Luka 8 - KITABU KITAKATIFU

¹ Inyima wa yaga hakekeke, ya gendagenda rmu madala nomu tudala, ni yilwadza na a leta amakuva malahi gobwami bwa Nyasaye, kandi ava li likumi na vaviri va li halala naye,

² kandi avakali valala ava honnywa roho midamano netsinkudzo: navo ni Maria wa langwa Magdalene, wamademone ga twula kuye gatanu na gaviri,

³ na Yoana mukali wa Chuza wa li mulindi wobutugi bwa Herodi, na Susana, navandi vanyingi, ava mu tumekira nevindu vyavo.

⁴ Kiduma kinene lwa kya vugana, navamadala gosi va tsia kuye, ya va kupa lugano:

⁵ Mumidzi ya tsia kumidza bugutsa bwibwe: kandi lwa ya midza, bulala bwa gwa ku inzirani bu duvugwa, namanyonyi gegulu ga bu vodza.

⁶ Nobundi bwa gwa ku lwanda; lwa bwa mera nonoho bwuma, kigira si bwa li ha bukindu.

⁷ Nobundi bwa gwa mu maiwa; na mafwa ga viruka halala nabwo, ni ga bu kunika.

⁸ Nobundi bwa gwa mu marova malahi, ni bu mera, ni bwama sa lulala hali mia. Lwa ya vola vindu yivi ya hanzuka, na a vola, U veye na matu gokuhulira, a hulire.

⁹ Navegidzwi veve va mu teva, Ni lugano ki yilu?

¹⁰ Ya vola, Mwinye mu hebeywi kumanya aga viswa gobwami bwa Nyasaye: navutswa avandi va kupangwa tsing'ano; lihenza va henza va ta lola, kandi lihulira va hulira va ta manya.

¹¹ Yaga ne megidzo golugano: Ubugutsa ni likuva lya Nyasaye.

¹² Avoku inzira navo ava hulira; ma Setani yadza kutwulidza likuva zana mu myoyo gyavo, gase va la suuvira va hone.

¹³ Navo va veye ku lwanda nava, lwa va hulira va bugirira likuva nobuyanzi; navutswa si va li nemiri, ava suuvira hakekeke, navutswa inyinga yeligeridzwa va twula.

¹⁴ Nabwo bwa gwa mu mafwa, nava ava hulira, navutswa lwa va genda ku inzira yavo, amadidikano, nobutugi, nelikayirwa lye liva mwoyo lya ka lunu, vi va miga si va komelidza kindu.

¹⁵ Nobwo mu marova malahi, nava lwa va hulira makuva, va ga gumira nomwoyo mulahi kandi mudoto, vama liama nobwikudziri.

¹⁶ Si ha li nomundu lwa a hambidza itaya a gi kunikira nekihinda, kinga a gi vika mu lwalo lwekitali; navutswa a gi vika ku imeza, avingira va duke kulola ubulavu

¹⁷ Kigira si ha veye nekindu kya viswa ki li vula kulang'aminywa; kandi si ha li nekyaviswa ki li vula kumanyekana nokuloleka habulavu.

¹⁸ Kigira yaga mwilinde kuli mu hulira: kigira u veve nakyo, a la hebwa; no ta veye nakyo, a la nyagwa kya a ganagana a veye nakyo.

¹⁹ Mama wewe navamwavo veve vadza kuye, navutswa si va nyala kuduka kuye ligali kigira kiduma.

²⁰ Ya volerwa, Mama wowo navamwavo vovo va singiye kyova venya kukulola.

²¹ Navutswa ya tivula na a va volera, Mama wange navamwavyo vange ni yava ava hulira likuva lya Nyasaye, ni va li kola.

²² Lidiku lilala ku yaga ya nina mu bwato, mwene navegidzwi veve; na a va volera, Kwambuke inyanza: ni va tsia.

²³ Navutswa lwa va li ni va tsitsa ya gona tsindolo: kandi kihuudzudzi kika ku inyanza; ne liato lyenya kwizula amadzi, va li mu buhimwa.

²⁴ Ni va tsia kuye Di va mu vukidza, ni va vola, Mwami, Mwami, ku veye mu budivi. Ya vuka na a gaya kihuudzudzi, nevi guvuii vya madzi: vya hera, gwa li mubng'eera linene.

²⁵ Kandi ya va volera, Lisuuvira lyenyu li veye ha li ha? Va tia, ni va genya, ni va volerana, Ibwaha uyu, a loga kali kihuudzudzi nenyanza, na vi mu hulira?

²⁶ Kandi va duka mu kivala kya Vagadara, ki henza Galilaya.

²⁷ Lwa va mala kwika ku luginga, mundu mulala welidala yilyo ya vugana naye, wa li namademone; kandi u tivika tsingubo madiku manyingi, kandi si ya menya mu inyumba, navutswa mu vilindwa.

