Marko 10 - KITABU KITAKATIFU

¹ Ya twula yo ni yadza mu tsinzako tsye Buyuda na hangereka ha Yordani: kandi viduma vyadza kuye; na ya vegidza kandi kuli miima gyigye.

² Vadza kuye Avafarisayo, ni va mu teva, Nu miima mulahi mundu a kunge mkali w ewe? Va mu geridza.

³ Ya tivula na a va volera, Musa ya mu laga ki?

⁴ Va vola, Musa ya ku ha munwa kung'oda ibaruwa yokwavukana nokumukunga.

⁵ Yesu ya va volera, Musa ya mu ng'odera lilaga yili kigira budinyu bwemyoyo gyenyu.

⁶ Navutswa inyinga Nyasaye ya tanga kulomba vyosi, Ya va lomba wekisatsa nowekikali.

⁷ Kigira yaga mundu a la leka ise wewe na mama wewe, na a hambane nomukali wewe,

⁸ na yava vaviri va la gwa inyama indala: ku, si va li vaviri, navutswa va veye inyama indala.

⁹ Kya Nyasaye a sannyi halala, mundu a ta kya vukanya mba.

¹⁰ Lwa va li mu inyumba avegidzwi mu teva kandi ku likuva yili.

¹¹ Na a va volera, Ku vosi u kunga mukali, na a leta wundi, a kola ubuheyi naye:

¹² mkali mwene na a leka musatsa na a tsia ku musatsa wundi, a kola ubuheyi.

¹³ Va li ni va mu letera avana vakekeke, a va dire: navegidzwi va va gaya.

¹⁴ Navutswa Yesu lwa ya lola, ya vihirirwa, na a va volera, Mu leke avana vakekeke vadze ku inze; mu ta vambakannya mba: kigira ubwami bwa Nyasaye bu veye bwa va li ndi.

¹⁵ Ligali inze mmu volera, Ku vosi u ta bugirira ubwami bwa Nyasaye kuli mwana, si a lingira mu, kali hakuzu.

¹⁶ Ya va vugula mu makono gege, kandi ya va gasidza, na a vika mikono kuvo.

¹⁷ Lwa ya twula na a tsia ku inzira, mulala ya nyagula na a tsia ha ya li, na a mu sigamira, na a mu teva, Mwegidzi mulahi, nkola ndi nduke kunyola liva mwoyo li ta hera mba?

¹⁸ Yesu ya mu volera, U ngulikira ki mulahi? Si ha li nava lahi, navutswa mulala weng'ine, Nyasaye.

¹⁹ U manya malago, U tiita mba, U ta kola ubuheyi mba, U tiba mba, U ta gina mba, U ta ganga mba, Widzominye dada wowo na mama wowo.

²⁰ Na a mu volera, Mwegidzi, vindu yivi vyosi nkola kutwula bwana bwoke.

²¹ Yesu ya mu henza na a mu yanza, na a mu volera, U daki kindu kilala: tsia, u gule vindu vyosi vya u veye navyo, u he avadaka, na ive u la nyola akiba migulu: udze, u nonde.

²² Navutswa mmoni mwimwe ya verera muno, lwa ya hulira amakuva yaga, ya tsia na a verera: kigira ya li na a veye nobutugi bunene.

²³ Yesu yekevuka na a volera avegidzwi veve, Ubudinyu bunene ndi bwa vobutugi kwingira mu bwami bwa Nyasaye

²⁴ Avegidzwi va genya amakuva gege. Navutswa Yesu ya tivula kandi na a va volera, Avana, ni budinyu ki ava suuvira butugi kwingira mu bwami b w a Nyasaye.

²⁵ Ki veye kyangu ing'amia kuvita mu induhu yesindani, navutswa nobudinyu mutugi kwingira mu bwami bwa Nyasaye.

²⁶ Ni va genya munonono, ni va mu volera, Ibwaha a nyala kuhonnywa?

²⁷ Yesu ya va henza, na a vola, Ku vandu si ga nyalika mba, navutswa si ga veye ndi ku Nyasaye: kigira vindu vyosi vi nyalika ku Nyasaye.

²⁸ Petro ya tanga kumuvolera, Henza, kwinye ku leki vyosi, kandi ku londi ive.

