Matayo 26 - KITABU KITAKATIFU

¹ Yesu lwa ya mala amakuva yaga gosi, ya volera avegidzwi veve,

² Mu manya inyima ya madi ku gaviri lipasaka li ladza, na Mwana wa Adamu a la zamwa mu mikono mwa vasigu veve, a bambwe.

³ Hene yaho avasalisi vanene navakulundu vavandu va vugana hamgidzi ha musalisi munene, wa langwa Kaiafa;

⁴ ni va kola kyina halala, va duke kugumira Yesu galaha va mwiite.

⁵ Navutswa va vola, Ga ta va inyinga yelilia, gase liyoga li la twula mu vandu.

⁶ Yesu lwa ya li mu Betani mu inyumbaya Simoni mugere,

⁷ mkali yadza kuye wa li nechupa yamaguta ga funya mwayu aga gulwa buguli budinyu, na a mwitira ku mutwe, ha ya li yikaye ku vyokulia.

⁸ Navutswa avegidzwi veve lwa va lola, va vihirirwa, ni va vola, Ligotidza yili li veye ki?

⁹ Kigira ma guta yaga ga nyala kugulwa tsi shilling tsinyingi tsi hebwe avadaka.

¹⁰ Navutswa Yesu ya manya na a vola, Kigira ki mu vereridza mkali? Kigira u nkoleye muyinzi mulahi.

¹¹ Kigira avadaka va veye halala nemwinye madiku gosi; navutswa inze si mbeye nemwinye halala madiku gosi.

¹² Muyinzi gwokutsuka maguta ku mubiri gwange u nkoleye ndi kunombera litebwa lyange.

¹³ Ligali mmu volera, Hosi ha va lilwadzirwa ivangeli yiyi mu lirova lyosi, yigu gwomkali uyu a koli gu la volwa gu ve lidzulitswa lilye.

¹⁴ Hene yaho mulala ku va li likumi na vaviri, wa langwa Yuda Iskarioti, ya tsia ku vasalisi vanene,

¹⁵ na a vola, Mu nyala kumba ikindu ki, na inze mmu zamere mu mu gumire? Ni va mu gerera vidonye makumi gavaka vyefetha.

¹⁶ Kutwula inyinga yeyo ya li ni yenya inyinga indahi yokumuzamera.

¹⁷ Ku lidiku lyokutanga ku madiku gobukima bu ta li namamera, avegidzwi va tsia ku Yesu ni va mu volera, Wenya ku ku lombere ha li ki ha u lira lipasaka?

¹⁸ Na a vola, Mu tsie mu lidala, mu duke ku inyu mba ya leve, mu mu volere, Mwegidzi a vola, Inyinga yange i veye himbi; nkola lipasaka mu inyumba yoyo halala navegidzwi vange.

¹⁹ Avegidzwi va kola kuli Yesu ya va volera; ni va lomba lipasaka.

²⁰ Lwa gwa duka mgolova, yikala ku vyokulia halala navegidzwi va li likumi na vaviri;

²¹ lwa va li ni va litsa ya vola, Ligali mmu volera, mulala ku mwinye a la nzama.

²² Na va verera muno, ni va tanga kuteva sa mulala, Ninze naho, Mwa mi?

²³ Naye ya tivula na a vola, Uyu wa ku donyera naye mu ludavo, niye a la nzama.

²⁴ Mwana wa Adamu a tsia kuli ga ng'odwa kuye: navutswa Bayaye bu veye ku mundu uyo wa zama Mwana wa Adamu bu va bulahi nkano mundu uyo si ya livulwa.

²⁵ Yuda wa mzama, ya tivula na a vola, Ni inze naho, Mwegidzi? Ya mu volera, Ive u voye.

²⁶ Lwa va li ni va litsa, Yesu ya vugula ubukima, na a gasidza, na a megannya: na a ha avegidzwi, na a vola, Mu vugule, mu lagire; yibwo nu mubiri gwange.