²⁸ Kandi lwa ya lola Yesu, ya hanzuka, na a gwa imbiri wewe, na a vola nomwoyo munene, Mbeye na ki nive Yesu, Mwana wa Nyasaye Uveye Igulu Ligali? Nku saala u ta nkupidza kivi mba.

²⁹ Kigira y a li na a heve roho mudamano munwa kutwula ku mundu uyu. Kigira madiku manyingi gwa li ni gu mu gumira: naye ya lindwa na a bofwa neminyororo nevivya; navu tswa ya kalanya vya a boherwa, na lidemone lya mu kunga ni li mu hila mwigendanyama.

³⁰ Yesu ya mu teva, Lieta lilyo ni bwaha? Naye ya vola, Legiona; kigira amademone manyingi ga li muye.

³¹ Nago ga mu saala, a ta ga laga kutsia mu bogo.

³² Ha zana ha li nekyayo kyetsimpidzi tsyaya mu kigulu: ni ga mu saala a ga laga kwingira mutsyo. Na a ga ha munwa.

³³ Namademone ga twula ku mundu ni gingira mu tsimpidzi: kandi kyayo kyosi kya sulunguta tsimbiru kukisulungutu kuduka munyanza, ni tsi kudzira mu madzi.

³⁴ Avayi lwa va lola vindu vya kolwa, viruka ni va tsia kuvola mu lidala nomu kivala.

³⁵ Va twula ni va tsia kulola vya kolwa; ni va duka ku Yesu, ni va lola mundu wamademone ga twula kuye, ni yiviki tsingubo, kandi a veye nobugeeri bwibwe, ni yikaye ha virenge vya Yesu: ni va tia.

³⁶ Navo ava lola va va volera kuli wa li namarlemone ya honnywa.

³⁷ Avandu vosi avevivala vya himbi vya Vagadara va mu saala a twule kuvo: kigira va gumirwa nobutii bunene: naye yingira mu bwato ni yirana.

³⁸ Navutswa mundu wamademone ga twula kuye ya mu saala a menye naye: navutswa ya mu tuma, na a vola,

³⁹ Wirane iwowo, kandi wilwadze vindu vinene ndi vya Nyasaye a ku koleye. Naye ya tsia ni yilwadza mu lidala lyosi, vindu vinene ndi vya Yesu ya mu kolera.

⁴⁰ Yesu lwa yirana, kiduma kya mwaganira nobuyanzi; kigira vosi va li ni va mu lindirira.

⁴¹ Kandi, henza, mundu mulala munene weli vugana wa langwa Jairu, yadza kuye na a gwa ha virenge vya Yesu, na a mu saala kwingira mu inyumba yeye;

⁴² kigira ya li nomwana mukana muderwa, ya li nemihiga gyenya kuduka likumi na gyiviri, naye yenya kukinda. Navutswa lwa ya tsia, viduma vya yumba kuye.

⁴³ Kandi mukali wa lwala na a tadza masahi imihiga likumi na gyiviri, ya malira avetsinyasi vindu vivye vyosi, navutswa kali mulala si ya nyala kumuhonnya,

⁴⁴ ya tsia kuye ha inyima na a dira ku lukigiti lwengubo yeye: na nonoho litadza lilye lya kalidzira.

⁴⁵ Yesu ya vola, Ibwaha u ndira? Lwa vambakana vosi, Petro navakye va vola, Mwami, viduma vi yumbi ku ive ni vi ku mina.

⁴⁶ Navutswa Yesu ya vola, Ha veye nomundu u ndiye; kigira nzelola tsingulu tsi twuli ku inze.

⁴⁷ Mukali lwa ya lola si ya nyala kwivisa, yadza na a degera, na a gwa hasi imbiri wewe na a vola imbiri wavandu vosi kya ya mu dirira, kandi kuli ya honnywa bwangu.

⁴⁸ Naye ya mu volera, Mkana wange, lisuuvira lilyo li ku honnyi; u tsie nemirembe.

⁴⁹ Na a ki vola, mundu womunene welivugana yadza, na a vola, Mukana wowo u kudzi; u ta nyangidza Mwegidzi.

⁵⁰ Navutswa Yesu ya hulira na a mu tivulira, U ta tia: u suuvire vutswa, kandi a la honnywa.

⁵¹ Lwa ya duka ha inyumba, si ya leka mundu kwingira naye, navutswa Petro na Yohana na Yakobo na ise mukana na mama wewe.

⁵² Kandi vosi va lira ni va syoma: navutswa ya vola, Mu ta lira; si ya kudzi mba, navutswa a gonanga.

⁵³ Kandi va mu seka ni va mu kolera kihenyahenye, va manya u kudzi.

⁵⁴ Navutswa ya mu gumira mukono, na a langa, na a vola, Mukana, vuka.

⁵⁵ Mwoyo gwigwe gwirana, na a singira nonoho: kandi ya ha munwa a hebwe vyokulia.

⁵⁶ Avivuli veve va genya: navutswa ya veganehidza va ta volera mundu kali mulala, aga kileywi.