Livalidza 16 - KITABU KITAKATIFU

¹ Kunangwa Kora, mwana wa m Iziharu, mwana wa Kohathu, mwana wa Levi, halala na Dathan na ki Abiram, avana va Eliabu, na On, mwana wa Pelethu, avana va Rubeni, va leta auandu:

² na va vukira n: Musa halala na avana avalala va Israeli, va li tsimia tsiviri na makumi gatano, avanene velivugana, ava langwa ku livugana, avasatsa velidzominywa;

³ navo vevuganya halala kuhing'ana na Musa na Haruni, ni va va volera, Mwevugulira kuvita kigero, kigira livugana lyosi li veye litakatifu, sa mulala muvo, na Yahova a veye hagati havo: kigira ki mweyidzominya avene kuvita avelivugana lya Yahova?

⁴ Na lwa Musa ya hulira yaga, ya gwa mammama:

⁵ na ya volera Kora na livugana lilye lyosi, nokuvola, Mugamba Yahova a la mannya ni va nga bwaha ava veye aveve, kandi ni bwaha u veye mutakatifu, na a la mu leta yesunde kuye himbi: kigira uyu wa a li tovola a la mu leta kuye himbi.

⁶ Mu kole yaga: mwinye, Kora na livugana lilye lyosi, rnu vugule vituva vyekimuli;

⁷ na mu vike muliru muvyo, na mu vike kimuli ku, imbiri wa Yahova mugamba: na ga la va mundu wa Yahova a tovola, uyu a la va mutakatifu: mwevugulira kuvita kigero, mwinye avana va Levi.

⁸ Na Musa ya volera Kora, Mu hulire kalunu, mwinye avana va Levi:

⁹ ki fwana kindu kikekeke ku mwinye, Nyasaye wa Israeli a duke kwahula mwinye ku livugana lya Israeli, kumuleta himbi kuye mwene, mu kole ubutumiki bwelihema Iva Yahova, nokusingira imbiri welivugana kuvatumekira;

¹⁰ na a ku leti ive, halala na avamwavo vovo avana va Levi kuva himbi kuye? Na mwinye mwenyanga kandi ubusalisi?

¹¹ Yiki ni kigira ive na livugana lilyo lyosi mu vungnyeywi kuhing'ana na Yahova: na Haruni a veye kindu ki mu duke kumumonya?

¹² Na Musa ya tuma kulanga Dathan na Abiram, avana va Eliabu navo va vola, Kwinye si ku ladza mba:

¹³ ki veye kindu kikekeke ku ive kukuleta kutwula mu kivala ki gangulukanga maveere nobwuki, kuduka kukwiitira mu kyangalangwi, navutswa halala na yaga wiyidzominya mwene kuva munene ku kwinye?

¹⁴ Na kuvita yaga u vuli kukuleta kuduka mu kivala ki gangulukanga maveere nobwuki, kinga kukuha miyandu gyemilimi na mizabibu: ive u ganagana kuhudula tsimoni tsya avandu yava? Si ku ladza mba.

¹⁵ Na Musa ya vihirirwa ligali, na a volera Yahova, U ta bugirira kihaanwa kyavo: inze si nda vugula kali isukiri indala kuvo, kandi si nda saliridza mundu kali mulala kuvo.

¹⁶ Na Musa ya volera Kora, Ive na livugana lilyo lyosi, ive, navo na Haruni, mu ve hano mugamba imbiri wa Yahova:

¹⁷ na mu lete sa mulala kituva kyekimuli kikye, na a vike kukyo kimuli, na mwinye sa mulala mu lete kituva kikye imbiri wa Yahova, vituva tsimia tsiviri na makumi gatano; ive kandi na Haruni, sa mulala a ve nekituva kyekimuli kikye.

¹⁸ Kunangwa va vugula vituva vyavo sa mulala kikye, na va vika muliru kukyo, na va vika kimuli kugwo, na va singira ha kiliango kyelihema lyokuvuganira mu halala na Musa na Haruni.

¹⁹ Na Kora ya vungidza livugana lyosi kuhing'ana navo ha kiliango kyelihema lyokuvuganira mu: na ubukumi bwa Yahova bwa loleka imbiri welivugana lyosi.

²⁰ Na Yahova ya volera Musa na Haruni, nokuvola,

²¹ Mweyahule mu twule hagati helivugana yili, nduke kulidividza ku idakika indala.

²² Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

²³ Na Yahova ya volera Musa, nokuvola,

²⁴ U volere livugana, nokuvola, Mu twule ku mahema ga Kora, Dathan, na Abiram.

²⁵ Na Musa ya vuka, na a tsia ku Dathan na Abiram; na avakulundu va Israeli va mu londa.

