima wa uyu Nehe mia mwana wa Azibuku, wa li mwamehi wo luvega lulala lwa Bethzuru, ya digulula kuduka ha vilindwa vya Daudi, nokuduka lidavalia lya lombwa, nokuduka ku inyumba ya valuviriri.

¹⁷ Na inyima wa uyu Valevi, Rehum mwana wa Bani ya digulula. Na inyima wa uyu Hashabia, ya li mwamehi wa luvega lulala iwa Keila, ya digulula ku luluvega lwilwe.

¹⁸ Inyima wa uyu avamwavo vavo, Bavai mwana wa Henadadi, wa li mwamehi wo luvega lulala lwa Keila, va digulula.

¹⁹ Na inyima wa uyu Ezeri mwana wa Jeshua, mwamehi wa Mizipa, ya digulula kidieli kindi, kya henza ku luvega lwokwanegira kutsia ha ligu ngi lyevyuma, ha kigodi kyelidigi.

²⁰ Na inyima wa uyu Baruku mwana wa Zabai ya digulula kidieli kindi nobugulu ligali, kutwula ha kigodi, kuduka ha mulianzo gwenyumba ya Eliashabu musalisi munene.

²¹ Na inyima wa uyu Meremothu mwana wa Uria mwana wa Hakozu ya digulula kidieli kindi, kutwula ha kiliango kyenyumba ya Eliashibu kuduka ku kiheri kyenyumba ya Eliashibu.

²² Na inyima wa uyu avasalisi, avandu vekivala kye Kereremu va digulula.

²³ Na invima wa yavo Benjamini na Hashubu va digulula ha luvega lu henza inyumba yavo. Inyima wa yavo Azaria mwana wa Maaseia mwana wa Anania ya digulula himbi nenyumba yeye.

²⁴ Inyima wa uyu Binui mwana wa Henadadi ya digulula kidieli kindi, kutwula ha inyumba ya Azaria ku duka ha kigodi kyelidigi, kuduka kandi ha lwiga lwalyo.

²⁵ Na Palali mwana wa Uzai, ya digulula ku luvega lwa henza ku kigodi, nekitaradzi kya yeka kyova, mu inyumba yegulu yomwami, i veye himbi nomugidzi gwavalindi. Inyima wa uyu Pedaia, mwana wa Paroshu ya digulula.

²⁶ (Na Vanethini va menya mu Of eli, kuduka ku luvega lu henza ha kiribwa kyamadzi ku luvega lwevugwe neki taradzi kya yeka kyova.)

²⁷ Inyima wa uyu Vatekoa va digulula kidieli kindi, ki henza ku kitaradzi kinene kya yeka kyova, kuduka ku lidigi lya Ofeli.

²⁸ Igulu hekiribwa kyetsiparasi, avasalisi va digulula, sa mulala ku luvega lu henza ku inyumba yeye.

²⁹ Inyima wa yavo Zadoku mwana wa Imeri ya digulula, ku luvega lwenyumba yeye. Inyima wa uyu Shemaia mwana wa Shekania, muli ndi wekiribwa kyevugwe, ya digulula.

³⁰ Inyima wa uyu Hanania mwana wa Shelemia, na Hanuni mwana wa kola vatano na mulala wa Zalafu, ya digulula kidieli kindi. Inyima wa uyu Meshulam mwana wa Berekia ya digulula himbi inyumba yeye.

³¹ Inyima wa uyu Malikija mulala ku vatuli vethahabu, ya digulula kuduka inyumba ya Vanethini, noku yavo avakiranyi, ya digulula ha luvega lwekiribwa kya Hamifikadi, nokuduka hokwanegira holwiga.

³² Na hagati hokwanegira holwiga, nekiribwa kyamagondi, avatuli ve thahabu na vakiranyi va digulula.