Marko 6 - KITABU KITAKATIFU

¹ Ya twula ho, ni yadza mu v kivala kikye; avegidzwi vsve va mu londa.

² Lwa lisabato lya duka, ya tanga kwegidza mu lisomero: navanyingi va mu hulira ni va genya, ni va vola, Mundu uyu a twulidza ha li ha vindu yivi? Kandi, yibu nubugeeri ki bwa a hebeywi? Kandi kigira ki miyinzi minene ndi gyi koleywi nemikono gyigye.

³ Uyu si ya li mbadzi, mwana wa Maria, amwavo wa Yakobo na Yose na Yuda na Simoni? Kandi vabotso veve si va li hano halala na kwinye? Ku, va mu vihirirwa.

⁴ Navutswa Yesu ya va volera, Muprofeti si a vula kwidzominywa, navutswa mu kivala kikye, nomu viko veve, nomu inyumba yeye yeng'ine.

⁵ Si ya nyala kukola ho miyinzi minene, navutswa ya vika mikono gyigye ku vandu va lwalanga vakekeke na a va honnya.

⁶ Ya genya kigira va vula kusuuvira. Na a vodonkana mu madala ni yegidza.

⁷ Ya langa ava li likumi na vaviri na a tanga kuvahila si vaviri si vaviri; na a va ha tsingulu ku myoyo midamano.

⁸ Kandi ya va ha munwa va ta vugula kindu kyokugendera navutswa impimbo yeng'ine; va ta vugula ubukima, nemuya, netsishilling mu musigo;

⁹ navutswa va tsia viviki vilatu: kandi va tivika makoti gaviri mba.

¹⁰ Na a va volera, Hosi ha mu li duka kwingira mu inyumba, mu menye mu mu luhe mu duke kutwula ho.

¹¹ Kandi hosi ha va ta mwingiridza nokuvula kumuhulira, lwa mu twula ho, mu vungulule lugukyi lu veye mu tsi nduvatiru, lu ve lilolekidza kuvo.

¹² Ku, va twula ni vilwadza ni va vola, avandu veganire.

¹³ Ni va kunga amademone manyingi, ni va vaka vanyingi avalwalanga maguta, ni va va honnya.

¹⁴ Herodi mwami ya ga hulira, kigira lieta lilye lidzominywa mu kivala; na a vola, Yohana Mbatidzi u simuguki, yiki ni kigira tsingulu yitsi tsinene tsi veye kuye.

¹⁵ Navandi va vola, Uyu ni Elija. Navandi va vola, Numuprofeti, kuli mulala ku vaprofeti.

¹⁶ Navutswa Herodi lwa ya hulira ya vola, Yohana wa nda kalaga mutwe gwigwe, u simuguki.

¹⁷ Kigira Herodi mwene ya li na a tumi mundu kugumira Yohana, na a mu vika mu inyumba yavahambe kigira Herodiya, mukali wamwavo wewe Filipu; kigira ya mu hila.

¹⁸ Kigira Yohana ya li na a volera Herodi, Si bu li bulahi ive u ve nomukali wamwavo wowo.

¹⁹ Na Herodiya ya mu dunyira, ni yenya kumwiita; navutswa si ya nyala mba.

²⁰ Kigira Herodi ya tia Yohana na a manya a veye mundu mulungi nomutakatifu; ya mu Iinda bulahi. Kandi lwa ya mu hulira ya genya ligali; navutswa a mu hulira nobuyanzi.

²¹ Lwa lya duka lidiku lyobwiyangu, Herodi, ku lidiku lilye lyokwivulwa, ya dekera avanene veve, navanyampara veve, navakulu ndu ve Galilaya.

²² Kandi mkana wa Herodiya mwene lwa yingira na a vina, ya sangalidza Herodi nava vikala naye ku vyokulia; mwami ya volera mkana, U nteve ku vyosi kya u yanza, ninze nda ku ha.

²³ Ya mwisuhira na a vola, Ku vyosi kya u nteva nda ku ha, kali ku bwami bwange luvega lulala.

²⁴ Ya twula na a teva mama wewe, Nda mu teva ki? Ya mu volera, Mutwe gwa Yohana Mbatidzi.

²⁵ Nonoho yingira bwangu womwami, na a teva, na a vola, Nyenya u mbe bwangu ndi mutwe gwa Yohana Mbatidzi ku ludiigi.

²⁶ Mwami ya verera munonono; navutswa kigira lyesuha lilye, kandi kigira avikala ku vyokulia, si ya yanza kumwambakannya.