²⁶ Na ya volera livugana, na a vola, Ng'oonya mwinye, mwadza, mu twule ku mahema ga avandu avadamano yava, na mu ta dira kindu kyavo kali kilala, gase mu la dividzirwa mu ubwoni bwavo bwosi.

²⁷ Hene yaho va twula ku lihema lya Kora, Dathan, na Abiram tsimbega tsyosi: na Dathan na Abiram va tsia kyova, nokusingira ha viliango vya mahema gavo, halala na avakali vavo, na avana vavo, na avadoto vavo.

²⁸ Na Musa ya vola, Ku inkuva yiyi mu la manya Yahova u ntumi kukola miyinzi yigyi gyosi; kigira si nkoli nobugeeri bwange mwene.

²⁹ Avandu yava ni va va ni va kudza likudza lya kazozo lya avandu, kinga ni va kolerwa kuli avandu vosi va kolerangwa; ga la va ni ga veye Yahova si a ntumi mba.

³⁰ Navutsu a Yahova na a va na a kola kindu kihya, na lirova ni li kunula munwa gwalyo nokuvamira, halala na vosi ava veye avavo, navo ni vika mu bogo ni va veye mwoyo; hene yaho mu la manya avandu yava va legi Yahova.

³¹ Kunangwa, lwa ya mala kuvola makuva yaga gosi, lirova lya li hasi havo lyadika;

³² na lirova lya kunula munwa gwalyo, nokuvamira, na avetsinyumba tsyavo, na avandu vosi ava hambana na Kora, na viju vyavo vvosi.

³³ Kunangwa yavo na vosi ava li navo, halala na vindu vyavo vyosi, vika mu bogo ni va veye mwoyo: na marova ga va kunika, na va diva kutwula mu livugana.

³⁴ Na Israeli vosi ava va kumbiridza tsimbega tsyosi viruka kigira lilira lyavo; kigira va vola, Gase lirova li la ku mira.

³⁵ Kandi muliru gwa twula ku Yahova, na gwa samba avandu tsimia tsiviri na makumi gatano ava vuvidza kimuli.

³⁶ Na Yahova ya volera Musa, na a vola,

³⁷ U volere Eleazaru, mwana wa Haruni musalisi, a twulidze vituva vyekimuli mu muliru, na ive u sundule muliru hala; kigira vi veye vitakatifu,

³⁸ kali vituva vya avoni yava, aveyononya liva lyavo avene; navyo vi kolwe vibalebale kuva vikuniku vyobwali: kigira vya haanwa imbiri wa Yahova, kigira yaga vi veye vitakatifu; na vi la va kilolekidzu ku avana va Israeli.

³⁹ Na Eleazaru musalisi ya vugula vituva vyomugasa, vya yavo ava sambwa va haana; na va vi tuula vi ve kikuniku kyobwali,

⁴⁰ kuva kyokwidzulitsa ku avana va Israeli, kuduka mugeni, u ta veye ku kisukululwi kya Haruni, a tesunda himbi kuvuyidza kimuli imbiri wa Yahova; a vule kuva kuli Kora, na kuli livugana lilye: kuli Yahova ya mu volera na munwa gwa Musa.

⁴¹ Navutswa mugamba livugana lyosi lya avana va Israeli va monya Musa na Haruni, ni va vola, Mwinye mwiiti avandu va Yahova.

⁴² Na ga duka, lwa livugana lya vugana kuhing'ana na Musa na Haruni, va henza ku lihema lyokuvuganira mu: na, henza, lilesi lya li kinga, na ubukumi bwa Yahova bwa loleka.

⁴³ Na Musa na Haruni vadza imbiri welihema lyokuvuganira mu.

⁴⁴ Na Yahova ya volera Musa, na a vola,

⁴⁵ Mu twule mu livugana, yili nduke kulidividza ku idakika indala. Navo va gwa mammama.

⁴⁶ Na Musa ya volera Haruni, Vugula kituva kikyo, u vike muliru gwobwali kukyo, u vike kimuli ku muliru, u tsie bwangu nakyo mu livugana, u va lombere kyokukunika ubwoni: kigira ubutima bu twuli ku Yahova; na iplegi i tangi.

⁴⁷ Na Haruni ya vugula kituva kuli Musa ya vola, na a nyagula, na a tsia hagati helivugana; na, henza, iplegi ya li ni i tangi hagati ha avandu: na ya vika kimuli ku muliru, nokulombera avandu kyokukunika ubwoni.

⁴⁸ Naye ya singira hagati ha avakudzu na yava ava veye mwoyo; na iplegi ya gaywa.

⁴⁹ Na vava ava kudza kigira iplegi va li tsielfu likumi na tsine, na tsimia tsitano na tsiviri, kumeda yava ava kudzera mu inkuva ya Kora.

⁵⁰ Na Haruni yirana ku Musa ha kiliango kyelihema lyokuvuganira mu: na iplegi ya gaywa.