Matayo 18 - KITABU KITAKATIFU

¹ Inyinga yeyo avegidzwj vadza ku Yesu, ni va vola, Ibwaha a veye munene kuvita mu bwami bwomigulu?

² Naye ya langa mwana mkekeke, na a mu vika hagati havo

³ na a vola, Ligali mmu volera, ni mu tigirunkannya kugwa kuli avana vakekeke, si mu li nyala ligali kwingira mu bwami bwomigulu.

⁴ Ku vosi wegehidza kuli mwana mkekeke, uyu a veye munene mu bwami bwomigulu.

⁵ Ku vosi u bugirira mwana mulala mkekeke kuli uyu kigira lieta lyange, a bugirira inze:

⁶ navutswa li ku vosi uyu u likigitalidza mulala ku vakekeke yava ava nsuuvira, nu bulahi kuye lugina lunene lu sungwe mu ligote, naye yinikwe mu luliva lwe nyanza.

⁷ O bayaye bu ve ku vomkivala kigira amakuva gokwikigitalidza: kigira mageridza ga ladza; navutswa ubudamano bu ve ku mundu welikigitala li twula kuye

⁸ Kandi mkono gugwo kinga kirenge kikyo ni vi kwikigitalidza, u vi kalage, u vi te hale: ubulahi bwokwingira mu liva mwoyo u leema mkono kinga kirenge, bu vita kuva namakono gaviri kinga virenge viviri nive u sikiswe mu muliru gwemihiga nemihiga.

⁹ Kandi imoni yoyo ni i kwikigitalidza, u gi hudule u gi syuve: ubulahi bwokwingira mu liva mwoyo ni kilivi bu vita kuva netsimoni tsiviri nive u sikiswe mu igehena yomuliru.

¹⁰ Mu henze mu ta lega mulala ku vakekeke yava: kigira mmu volera, mwigulu tsingelosi vavo va hongera kulola mtsimoni tsya Dada wange u veye migulu.

¹¹ Kigira Mwana wa Adamu yadza kuhonnya kya gota.

¹² Mu lola ndi? Mundu na a ve namagondi mia, nelilala kugo ni li goti, si a leka makumi gatanu na gane na gatanu na gane, na a tsia mu vigulu kwenya li goti?

¹³ Kandi na a duka kulinyola, a sangala kulyo kuvita busangali bwa a sangalira makumi gatanu na gane na gatanu na gane ga vula kugota.

¹⁴ Na ndiyo si bu li ubulaliri bwa Dada wenyu u veye migulu, mulala ku vakekeke yava a dive.

¹⁵ Aminyu wowo na a kwona ku ive, tsia u mu mannye bwoni bwibwe, ive naye mweng'ine: na a ku hulira, u nyeye aminyu wowo.

¹⁶ Navutswa na a sula kukuhulira, u vugule wundi kinga vaviri mu tsie mwosi kuye, mu minwa gyavaloli vaviri kinga vavaka amakuva gosi ga duke kulungika.

¹⁷ Na a sula kuvahulira, u volere livugana: na a sula kuhu lira livugana kandi, u mu leke a ve kuli Wehiri yindi ku ive, kandi kuli msololi wobushutu.

¹⁸ Ligali mmu volera, Vindu vyosi vya mu boha mu lirova vi la bofwa kandi migulu; kandi vindu vyosi vya mu boholola mu lirova vi la bohololwa migulu kandi.

¹⁹ Kandi mmu volera, vaviri ku mwinye ni va sanga mu lirova ku kindu kya va saala, Dada wange u veye migulu a la va lombera.

²⁰ Kigira ha vaviri va vugani kinga vavaka ku lieta lyange, inze mbeye hagati havo.

²¹ Hene yaho Petro yadza na a mu volera, Mwami, amitu a li nzona hali kanga, ninze mmu sameha? Hali gatanu na kaviri?

²² Yesu ya mu volera, Si nku volera hali gatanu na kaviri; navutswa kuduka makumi gatanu na gaviri hali gatanu na kaviri.

²³ Kigira yaga ubwami bwomigulu bu fwananywa nomwami mulala wenya kuvalidza magovi gavatugwa veve.

²⁴ Lwa ya tanga kuvalidza, mulala ya letwa wa li neligovi lyamatalenta tsielfu likumi.

²⁵ Navutswa kigira si ya li nekindu kyokutunga, mwami ya haana munwa a gulwe, nomukali wewe, navana veve, navyo Vyosi vya a veye navyo, na ligovi li tungwe.

²⁶ Hene yaho uyo ya gwa hasi, na a mu sigamira, na a vola, Mwami, u mbere tsimbabasi, ninze nda ku tunga lyosi.

²⁷ Mwami womtugwa uyo ya mu vera tsimba basi, na a mu boholola na a sameha ligovi.

²⁸ Navutswa mtugwa uyo ya twula na a nyola mulala ku vakye veve, wa li neligovi lye tsishilling mia: na a mu gurnira mu ligote, na a vola, U ntunge ligovi.

²⁹ Hene yaho wakye ya gwa ha virenge vivye, na a mu saala, na a vola, U mbere tsimbabasi, ninze nda ku tunga.

³⁰ Navutswa ya sula, na a tsia na a mu boha mu inyumba yavahambe, a luhe a duke kutunga ligovi.

³¹ Avakye lwa va lola aga kolwa, va verera ligali, ni vadza kuvolera mwami wavo aga kolwa.

³² Mwami wewe ya mu langa na a mu volera, Ive mtugwa mudamano, nda li kukusameha ligovi yilyo lyosi, kigira wa saala:

³³ na ive si bu li bulahi kuvera wakyo tsimbabasi, kuli inze nda ku vera tsimbabasi?

³⁴ Mwami wewe ya vihirirwa, na a mu hila ku avasaliridzi, a luhe a tunge ligovi yilye lyosi.

³⁵ Dada wange womigulu a la mu kolera ndiyo, ni mu ta sameha avamwavo mu myoyo gyenyu.