Livalidza 1 - KITABU KITAKATIFU

¹ Na Yahova ya volera Musa mu kyangalangwi kya Sinai, mu lihema lyokuvuganira mu, ku lidiku lyokutanga mweli gwa kaviri, mu muhiga gwa kaviri inyima wokutwula mu kivala kya Egepeti, na a vola,

² Mu validze livugana lyosi lya avana va Israeli, kuli ubwiko bwavo, na kuli tsinyumba tsyavaguga vavo, kuli livalidzwa lya ameta li veye, avasatsa sa mulala, ku mutwe nomutwe,

³ kutwula ku uyu wemihiga makumi gaviri nokuvita, vosi Avaisraeli ava nyala kutsia mu bulwani, ive na Haruni mu la va validza kuli amahe gavo.

⁴ Na halala na mwinye ha la va na mundu mulala wetsihiri sa indala; sa mulala a ve munene wenyumba ya guga wewe.

⁵ Na ameta gavasatsa ava li singira halala na mwinye. Ku Rubeni: Elizuru mwana wa Shedeuru.

⁶ Ku Simeoni: Shelumieli mwana wa Zurishadai.

⁷ Ku Yuda: Nahashoni mwana wa Aminadabu.

⁸ Ku Isakari: Nethaneli mwana wa Zuaru.

⁹ Ku Zebuloni: Eliabu mwana wa Heloni.

¹⁰ Ku avana va Yosefa: Ku Efiraim: Elishama mwana wa Amihudu. Ku Manase: Gamelieli mwana wa Pedazuru.

¹¹ Ku Benjamini: Abidani mwana wa Gideoni.

¹² Ku Dan: Ahiezeru mwana wa Amishadai.

¹³ Ku Asheri: Pagieli mwana wa Okzrani.

¹⁴ Ku Gadi: Eliasafu mwana wa Deueli.

¹⁵ Ku Nafitali: Ahira mwana wa Enani.

¹⁶ Yava nivo ava langwa mu livugana, avanene vetsihiri tsya vaguga vavo; yava va li mitwe gyetsielfu tsya Israeli.

¹⁷ Kandi Musa na Haruni va vugula avandu yava ava ameta gavo ga talwa:

¹⁸ navo va vungidza livugana lyosi halala ku lidiku lyokutanga lyomweli gwa kaviri; na va vola amakula gevisukululwi vyavo, kuli ubwiko bwavo, ku tsinyu nba tsyavaguga vavo, kuli livalidzwa lya ameta, kutwula ku mihiga makumi gaviri nokuvita, mutwe nomutwe.

¹⁹ Kuli Yahova ya laga Musa, na ndiyo ya ya validza mu kyangalangwi kya Sinai.

²⁰ Na ku avana va Rubeni, wokutanga kwivulwa wa Israeli, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, ku mutwe nomutwe, avasatsa vosi kutwula ku vemihiga makumi gaviri nokuvita, vosi avanyala kutsia mu bulwani;

²¹ yava ava validzwa kuvo, ku ihiri ya Rubeni, va li tsielfu amakumi gane na tsitano na indala, na tsimia tsitano.

²² Ku avana va Simeoni, visukululwi vyavo, kuli bwiko bwavo, noku tsinyumba tsyavaguga vavo, yavo ava validzwa kuvo, kuli livalidzwa lya ameta gavo, ku mutwe nomutwe, avasatsa vosi kutwula ku vemihiga makumi gaviri nokuvita, vosi ava nyala kutsia mu bulwani;

²³ yavo ava validzwa kuvo, ku ihiri ya Simeoni, va li tsielfu makumi gatano na tsitano na tsine, na tsimia tsivaka.

²⁴ Ku avana va Gadi, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gaviri nokuvita, vosi ava nyala kutsia mu bulwani;

²⁵ yavo ava validzwa kuvo, ku ihiri ya Gadi, va li tsielifu makumi gane na tsitano, na tsimia tsitano na indala, na avandu makumi gatano.

²⁶ Ku avana va Yuda, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gaviri nokuvita, vosi ava nyala kutsia mu bulwani;

²⁷ yavo ava validzwa kuvo, ku ihiri ya Yuda va li tsielfu makumi gatano na gaviri na tsine, na tsimia tsitano na indala.