²⁷ Nonoho mwami ya tuma mulala ku vasi kari ava mu linda na a mu ha munwa kuleta mutwe gwigwe. Uyu ya tsia na a mu kalaga mutwe mu inyumba yavahambe,

²⁸ na a leta mutwe gwigwe ku ludiigi, na a ha mka na; nomkana ya ha mama wewe.

²⁹ Navegidzwi veve lwa va ga hulira vadza ni va vugula mubiri gwigwe ni va gu ta mu kilindwa.

³⁰ Kandi avatumwa va vugana ku Yesu; kandi va mu volera vyosi vya va kola, na gosi ga vegidza.

³¹ Na a va volera, Mudze mwinye mweng'ine mu kyangalangwi, mu sose hakekeke. Kigira vanyingi vadza ni va tsia, navo si va nyola ubwiyangu kali bwokulagira.

³² Va twula ni va tsia mu kyangalangwi galaha mu liato.

³³ Na vandu va va lola, vanyingi va va manya, ni va nyagula ni va twula mu madala gosi, ni va vugana ho, va va vita.

³⁴ Na Yesu ya twula, na a lola kiduma kinene, na a va vererera, kigira va iwana magondi ga ta li nomwayi: ya tanga ku vegidza vindu vinyingi.

³⁵ Isi lwa ya mwama, avegidzwi veve vadza kuye ni va mu volera, Hano ni kyangalangwi, kandi kalunu isi i viti;

³⁶ u va sendukidze, va tsie mu kivala nomu madala ga veye himbi, vegulire vyokulia.

³⁷ Navutswa ya tivula na a va volera, Mu va he vyokulia. Na va mu volera, Ku tsie kugula ubukima bwetsishilling mia tsiviri ku va he va lagire?

³⁸ Ya va volera, Mu veye nemilango gyanga? Mu tsie kulola. Lwa va manya va vola, Gyi veye gyitanu, netsisudzi tsiviri.

³⁹ Ya va volera, vikalidze vosi viduma neviduma mu kiguti.

⁴⁰ Vikala ni va kola tsimbaso sa lulala mia, netsindi makumi gatano.

⁴¹ Ya vugula milango gyitanu ne tsisudzi tsiviri, na a henza igulu, na a santidza, na a megannya milango, na a ha avegidzwi va gyi vike imbiri wavo; kandi tsisudzi tsiviri ya gavulira vosi.

⁴² Va lagira vosi ni viguta.

⁴³ Va vungidza vihinda likumi na viviri ni vi zuye amadonye ga tigala, nevyetsisudzi.

⁴⁴ Navo ava lagira milango va li tsielfu tsitanu, vasatsa.

⁴⁵ Nonoho ya ha avegidzwi veve munwa vingire mu liato va tsie imbiri ku lwangereka lundi kuduka Betsaida, na a ki sendukidza kiduma.

⁴⁶ Lwa ya mala kusivulana navo, mwene ya tsia mu kigulu kusaala.

⁴⁷ Isi lwa ya mwama, liato lya li munyanza hagati, naye ya li yeng'ine ku luginga.

⁴⁸ Ya va lola ni va nyankana kugendidza liato, kigira imbuudza ya va hinulannya. Mu lilinda lya kola kane lyobudiku yadza kuvo na a genda ku madzi. Ni yenya kuvavita:

⁴⁹ navutswa lwa va mu lola na a genda ku madzi, va ganagana ni kigingi, ni va lira:

⁵⁰ kigira vosi va mu lola, ni va henda myoyo. Navutswa nonoho ya va volera, na a vola, Mweleminye; ni inze: mu ta tia mba.

⁵¹ Na a nina ha va li mu liato; kandi imbuudza ya kiring'ana: ni va genya munonono;

⁵² kigira va vula kumanya amakuva gemilango, navutswa myoyo gyavo gya li midinyu.

⁵³ Lwa vambuka va duka mu kivala kya Genesareta, ni va boha liato ku luginga.

⁵⁴ Lwa va mala kutwula mu liato, nonoho avandu va mu manya,

⁵⁵ ni va nyagula mu kivala yikyo kyosi, ni va tanga kuleta mu vitali avalwaye ha va hulira a veyo.

⁵⁶ Hosi ha yingira mu tudala, kinga mu madala, kinga mu kivala, va vika avalwaye mu vitu, ni va saala va dire lukigiti lwengubo yeye lweng'ine: na vosi ava mu dira va honnywa.