Nehemia 12 - KITABU KITAKATIFU

¹ Kunangwa avasalisi na Valevi avanegira halala na Zerubabeli mwana wa Shealitieli, na Jeshua, ni yava: Seraia, na Jeremia, na Ezara,

² Amaria, na Maluku, na Hatushu,

³ na Shekania, na Rehum, na Mere mothu,

⁴ na Ido, na Ginethoi, na Abija,

⁵ na Mijamin, na Maadia, na Biliga,

⁶ na Shemaia, na Joia ribu, na Jedaia,

⁷ na Salu, na Amoku, na Hilikia, na Jedaia. Yava va li avanene vavasalisi navamwavo vavo mu madiku ga Jeshua.

⁸ Noku Valevi: Jeshua, na Binui, na Kadimieli, na Sherebia na Yuda, na Matania, wa li igulu welisantidza, uyu navamwavo veve.

⁹ Kandi Bakabukia, na Uno, avamwavo vavo, va kagata ku bulindi bwavo.

¹⁰ Je shua yivula Joiakim, na Joiakim yivula Eliashibu, na Eliashibu yivula Joiada,

¹¹ na Joiada yivula Jona than, na Jonathan yivula Jadua.

¹² Nomu madiku ga Joiakim, va li ho vasalisi, mitwe gyetsinyumba tsyavaguga: ku Seraia, Meraia; ku Jeremia, Hanania;

¹³ ku Ezara, Meshulam; ku Amaria, Jehohanan;

¹⁴ ku Maluki, Jonathan; ku Sheba nia, Yosefa;

¹⁵ ku Harim, Adina; ku Meriaothu, Helikai;

¹⁶ ku Ido, Zekaria; ku Ginethon, Meshulam;

¹⁷ ku Abija, Zikiri; ku Miniamin, ku Moadia, Pilitai;

¹⁸ ku Biliga, Shamua; ku Shemaia, Jehonathan;

¹⁹ noku Joiaribu, Matenai; ku Jedaia, Uzi;

²⁰ ku Salai, Kalai; ku Amoku, Eberi;

²¹ ku Hilikia, Hashabia; ku Jedaia, Nethaneli.

²² Ku makuva ga Valevi, mu madiku ga Eliashibu, Joiada, na Johanan, na Jadua, va ng'odwa kuva mitwe gyetsinyumba tsyavaguga; na vasalisi, mu lyameha lya Dario Muperisia.

²³ Avana va Levi, mitwe gyetsinyumba tsyavaguga, va ng'odwa mu kitabu kyetsinyinga, kuduka ku madiku ga Johanan mwana wa Eliashibu.

²⁴ Kandi avanene va Valevi: Hashabia, na Sherebia na Jeshua, mwana wa Kadimieii, halala navamwavo vavo va kagata kuvo, kwidzominya noku santidza, kuli lilaga lya Daudi mu ndu wa Nyasaye, bulindi nobulindi.

²⁵ Matania, na Bakubukia, na Oba dia, na Meshulam, na Talimon, na Akubu, va li avalindi va linda ha magungi geviribwa.

²⁶ Yava va li mu madiku ga Joiakim mwana wa Jeshua, mwana wa Joazadaku, no mmadiku ga Nehemia mwamehi, na ga Ezara musalisi mung'odi.

²⁷ Kandi lwa vidikira lidigi lya Yerusalemi venya Valevi mutsingo mwavo mwosi, kuvaleta Yerusalemi, kulomba lidiku lyelidikira nobusangali, nelisantidza, netsinyimbu, nevi kuli, nobukana, nobukana bwemigoye.

²⁸ Navana va yavo vokwimba va vugana halala, kutwula mvivala vyekereremu vyakumbiridza Yerusa lemi, nokutwula mu tudala twa Vanetofathi;

²⁹ nokutwula Beth gilgali, nokutwula mu milimi gya Geba na Azimavethu: kigira avokwi mba va li ni veyombakira tudala kukumbiridza Yerusalemi.

³⁰ Na vasalisi na Valevi vetakasa avene na va takasa avandu, neviribwa nelidigi.