²⁹ Yesu ya vola, Ligali mmu volera, si ha li nomundu wa leka inyumba, kinga vamwavo, kinga vabotso kinga mama, kinga ise, kinga avana kinga milimi, kigira inze, kandi kigira ivangeli,

³⁰ navutswa a la nyola kalunu, inyinga yiyi hali mia, tsinyumba, navamwavo, na vabotso, navamama, navana, nemilimi, halala nelidambidzwa; kandi mu inyinga yidza a la nyola liva mwoyo li ta hera.

³¹ Vanyingi avembiri va la va venyima; navenyima va la va avembiri.

³² Va li ku inzira, ni va tsitsa Yerusalemi; kandi Yesu yimira: va genya; navo ava mu londa va tia. Kandi ya vugula ava li likumi na vaviri, na a tanga kuvavolera vindu vi la mu gwira,

³³ na a vola, Henza, ku tsitsa Yerusalemi; Mwana wa Adamu a la zamwa avasalisi vanene navang'odi va la mu gumira; va la mu kalagira a kudze, nokumuvika mu makono ge Tsihiri:

³⁴ na yava va la mu seka, nokumutudzira amate, nokumuduya, nokumwiita; na inyima ya madiku gavaka a la simuguka kandi.

³⁵ Yakobo na Yohana avana vai Zebedayo vadza kuye himbi, ni va mu volera, Mwegidzi, kwenya ive u ku kolera vyosi vya ku ku teva

³⁶ Ya va volera, Mwenya mmu kolera ki?

³⁷ Va mu volera, U ku he kwikala, mulala ku mukono mulungi gugwo na mulala ku mukono mmosi, mu bukumi bubwo.

³⁸ Navutswa Yesu ya va volera, Si mu nmanya kya mu tevanga. Mu nyala kunwa kisanda kya nwedza? Kinga mu nyala kubatidzwa nelibatidzwa lya mbatidzwa nalyo?

³⁹ Va mu volera, Ku nyala. Yesu ya va volera, Kisanda kva nwedza mu la nwa; kandi mu la batidzwa neiibatidzwa lya mbatidzwa nalyo:

⁴⁰ navutswa kwikala ku mukono mulungi gwange kinga ku mukono mmosi gwange si ki li kyange kuhaana; navutswa ki veye kya yava ava li ni va lomberwa.

⁴¹ Ava li likumi lwa va ga hulira, va tanga kuvihirirwa Yakobo na Yohana.

⁴² Yesu ya va langa vadze kuve, na a va volera, Mu manya ava volangwa navami ve Tsihiri, va va tuga navanelle vavo va veye netsingulu kuvo.

⁴³ Navutswa si ga li va ndiyo ku mwinye, navutswa ku vosi wenya kuva munene ku mwinye, a la va mutumekiri wenyu;

⁴⁴ kandi ku vosi wenya a ve mwimiri ku mwinye a la va mutugwa wa vosi.

⁴⁵ Kigira Mwana wa Adamu si yadza kutumekirwa, navutswa yadza kutumekira avandi, nokuhaana liva mwoyo lilye li ve mutungu gwa vanyingi.

⁴⁶ Va duka Yeriko: lwa ya twula Yeriko navegidzwi veve nekiduma kinene, mwana wa Timeo, wa langwa Bartimeyo, mboku wa saava vindu, yikala ku inzira haluvega.

⁴⁷ Lwa ya hulira ni Yesu wa Nazareti, ya tanga kuhanzuka nokuvola, Yesu, mwana wa Daudi, u mbere tsimba basi.

⁴⁸ Na vanyingi va mu gaya, a kiring'nne: navutswa ya kira kuhanzuka ligali, Mwana wa Daudi, u mbere tsimbabasi.

⁴⁹ Yesu ya si ngira na a vola, Mu rmu lange. Ku, va langa mboku ni va mu volera, U leme mwoyo: singira, a ku langa.

⁵⁰ Ya leka ingubo lilye na a singira ni yadza ku Yesu.

⁵¹ Yesu ya mu tivulira, na a vola, Wenya nku kolera ki? Mboku ya mu volera, Mwegidzi, nyenya ndole.

⁵² Yesu ya mu volera, Tsia bulahi; lisuuvira lilyo li ku honnyi. Nonoho ya nyola kulola, na a mu londa ku inzira.