Matayo 27 - KITABU KITAKATIFU

¹ Lwa bwa kya, avasalisi vanene vosi navakulundu vavandu va kola kyina ku Yesu kumwiita:

² ni va mu boha ni va mu hila ni va mu vika mu makono ga Pilatu wa li govuna munene.

³ Hene yaho Yuda, wa mu zama, lwa ya lola u mali kukalagirwa, yeganira ni yiranyira vasalisi vanene naval ulundu, vidonye vyefetha makuml gavaka,

⁴ na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene.

⁵ Naye lwa ya mala kuta vidonye vyefetha mu litempeli, ya twula; kandi ya tsia kwisunga.

⁶ Vasalisi vanene va vugula vidonye vyefetha, ni va vola, Si bu li bulahi kuvivika mu kilinga kyelitempeli, kigira vi veye vyokugula masahi.

⁷ Ma va kola kyina ni va gula mulimi gwomulongi, ha ve hokuta avamenya.

⁸ Kigira yaga mulimi yigwo gwa langwa Mulimi gwa masahi, kuduka lero.

⁹ Hene yaho ga duka amakuva ga Jeremia muprofeti ya vola, na a vola, Va vugula vidonye makumi gavaka vyefetha ubuguli bwomundu wa gulidzwa, ava mu gulidza ku avana va Israeli

¹⁰ ni va vi twulidza kugula mulimi gwomulongi, kuli Mwami ya ndaga.

¹¹ Naye Yesu ya singira imbiri wa govuna: govuna ya mu teva, na a vola, Ive niye Mwami wa Vayuda? Yesu na a mu volera, Ive u voye.

¹² Avasalisi vanene navakulundu lwa va mu gina, si ya tivula kindu mba.

¹³ Hene yaho Pilatu ya mu volera, Si u hulira vindu vinyingi ndi vya va vola ku ive?

¹⁴ Naye si ya mu tivulira kali ku likuva lilala: govuna ya luha na a genya ligali.

¹⁵ Inyinga yelilia govuna ya nala kubohololera kiduma muhambe mulala wa va tovola.

¹⁶ Va li nomuhambe wa manyekana, wa langwa Baraba.

¹⁷ Lwa va mala kuvugana, Pilatu ya va teva, Mwenya mmu bohololere u li ha? Baraba naho Yesu u langwa Kristo?

¹⁸ Kigira ya manya va mu yala kumbodoka yavo.

¹⁹ Lwa yikala kuntebe yokukalaga kyina, mkali wewe ya mu letera amakuva na a mu volera, U ta kola kindu ku mundu uyo mulungi; kigira lero nyoye lisaleridza linyingi mu maloto kuye.

²⁰ Ava salisi vanene navakulundu va goonya kiduma va duke kuteva Baraba, na vononnya Yesu.

²¹ Kandi govuna ya tivula na a va volera, Mwenya mmu bohololere u li ha ku yava vaviri? Ni va vola, Baraba.

²² Pilatu ya va volera, Ma nkole ki ku Yesu u langwa Kristo? Ni va mu volera vosi, A bambwe.

²³ Naye ya vola, Kigira ki, a koli tsimbi ki? Navo va kira kukola liyoga, ni va vola, bambwe.

²⁴ Pilatu lwa ya lola si ya nyala kukola kindu, navutswa liyoga lyenya kukira, ya vugula amadzi ni yisaava makorlo gege imbiri wekiduma, na a vola, Si mbeye na kindu ku masahi gomundu mulungi uyu, mwelolere mwinye avene.

²⁵ Avandu vosi va tivula ni va vola, Masahi gege ga ve ku kwinye, noku vana vetu.

²⁶ Hene yaho ya va bohololera Baraba; na ya kuya Yesu netsinkova; na a bugirira a bambwe.

²⁷ Hene yaho avasikari vomunyampara va vugula Yesu, ni va mu hila Praitorio, ni va leta kiduma kyosi kyavasikari.

²⁸ Va mu twulidza tsingubo tsitsye ni va mu vika ingubo inzakanyu.

²⁹ Kandi va nava itaji ya mafwa ni va mu vika ku mutwe gwigwe, ni va vika ulusi mu mkono mulungi gwigwe; ni va sigama imbiri wewe, ni va mu kolera kihenyahenye, ni va vola, Mirembe Mwami wa Vayuda

³⁰ Ni va mu tudzira amate, ni va vugula lusi, ni va mu kuya ku mutwe.

³¹ Lwa va mala kumukolera kihenyahenye va twulidza ingubo, ni va mu vika tsingubo tsitsye, ni va mu hila kumubamba.

³² Inyinga va twula va nyola mundu wa Kurene, wa langwa lieta lilye Simoni: mundu uyu va mu niga netsingulu a tsie navo a mu gingire musalaba gwigwe.

³³ Lwa va duka ha langwa Golgota, litivula lyalyo li veye, Ha kihanga,

³⁴ va mu ha iwaini i tsukanyeywi nendulwi a nwe: lwa ya i tsatsama ya sula kunwa.