³¹ Ma nda leta avanene va Yuda ku lidigi, na nda va vika mmavugano gaviri manene ava santidza na va tsia imbiri ku lilondekana nelivugana lilala lya tsia ku luvega iwomukono mulungi igulu welidigi ku luvega lwekiribwa kvamandu:

³² nenyima wavo Hoshaia ya tsia, na inusu yava nene va Yuda,

³³ na Azaria, na Ezara, na Meshulam,

³⁴ na Yuda na Benjamini, na Shemaia, na Jeremia,

³⁵ navalala ku avana vava salisi nevisiliva: Zekaria mwana wa Jonathan, mwana wa Shemaia, mwana wa Matania, mwana wa Mikaia, mwana wa Zakuru, mwana wa Asaiu;

³⁶ navamwavo veve, Shemaia, na Azareli, na Milalai, na Gilalai, na Maai, na Nethaneli, na Yuda, na Hanani, ave viju vyemyoyo vya Daudi mundu wa Nyasaye; na Ezara mung'odi wimira imbiri wavo.

³⁷ Kandi ha kiribwa kyekidaho, kulungika imbiri wavo, va nina ku vikaa vyelidala lya Daudi, helidigi lyeginga, ku inyumba ya Daudi, kali kuduka ku kiribwa kyamadzi ku luvega lwevugwe.

³⁸ Nelivugana lya kaviri lya yavo ava santidza, va tsia imbiri kwagana navokutanga, na inze nda va londa, halala nenusu yavandu, ku lidigi igulu wekitaradzi kyamahiga; kuduka ku lidigi ligalamu,

³⁹ na igulu wekiribwa kya Efiraim, na himbi ku kiribwa kya kale, na himbi ku kiribwa kyetsisudzi, nekitaradzi kya Hananeli, nekitaradzi kya Hamea kuduka ku kiribwa kyamagondi: na va singira ha zana mu kiribwa kyomulindi.

⁴⁰ Na ndiyo mavugano yaga gombi ga singira agokusantidza mu inyumba ya Nyasaye, na inze na inusu yavanene halala ninze;

⁴¹ na vasalisi, Eliakim, na Maaseia, na Miniamin, na Mikaia, Elioenai, na Zekaria, na Hanania, avevisiliva

⁴² na Maaseia, na Shemaia, na Eleazaru, na Uzi, na Jehohanan, na Malikija, na Elam, na Ezeri. Navokwimba vimba nomwoyo munene, halala na Jezerahia mulindi wavo.

⁴³ Navo va haana vihaanwa vinene lidiku yili, na va sangala; kigira Nyasaye ya va sangalidza nobusa ngali bunene; kandi avakali navana va sangala ligali: kuduka busangali bwa Yerusalemi bwa hulirwa ihale ligali.

⁴⁴ Kandi lidiku zana yilyo avandu va vikwa avokulinda tsinyumba tsya akiba, tsyevihaanwa vyokudigulu lwa, kandi tsyobuhya, kandi tsyetsizaka, kuvivungidza mu vyosi, kuli milimi gyamadala, vidieli vya lagwa mu lilaga vi ve vasalisi na Valevi: kigira Yuda va sangala ku vasalisi noku Valevi va li va lindanga.

⁴⁵ Na va linda bulindi bwa Nyasaye wavo, nobulindi bwelitakaswa, navokwimba, navokulinda viribwa ra kola ndiyo, kuli lilaga lya Daudi, na lya Solomoni mwana wewe.

⁴⁶ Kigira mu madiku ga Daudi na Asafu ku matsyambiri ya li ho munene wa vokwimba, netsinyimbu tsyokwidzo minya nelisantidzwa lya Nyasaye.

⁴⁷ Na Israeli vosi mu madiku ga Zerubabeli, nommadiku ga Nehemia, va haana ku avokwimba navokulinda viribwa, vidieli vyavo, kuli lyenya lyelidiku se lilala: na va takasa vya haanwa ku Valevi; na Valevi va takasa vya haanwa ku avana va Haruni.