²⁷ Kandi ya vugula kikornbe, na a gasidza, na a va ha, na a vola, Mu nwere ku yiki vosi;

²⁸ kigira yaga namasahi gange gelilagana, aga sundulirwa avanyingi kuduka ku busamehi bwobwoni.

²⁹ Navutswa mmu volera, Inze kutwula kalunu si nda nwa ku makuyu gemizabibu, nduhe nduke kumva mahya halala nemwinye mu bwami bwa Dada wange.

³⁰ Lwa va mala kwimba lwimbu, va twula ni va tsia mu kigulu kya Mizeituni

³¹ Hene yaho Yesu ya va volera, Ubudiku bwa lero mwinye vosi mu la kolwa mu dunye kigira inze; kigira ga ng'odwa, Nda kuya mwayi, namagondi gekyayo ga la salannywa.

³² Navutswa inyima we lisimuguka lyange, ndimirira imbiri wenyu kutsia Galilaya.

³³ Navutswa Petro ya tivula na a mu volera, Vosi ni va dunya kigira ive, inze si nda nyala kudunya ligali.

³⁴ Yesu ya mu volera, Ligali nku volera, ubudiku yibu, idaywa ni i kikiri kulagula, u la nyambakana hali kavaka.

³⁵ Petro ya mu volera, Kali nda duka kukudza nive halala, si nda kwambakana mba. Avegidzwi vosi va voia ndiyo kandi.

³⁶ Hene yaho Yesu yadza navo na a duka ha langwa Getsemane, na a volera avegidzwi veve, Mwikali hano, ntsie kusaavira hala.

³⁷ Na a vu gula Petro navandi vaviri, avana va Zebedayo, na a tanga kuverera nokuhenda mwoyo muno.

³⁸ Hene yaho ya va volera, Mwoyo gwange gu veye nobuvereri ligali kuduka kukudza: mu tigala hano mu linde halala ninze.

³⁹ Yisunda hambiri hakekeke, na a gwa mammama na a saala na a vola, Dada wange, ni ki nyalika, kikombe yiki ki mbite: navutswa ga ta va kuli ubulaliri bwange, navutswa ga ve kuli ubulaliri bubwo.

⁴⁰ Ya tsia ku ve gidzwi, na a va nyola ni va gona, na a volera Petro, Si mu nyala kulinda ninze isaa indala?

⁴¹ Lindi mu saale, mu tingira mu ligeridzwa mba; mwoyo gwene gu yanza, navutswa mubiri si gu li netsingulu.

⁴² Ya tsia kandi na a saala, na a vola, Dada wange, ni ga ta nyalika kikombe yiki ki mbite, mbule kukinwa, ubulaliri bubwo bu kolwe.

⁴³ Yadza kandi na a va nyola ni va gona, kigira tsimoni tsyavo tsya li tsinditu.

⁴⁴ Ya va leka na a tsia kandi, na a saala hali kavaka, na a vola amakuva malala mere kandi.

⁴⁵ Ma yadza ku avegidzwi na a va volera, Mu gone kalunu, mu sose: henza, isaa i duki, na Mwana wa Adamu a zamwa mu makono gavoni.

⁴⁶ Gendi, ku tsie: henza, u nzama nguyu u duki.

⁴⁷ Lwa ya li na a ki vola, henza, Yuda, wa li mulala ku va li likumi na vaviri, yadza halala nekiduma kinene ava li nevivavi netsimpimbo, va twula ku vasalisi vanene navakulundu va vandu.

⁴⁸ Kandi uyu wa mu zama ya va ha kilolekidzu, na a vola, Uyu wa na mbuse, niye: mu mgumire.

⁴⁹ Nonoho ya tsia ku Yesu na a mu volera, Mirembe, Rabi; na a mu busa.

⁵⁰ Yesu ya mu volera, Mulina, kigira ki uudzi? Hene yaho vadza ni va nyira makono ni va gumira Yesu.

⁵¹ Henza, mulala ku yavo va li na Yesu halala, ya nyira mukono na a somola kivavi kikye, na a tema mu tugwa wo musalisi munene, na a mu kalaga gutu.