²⁸ Ku avana va Isakari, visukuIulwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gavuri nokuvita, vosi ava nyala kutsia mu Ibulwani;

²⁹ yavo ava validzwa kuvo, ku ihiri ya Isakari, va li tsielfu makumi gatano na tsine na tsimia tsine.

³⁰ Ku avana va Zebuloni, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gaviri nokuvila, vosi ava nyala kutsia mu bulwani;

³¹ yavo ava validzwa kuvo, ku ihiri ya Zebuloni, va li tsielfu makumi gatano na tsitano na tsiviri, na tsimia tsine.

³² Ku avana va Yosefa, kuro'a, ku avana va Efiraim, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga rmakumi gaviri nokuvita, vosi ava nyala kutsia mu bulwani;

³³ yavo ava validzwa kuvo, ku ihiri ya Efiraim, va li tsielfu makumi gane na tsimia tsitano.

³⁴ Ku avana va Manase, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya arneta gavo, kutwula ku vemihiga makumi gaviri nokuvita, vosi ava nyala kutsia mu bulwani

³⁵ yavo ava validzwa kuvo, ku ihiri ya Manase, va li tsielfu makumi gavaka na tsiviri, na tsimia tsiviri.

³⁶ Ku avana va Benjamini, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gaviri nokuvita, vosi ava nyala kutsia mu bulwani;

³⁷ yavo ava validzwa kuvo, ku ihiri ya Benjamini, va li tsielfu makumi gavaka na tsitano, na tsimia tsine.

³⁸ Ku avana va Dan, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gaviri nokuvita, vosi ava nyala kutsia mu bulwani;

³⁹ yavo ava validzwa kuvo, ku ihiri ya Dan, va li tsielfu makumi gatano na lilala na tsiviri, na tsimia tsitano na tsiviri.

⁴⁰ Ku avana va Asheri, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gaviri nokuvita, vosi ava nyala kutsia mu bulwani;

⁴¹ yavo ava validzwa kuvo, ku ihiri ya Asheri, va li tsielfu makumi gane na indala na tsimia tsitano.

⁴² Ku avana va Nafitali, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gaviri nokuvita, vosi ava nyala kutsia mu bulwani;

⁴³ yavo ava validzwa kuvo, ku ihiri va Nafitali, va li tsielfu makumi gatano na tsivaka na tsimia tsine.

⁴⁴ Yava nivo ava validzwa, ava Musa na Haruni va validza, na avanene va Israeli, va veye avasatsa likumi na vaviri: va veye sa mulala ku inyumba ya guga wewe.

⁴⁵ Kunangwa yava vosi ava validzwa ku avana va Israeli, ku tsinyumba tsyavaguga vavo, kutwula ku vemihiga makumi gaviri nokuvita, vosi ava nyala kutsia mu bulwani mu Israeli;

⁴⁶ kali vosi va validzwa va li tsielfu tsimia tsitano na indala, na tsielfu tsivaka, na tsimia tsitano na avandu makumi gatano.

⁴⁷ Navutswa Avalevi kuli ihiri yavaguga vavo si va validzwa halala navo mba.

⁴⁸ Kigira Yahova ya volera Musa, na a vola,

⁴⁹ Yava avehiri ya Levi si u la va validza mba, kandi si u la vika livalidzwa lyavo halala na avana va Israeli mba;

⁵⁰ navutswa u la vika Avalevi ku lihema lyelilolekidza, noku viju vyalyo, noku vyosi vi veye kulyo: navo va la ginga lihema, na viju vyosi vyalyo; na va la tumekira kulyo, navo va lombaka mahema gavo kukumbiridza lihema litakatifu.

⁵¹ Na lwa lihema li la tsia imbiri, Avalevi va la li sambula; na lwa lihema li duka, Avalevi va la lyombaka: na a uyu mugeni wisunda himbi a liitwa.

⁵² Na avana va Israeli va lombaka mahema gavo, sa mulala mu hokusosa hehe mwene, na sa mulala ha ibendera yeye mwene; kuli amahe gavo.

⁵³ Navutswa Avalevi va lombaka mahema gavo kukumbiridza a lihema lyelilolekidza, ubutima bu vule kuduka ku livugana lya avana va Israeli: na Avalevi va la linda ubulindi bwelihema lyelilolekidza.

⁵⁴ Na ndiyo avana va Israeli va kola; kuli vyosi vya Yahova ya laga Musa, va kola ndiyo.