³⁵ Lwa va mala kumubamba va gavannya tsingubo tsitsye ni va kola tsikura;

³⁶ ma vikala ni va mu linda ha zana.

³⁷ Ni va vika ha mutwe higulu liyalwa lilye lya ng'odwa, UYU NIYE YESU MWAMI WA VAYUDA.

³⁸ Hene yaho avivi va viri va bambwa halala naye, mulala ku mukono mulungi na wundi ku mukono mmosi.

³⁹ Ava vita ku nzira va mu nyega, ni va sung'usa mitwe gyavo,

⁴⁰ ni va vola, Ive wononnyanga litempeli, wombaka ku madiku gavaka, wehonnye mwene Ive nu u va nu u ve Mwana wa Nyasaye, wika ku musalaba.

⁴¹ Kandi avasalisi vanene va kola kuli ndiyo na va mu kolera kihenyahenye halala navang'odi navakulundu, ni va vola,

⁴² Ya honnya avandi si a nyala kwehonnya. A veye Mwami wa Israeli; yike kalunu ku musalaba na kwinye ku la mu suuvira.

⁴³ Ya suuvira Nyasaye; a mu honnye, kalunu na a va na a mu yanza: kigira ya vola, Inze mbeye Mwana wa Nyasaye.

⁴⁴ Kandi avivi va bambwa halala naye va mu nyega ndiyo.

⁴⁵ Ma kutwula ku isaa yetsitanu nendala kya li kisundi mu kivala kyosi kuduka isaa yetsitanu na tsine.

⁴⁶ Lwa yenya kuduka isaa yetsitanu na tsine, Yesu ya hanzuka nomwoyo munene, na a vola, Eli Eli, lama sabakithani? Ii veye kuvola, Nyasaye wange, Nyasaye wange, kigira ki u ndeki?

⁴⁷ Avalala kuvo ava singira ho, lwa va ga hulira, va vola, Mundu uyu a langanga Elija.

⁴⁸ Nonoho mulala kuvo ya nyagula, na a tsia na a vugula kikaminyu ni izulidza isiki na a vika ku lusi, na a mu nwehidza.

⁴⁹ Na vandi va vola, Leka; ku lole Elija na a va ni yadza kumuhonnya.

⁵⁰ Yesu ya hanzuka kandi, ma ya lakula mwoyo gwigwe.

⁵¹ Na henza ingubo yeli tempeli ya tandulwa tsimbaala tsiviri, kutwula hegulu kuduka hasi; lirova lya degera; magina gadika;

⁵² vilindwa vya kunuka; nemibiri minyingi gya vandu vatakatifu ava li ni va gona gya simugukidzwa;

⁵³ ni gyi twula mu vilindwa inyima yelisimu guka lilye, vingira mu lidala litakatifu ni va loleka ku vanyingi.

⁵⁴ Kandi munyampara wavasikari, navo va linda Yesu halala naye, lwa va lola ubudegeri bwelirova nevindu vya kolwa, va tia muno, ni va vola, Ligali uyu ya li Mwana wa Nyasaye.

⁵⁵ Va li ho avakali vanyingi, va henzera ihale, ava londa Yesu kutwula Galilaya, ni va mu tumekira:

⁵⁶ kuvo va li mu Maria Magdalene, na Maria mama wa Yakobo na Yose, na mama wa vana va Zebedayo.

⁵⁷ Lwa gwa duka mgolova, mundu mutugi wa Arimathia, wa langwa Yosefa yadza, mwene ya li mwegidzwi wa Yesu.

⁵⁸ Mundu uyu ya tsia wa Pilatu na a saava mubiri gwa Yesu. Hene yaho Pilatu ya va ha munwa gu haanwe.

⁵⁹ Yosefa ya vugula mubiri, na a gu lingira mungubo yakatani indavu

⁶⁰ na a gu vika mu kilindwa kikve kihya, kya ya kalaga mu ligina: na a gomagominya ligina linene na a kunika bwingiru bwe kilindwa, na a tsia.

⁶¹ Maria Magdalene ya li ho na Maria wundi, vikala imbiri wekilindwa.

⁶² Mugamba gwa londa lidiku lyokulomba lilia, vasalisi vanene na Vafarisayo va vugana wa Pilatu

⁶³ ni va vola, Mwami, kwidzulitsa uyo mugadi ya vola lwa ya kikiri mwoyo, Inze inyima ya madiku gavaka nda simuguka.

⁶⁴ Kigira yaga u va he munwa kulinda kili ndwa bulahi kuduka madiku gavaka gase avegidzwi veve va ladza va mwive na va volere avandu, U simuguki mu vakudzi: nobugadi bwe nyima bu la va ubudamano kuvita bwembiri.

⁶⁵ Pilatu ya va volera Mu veye navasikari: mu tsie kuki linda ligali kuli mu manyanga kulinda.

⁶⁶ Ni va tsia kuboha kilindwa ni va vika ku ligina kyokulolera nokuvika avasikari.