⁵² Ma Yesu ya mu volera, Wirannye kivavi kikyo ha ki vedza: kigira vosi ava vugula kivavi va la dividzwa nekivavi.

⁵³ Kinga ive u ganagana inze si nyala kalunu ndi kusaava Dada wange, naye kali kalunu a la ndetera tsingelosi kuvita elfu likumi na gaviri?

⁵⁴ Navutswa ga duka ndi kukolwa mang'oda aga vola, yaga ga kolwe?

⁵⁵ Inyinga zana Yesu ya volera viduma, Mu ntwuliye kungumira nevivavi netsi mpimbo kuli mu londanga munuli? Madiku gosi ndikala mu litempeli ni nzegidza, na si mwa ngumira mba.

⁵⁶ Navutswa yaga gosi ga kolwa, mang'oda gavaprofeti ga duke kudukidzwa. Hene yaho avegidzwi vosi va mu leka ni viruka.

⁵⁷ Navo ava gumira Yesu va mu hila wa Kaiafa musalisi munene, ha vang'odi navakulundu va vugana halala.

⁵⁸ Navutswa Petro ya mu londerera ihale, kuduka hamgidzi homusalisi munene, ni yingira ni yikala halala navalindi, kulola age kiheri.

⁵⁹ Ma vasalisi vanene ne kyina kyosi venya ubugini kugina Yesu va mwiite.

⁶⁰ Kandi si va bu nyola mba, kali avaloli avobubehi vanyingi vadza. Navutswa avandi vaviri vadza inyima,

⁶¹ ni va vola Mundu uyu ya vola, Nyala kwononnya litempeli lya Nyasaye no kulyombaka ku madiku gavaka.

⁶² Musalisi munene ya singira na a mu volera, si u tivula kindu? Ni kindu ki kya yava va vola ku ive?

⁶³ Navutswa Yesu ya kiring'ana. Musalisi munene ya mu volera, Nkwisuhidza Nyasaye weliva mwoyo u ku volere ive niye Kristo, Mwana wa Nyasaye.

⁶⁴ Yesu ya mu volera, Ive u voye: navutswa mmu volera, Inyinga yidzanga mu la lola Mwana wa Adamu yikaye ku mkono mulungi gwo Wetsingulu, ni yadza kumalesi gomigulu.

⁶⁵ Hene yaho musalisi munene ya tandula tsingubo tsitsye, na a vola, U voye linyega: kwenyera ki avaloli avandi? Henza, kalunu mu huliye linyega lilye:

⁶⁶ Mu lola ndi? Ni va tivula, ni va vola, Nu bulahi a kudze.

⁶⁷ Hene yaho va mu tudzira amate mmoni mwimwe, ni va mu duya netsinkundi; avandi va mwala tsinzasaya tsitsye,

⁶⁸ ni va vola, U ku profetere, ive Kristo: ibwaha u ku duya?

⁶⁹ Petro ya li ni yikaye kyova hamgidzi: na mukana yadza kuye na a vola, Ive kandi wa li halala na Yesu wa Galilaya.

⁷⁰ Navutswa yambakana imbiri wa vosi, na a vola, Si manyi ga u vola mba.

⁷¹ Naye lwa ya mala kutwula kutsia ku lusimbu, mukana wundi ya mu lola, na a volera avikala ho, Mundu uyu kandi ya li halala na Yesu wa Nazareti.

⁷² Kandi yambakana ni yisuha, na a vola, Si mmanya mundu uyu.

⁷³ Inyima hakekeke ava singira himbi va tsia kuye ni va volera Petro, Ligali ive kandi, u veye mulala kuvo kigira livola lilyo li ku vuulira.

⁷⁴ Hene yaho ya tanga kulaama nokunyega, na a vola, Si mmanya mundu uyu. Nonoho idaywa ya lagula.

⁷⁵ Ma Petro yidzulitsa likuva lya Yesu ya vola, Idaywa i kikiri kulagula, ive u la nyambakana hali kavaka. Naye ya tsia kyova na a lira nobuvereri ligali.