Luka 4 - KITABU KITAKATIFU

¹ Yesu yirana kutwula Yordani yizuye Roho Mutakatifu, kandi Roho ya mu hila mwigendanyama

² kuduka madiku makumi gane, Setani na a mu geridza. Mu madiku yago si ya lia kindu: lwa ga duka, ya li nenzala.

³ Setani ya mu volera, Nu u va nu u veye Mwana wa Nyasaye, u volere ligina yili li gwe ubu kima.

⁴ Yesu ya mu tivulira, Ga ng'odwa, Mundu si a nyala kuva mwoyo nobukima bweng'ine mba.

⁵ Na Setani a mu nyinnya igulu mu kigulu kitambi na a mu mannya ubwami bwosi bwelirova ku inyinga inkekeke.

⁶ Setani ya mu volera, Nda ku ha tsingulu yitsi tsyosi nobukumi bwabwo: kigira nda hebwa yibu; kandi wa nyanza mmu hedzanga.

⁷ Nu u sigamira imbiri wange, vyosi vi la va vivyo.

⁸ Yesu ya tivula na a mu volera, Ga ng'odwa, U sigamire Mwmi Nyasaye wowo, u mu tumekire yeng'ine.

⁹ Kandi na a mu hila Yerusalemi, na a mu vika ku kesegese kyelitempeli, na a mu volera, Nu u va nu u veye Mwana wa Nyasaye, u tuume hasi:

¹⁰ kigira ga ng'odwa, A la laga tsingelosi veve va ku linde:

¹¹ kandi, Va la ku gingira mu makono gavo, Gase u likigitala kirenge kikyo ku ligina.

¹² Yesu ya tivula, na a mu volera, Ga volwa, U ta geridza Mwami Nyasaye wowo.

¹³ Setani lwa ya mala ligeridza lyosi, ya mu leka inyinga i duki.

¹⁴ Yesu yirana netsingulu tsya Roho kutsia Galilaya: ubukumi bwi bwe bwa landa mu tsimbega tsyosi tsyekivala kya himbi.

¹⁵ Kandi yegidza mu masomero gavo, ni va mwidzominya vosi.

¹⁶ Kandi ya duka Nazareti, ha ya virukira; ni yingira kuli miima gwigwe, mu lisomero ku lidiku lyelisabato, na a singira kusoma.

¹⁷ Ya hebwa kitabu kyo muprofeti Isaya. Ya kunula kitabu, na a nyola ha ga ng'odwa.

¹⁸ Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

¹⁹ Nokwilwadza muhiga mulahi gwo Mwami.

²⁰ Ya kunika kitabu, ni yiranyira mutumekiri, ni yikala: navo vosi va li mu lisomero va mwumika.

²¹ Naye ya tanga kuvavolera, Lero amang'oda yaga ga dukidzwa ku mwinye mu matu genyu.

²² Vosi va mu lole kidza, ni va genya amakuva getsimbabasi aga twula mu munwa gwigwe: ni va vola, Uyu si a li mwana wa Yosefa?

²³ Kandi ya va volera, Ligali, mu la mbolera lugano yilu, Wetsinyasi wehonnye: amakuva gosi ga kwa hulira wa kola Kapernaume, u kole hano mu kivala kikyo.

²⁴ Na a vola, Ligali mmu volera, Si ha li nomuprofeti wa bugirirwa mu kivala kikye.

²⁵ Navutswa ageligali mmu volera, Va li ho avakunzakali avanyingi mu Israeli mu madiku ga Elija, inyinga ligulu lya bofwa imihiga gyivaka nemyeli gyitanu na mulala, nenzala inene ya duka mu kivala kyosi;

²⁶ navutswa Elija si ya tumwa ku mulala kuvo, navutswa ya tumwa ku Zerefata mu kivala kya Sidone, ku mukali wa kunzakala.

²⁷ Kandi va li ho avagere vanyingi mu Israeli mu madiku ga Elisha muprofeti; navutswa si ha li nowatakaswa, navutswa Naaman Musiria.

²⁸ Vizula ubutima vosi ava li mu lisomero, lwa va hulira vindu yivi.

²⁹ Ni va singira ni va mu hila kyova welidala ni va mu hila ku luhongo lwekiguiu kyelidala lyavo lyombakwa ku, va duke kumu luguta hasi.

³⁰ Navutswa ya vita hagati havo na a tsia.

³¹ Ya sulunguta kuduka Kaper naume, lidala Iva Galilaya. Ya vegidza ku lidiku iyelisabato:

³² ni va genya migidzo gege; kigira likuva lilye lya li netsingulu.

³³ Ya li ho mu lisomero mundu wa li nomwoyo gwelidemone lidamano; ya hanzuka.

³⁴ Ai kwinye ku veye ndi nive Yesu Munazareti? Udzi kukwono nnya? Nku manya u veye ibwaha, Mutakatifu wa Nyasaye.

³⁵ Yesu ya mu gaya, na a mu volera, Kiring'ana, u twule kuye. Lidemone lwa lya mala kumutula hasi, hagati havo lya twula kuye, si lya mu kola kindu.

³⁶ Ligenya lya va gumira vosi, ni va volerana avene ni va vola, Ni likuva ki yili? Kigira a laga amade mone madamano netsingulu noku nyala, ni ga twula.

³⁷ Ubukumi bwibwe bwa landa tsimbega tsyosi tsyekivala kya himbi.

³⁸ Ya twula mu lisomero ni yingira mu inyumba ya Simoni. Navizala wa Simoni ya li na a gumeywi uluhuudza lunene, ni va mu saala kigira uyu.

³⁹ Ya singira imbiri wewe na a gaya uluhuudza; na lwa mu leka: nonoho ya twula na a va tumekira.

⁴⁰ Liuva lwa lya yera, vosi ava li navalwaye, va lwala tsinkudzo lugano lugano, va va leta kuye; naye ya vika makono gege kuvo vosi na a va honnya.

⁴¹ Kandi amademone ga twula ku vanyingi, ni ga hanzuka, ni ga vola, Ive u veye Mwana wa Nyasaye. Ya ga gaya, si ya ga leka ga vole, kigira ga manya a veye Kristo.

⁴² Lwa bwa kya ya twula na a tsia ha vandu va ta li: kandi viduma vya mwenya ni va tsia kuye, ni venya kumugaya a ta va leka.

⁴³ Navutswa ya va volera, Inze nubulahi nzilwadze amakuva malahi gobwami bwa Nyasaye mu madala ga tigaye: yiki ni klgira nda tumwa.

⁴⁴ Kandi ya li ni yilwadza mu masomero ge Galilaya.