Likunula 12 - KITABU KITAKATIFU

¹ Kandi kilolekidzu kinene kya loleka migulu: mukali wa vikwa liuva, nomweli gwa li isi wevirenge vivye, kandi ku mutwe gwigwe itaji yetsing'ereng'ani likumi na tsiviri;

² kandi ya li inda; ya yia a veye nelilumwa nobusaliri bwokwivula.

³ Kandi kilolekidzu kindi kya loleka migulu: henza, guyoka gunene gwakanyu, gwa li nemitwe gyitano na gyiviri netsinziga likumi, kandi ku mitwe gyagwo gwa li netsisuywa tsitano na tsiviri.

⁴ Kandi mukira gwagwo gwa twulidza kidieli kilala ku vivaka vyetsing'ereng'ani tsyomigulu, nokutsyagulula ku lirova: kandi guyoka zana gu singira imbiri womukali uyo u veye mu lilumwa, gu duke kumira mwana wewe inyinga yivula.

⁵ Kandi yivula mwana musatsa, a lameha tsihiri tsyosi nempimbo yekivya: kandi mwana wewe yadikidzwa kuduka migulu ku Nyasaye, noku intebe yeye.

⁶ Mukali yirukira mwigendanyama, aha li nobugono bwa Nyasaye ya mu lombera, ha zana va mu lagiridza ho madiku elfu na tsimia tsiviri na makumi gatano na lilala.

⁷ Kandi ha li nobulwani migulu: Mikaeli netsingelosi veve va tsia kulwana noguyoka; kandi guyoka zana, netsingelosi tsyagwo gwa lwana;

⁸ nagyo si gya guuta mba, kandi si gya nyola kandi ubugono bwagyo migulu.

⁹ Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

¹⁰ Kandi nda hulira mwoyo munene migulu, ni gu vola, Kalunu buhonnyi bu duki, netsingulu, nobwami bwa Nyasaye wetu, netsingulu tsya Kristo we we: kigira muyali wavamitu vetu waguluywi hasi, uyu wa va yalanga imbiri wa Nyasaye mbasu nobudiku

¹¹ Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.

¹² Kunangwa, O Ligulu, sangali, kandi mwinye ava menya mu. O bayaye bu veye ku lirova noku inyanza: kigira Ibilisi wiki ku mwinye, a veye nobutima bunene, kigira a manya a veye nenyinga inkekeke vutswa.

¹³ Kandi inyinga guyoka gwa lola gwaguluywi ku lirova, gwa dambidza mukali uyu wivula mu atla musatsa.

¹⁴ Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.

¹⁵ Kandi inzoka ya twulidza amadzi mu munwa gwayo kuli mugera kulonderera mukali, a duke kuhilwa namadzi.

¹⁶ Kandi lirova lya konya mukali, kandi lya kunula munwa gwalyo ni li mira mugera gwoguyoka gwa twulidza mu munwa gwagwo.

¹⁷ Kandi guyoka gwa vihirirwa mukali uyu, ni gu tsia kulwana nevisukululwi vyomukali vya tigala, ava gumira malago ga Nyasaye, nokugumira lilolekidza lya.