Litanga 10 - KITABU KITAKATIFU

¹ Yivi ni visukululwi vya avana va Nuhu, vya Shem, Ham, na Jafethu: na avana avayai vivulwa kuvo inyima wa madzi manene.

² Avayai va Jafethu ni yava: Gomeri, na Magoga, na Madai, na Javan, na Tubali, na Mesheki, na Tirasi.

³ Na avana va Gomeri ni yava: Ashikenazu, na Rifathu, na Togarima.

⁴ Na avana va Javan, Elisha, na Tarshishi, na Kitim, na Dodanim.

⁵ Visulu vyetsihiri vya gavanywa ku yavo mu vivala vyavo, sa mulala kuli ululimi lwilwe, na kuli bwiko, na ku tsihiri tsyavo.

⁶ Na vayai va Ham ni yava, Kush, na Miziraim, na Putu, na Kanani.

⁷ Na avana va Kush: Seba, na Havila, na Sabita, na Raama, na Sabiteka; na avana va Raama: Sheba, na Dedan.

⁸ Na Kush yivula Nimrodi: ya tanga kuva wetsingulu mu lirova.

⁹ Ya li wetsingulu kuhima imbiri wa Yahova: kigira yaga ga volwa, Kuli Nimrodi muhimi wetsingulu imbiri wa Yahova.

¹⁰ Na litanga lyobwami bwibwe lya li Babeli, na Ereku, na Akada, na Kaline, mu kivala kya Shinaru.

¹¹ Ya twula ku kivala yikyo ya tsia Asuria, na yombaka Nineve, na Rehobothiru, na Kalah,

¹² na Resen hagati ha Nineve na Kalah (nalyo li veye lidala linene).

¹³ Na Miziraim yivula Ludim, na Anamim, na Lehabim, na Nafituhim,

¹⁴ na Pathirusim, na Kasiluhim (Avafilisti va twula kuvo), na Kafitorim.

¹⁵ Na Kanani yivula Sidone mwana wewe wokutanga, na Hethu,

¹⁶ na Mujebusi, na Muamori, na Mugirigashi,

¹⁷ na Muhivi, na Muariki, na Musini,

¹⁸ na Muarviditi, na Muzemari, na Muhamathu: na inyima aviko va Kanani va salanywa.

¹⁹ Na lwako lwa Mukanani lwa twula Sidone, kutsia luvega lwa Gerari, kuduka Gaza; kandi kutsiia ku luvega lwa Sodoma na Gomora na Adima, na Zeboim, kuduka Lasha.

²⁰ Yava na avana va Ham ku bwiko bwavo, noku tsinimi tsyavo, mu vivala vyavo, nomu tsihiri tsyavo.

²¹ Noku Shem, ise wa vana vosi va Eberi, amwavo munene wa Jafethu, ku uyu kandi avana vivulwa.

²² Avayai va Shem: Elam, na Ashuru, na Aripakishadi, na Ludi, ns Aram.

²³ Na avana va Aram: Uzu na Hulu, na Getheru, na Masha.

²⁴ Na Aripakishadi yivula Shela, na Shela yivula Eberi.

²⁵ Na Eberi yivula avana avayai vaviri: lieta lya mulala ya langwa Pelegu; kigira mmadiku gege lirova lya gavanywa; na lieta lyamwavo wewe lya li Jokitan.

²⁶ Na Jokitan yivula Alimodadi na Shelefu, na Hazarimavethu, na Jera,

²⁷ na Hadoram na Uzali, na Dikila,

²⁸ na Obali, na Abimaeli, na Sheba,

²⁹ na Ofiru, na Havila, na Jobabu: yava vosi va li avana va Jokitan.

³⁰ Na limenya lyavo lya li Mesha, ha u tsia ku luvega lwa Sefari, kigulu kya ivugwe.

³¹ Yava na avana va Shem, ku bwiko bwavo, noku tsinimi tsyavo, mu vivala vyavyo, nomu tsihiri tsyavo.

³² Yava nobwiko bwa avana va Nuhu, ku visukululwi vyavyo, mu tsihiri tsyavo: noku yitsi tsihiri tsyavukanywa mu lirova inyima wa madzi manene.