Kyavalevi 9 - KITABU KITAKATIFU

¹ Kunangwa ku lidiku lya kola gatano na gavaka, Musa ya langa Haruni na avana veve, na avakulundu va Israeli;

² na ya volera Haruni, U vugule kimoli kyekyayo kuva kihaanwa kyobwoni, na ligondi likole lidukanu kuva kihaanwa kyokusambwa, na u vi haane imbiri wa Yahova.

³ Na u la volera avana va Israeli, nokuvola, Mu vugule imbuli ikole kuva kihaanwa kyobwoni; na kimoli na ligondi, vyombi vyomuhiga mulala, na vidukanu, kuva kihaanwa kyokusambwa;

⁴ na igiriki na ligondi likole kuva kihaanwa kyemirembe, kuhaana imbiri wa Yahova; na kihaanwa kyobusie bwa tsukanywa na maguta: kigira lero Yahova a lolekanga ku mwinye.

⁵ Navo va leta vya Musa y a laga imbiri welihema lyokuvuganira mu: na livugana lyosi lyesunda himbi nokusingira imbiri wa Yahova.

⁶ Na Musa ya vola, Yiki ni kindu kya Yahova ya ku laga ku kole: na ubukumi bwa Yahova bu la loleka ku mwimye.

⁷ Na Musa ya volera Haruni, Wisunde ku bwali, na u haane kihaanwa kikyo kyobwoni, na kihaanwa kikyo kyokusambwa, na welombere kyokukunika ubwoni, na u lombere avandu; na u haane kihaanwa kya avandu, nokuvalombera kyokukunika ubwoni; kuli Yahova ya laga.

⁸ Ma Haruni yesunda ku bwali, na yiita kimoli kyekihaanwa kyobwoni, kya li kikye mwene.

⁹ Na avana va Haruni va mu letera masahi; naye yiina kidete mu masahi, na a ga vika ku tsinziga tsyobwali, na ya tsuka masahi isi wobwali:

¹⁰ navutswa vivana, na tsimbigu, na inderwa yelikudumani lyekihaanwa kyobwoni, ya vi samba ku bnali kuli Yahova ya laga Musa.

¹¹ Na inyama na lisero ya samba nomuliru kyova wa hokusosa.

¹² Naye yiita kihaanwa kyokusambwa; na avana va Haruni va mu letera masahi, na ya guuha ku bwali tsimbega tsyosi.

¹³ Navo va mu ha kihaanwa kyokusambwa vidonye na vidonye, na mutwe: naye ya vi sambira ku bwaii.

¹⁴ Na yogidza vyomunda na virenge, na vi sambira ku kihaanwa kyokusambwa ku bwali.

¹⁵ Kandi ya leta kihaanwa kya avandu, na a vugula imbuli yekihaanwa kyobwoni, kya li kya avandu, na a giita na a gi haana kigira ubwoni, kuli kyokutanga.

¹⁶ Na ya haana kihaanwa kyokusambwa, na a kola kuli lilaga.

¹⁷ Naye ya leta kihaanwa kyobusie, na a vugula ku uluhe kubwo, na a bu samba ku bwali, lugano ku kihaanwa kyokusambwa kya mugamba.

¹⁸ Na yiita igiriki na likole, kihaanwa kyemirembe, kya li kya avandu: na avana va Haruni va mu letera masahi, aga yuha ku bwali tsimbega tsyosi,

¹⁹ na vivana vyegiriki na vyelikole, na musembe, na vya kunikanga vyomunda, na tsimbigu, na inderwa yelikudumani:

²⁰ na va vika vivana ku tsindasi, na ya samba vivana ku bwali:

²¹ na tsindasi na kinama kyomukono mulungi Haruni ya hungudza kuva kihaanwa kyokuhungudzwa imbiri wa Yahova; kuli Musa ya laga.

²² Na Haruni ya ginga makono gege na a ga henzidza ku luvega lwa avandu, na a va gasidza; naye yika kutwula ku lihaana kihaanwa kyobwoni, na kihaanwa kyokusambwa, na vihaanwa vyemirembe.

²³ Na Musa na Haruni vingira mu lihema lyokuvuganira mu, na va twula, ni va gasidza avzndu: na ubukumi bwa Yahova bwa loleka ku avandu vosi.

²⁴ Na muliru gwa twuia imbiri wa Yahova, ni gu samba kihaanwa kyokusambwa ku bwali, na vivana: na lwa avandu vosi va gu lola, va kupa lwanga, na va gwa mammama.