Likunula 6 - KITABU KITAKATIFU

¹ Kandi nda lola inyinga Mwana Weligondi ya boholola mulala ku mihuri gyitano na gyiviri, kandi nda hulira kilala ku vilombe vi veye mwoyo vine ni ki vola nomwoyo gwenkupa, Hamba.

² Kandi nda lola, henza, iparasi indavu, kandi uyu wikala ku ya li nobuhingu; kandi ya hebwa itaji: na a twula na a guutanga, kandi ku guuta.

³ Kandi inyinga ya boholola munuri gwa kaviri, nda hulira kilombe ki veye mwoyo kva kaviri ni ki vola, Hamba.

⁴ Kandi iparasi yindi ya twula, iparasi inzakanyu: kandi uyu wikala ku ya hebwa kutwulidza mirembe mu mirova, va duke kwiitana avene navene: kandi ya hebwa kivavi kinene.

⁵ Kandi inyinga ya boholola muhuri gwa kavaka, nda hulira kilombe ki veye mwoyo kya kavaka ni ki vola, Hamba. Kandi nda lola, henza, iparasi imwamu; kandi uyu wikala ku ya li netsiratili mu mukono gwigwe.

⁶ Kandi nda hulira mwoyo hagati hevilombe vi veye mwoyo vine ni gu vola, Kigero kyengano ishiliing indala, kandi vigero vivaka vyeshairi ishilling indala; na ive u tononnya maguta newaini.

⁷ Kandi inyinga ya boholola muhuri gwa kane, nda hulira mwoyo gwekilombe ki veye mwoyo gwa kane ni gu vola, Hamba.

⁸ Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.

⁹ Kandi inyinga ya boholola muhuri gwegyitano, nda lola isi wobwali myoyo gya yavo aviitwa kigira likuva lya Nyasaye, kandi kigira lilolekidza lya va li nalyo:

¹⁰ navo va lira nomwoyo munene, ni va vola Mwami mutakatifu noweligali, kuduka inyinga ki, ive u vuli kukalaga nokuvanza kisalya kya masahi getu ku va menya mu lirova?

¹¹ Navo va hebwa sa mulala kuvo ingubo indavu; kandi va volerwa, va sose i tigaye inyinga inkekeke, kuduka avakye vavo navamwavo vavo, ava liitwa kuli yavo viitwa, va duke kumala inyinga yavo.

¹² Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;

¹³ netsing'ereng'ani tsyomigulu tsya guluka ku lirova, kuli mukuyu gu vungulula makuyu gagwo amagengi, inyinga imbuudza inene i gu sung'usa nga.

¹⁴ Kandi ligulu lya twulidzwa kuli lududu inyinga lu lingangwa; kandi viguh; vyosi nevisulu vyosi vya twulidzwa ha vi vedzanga.

¹⁵ Kandi avami velirova, navanene navanyampara, navatugi, navetsi ngulu, navatugwa vosi, nava luhya vosi, vivisa mu tsimbangaywa nomu magina gevigulu;

¹⁶ navo va volera vigulu namagina, Ku gwiri nokukuvisa imbiri wa uyu wikaye ku intebe, kandi ku butima bwo Mwana Weligondi;

¹⁷ kigira li duki lidiku linene lyobutima bwavo; kandi ibwaha a nyala kusingira?