Kyavalevi 23 - KITABU KITAKATIFU

¹ Kandi Yahova ya volera Musa, na a vola,

² U volere avana va Israeli, nokuvavola, Lilia lugano lugano lya Yahova ya singeridza, lya mu la landidza kuva mavugano matakatifu, yaga ga veye malia gange.

³ Madiku gatano na lilala mu la kola miyinzi: navutswa ku lidiku lya gatano na gaviri, li veye lisabato lyokusosa, li veye livugana litakatifu; mu ta kola mwinzi kali mulala: li veye lisabato ku Yahova mu bumenyo bwenyu bwosi.

⁴ Yaga na malia ga Yahova a singeridza, ga veye mavugano matakatifu, ga mu la landidza ku tsinvinga tsyago.

⁵ Mu mweli gwokutanga ku lidiku lya likumi na gane lyomweli, inyinga ya mgolova, li veye lipasaka lya Yahova.

⁶ Noku lidiku lya likumi na gatano lyomweli zana, li veye lilia lyobukima bu ta li na mamera ku Yahova: madiku gatano na gaviri mu la lia ubukima bu ta li na mamera.

⁷ Lidiku lyokutanga mu la va nelivugana litakatifu: mu ta kola miyinzi gyobutugwa kali mulala mba.

⁸ Navutswa mu la haana kihaanwa nomuliru ku Yahova madiku gatano na gaviri: na lidiku li kola gatano na gaviri li la va livugana litakatifu; mu ta kola miyinzi gyobutugwa kali mulala mba.

⁹ Kandi Yahova ya volera Musa, na a vola,

¹⁰ U volere avana va Israeli nokuvavolera, Lwa mu mali kwingira mu kivala kya mmu hedzanga, nokugesa ligesa lyakyo, hene yaho mu la leta ku musalisi kiganda kyoluhya lweligesa lyenyu:

¹¹ naye a la hungudza kiganda imbiri wa Yahova, kubugirirwa kigira mwinye: ku mugamba gu londa lisabato, musalisi a la ki hungudza.

¹² Na ku lidiku lya mu hungudza kiganda, mu la leta kimeme kekole kyeligondi lidukanu, lyomuhiga mulala, li ve kihaanwa ku Yahova.

¹³ Na kihaanwa kyobusie kyalyo, ki la va vidieli viviri vyelikumi vya efa yobusie bunyuki bu tsukanywa maguta, kuva kihaanwa kya lombwa nomuliru ku Yahova kuva mwayu mulahi; na kihaanwa kyabwo kyokunwa ki la va lwaini kidieli kilala kyevine kyehin.

¹⁴ Na mu ta lagira ubukima, kinga mahengere, kinga vihululiru, kuduka ku lidiku lya mu leta kihaanwa kya Nyasaye wenyu: yili li veye lilaga lyemihiga nemihiga mu visukululwi vyenyu mu limenya lyenyu lyosi.

¹⁵ Kandi mu levalidzira masabato gatano na gaviri kutwula ku mugamba gwelisabato, kutwula ku lidiku lya mwa leta kiganda kye kihaanwa kyokuhungudzwa; ha la va masabato gatano na gaviri;

¹⁶ kuduka ku mugamba gu londa lisabato lya gatano na gaviri, mu la validza madiku makum gatano; na mu la letera Yahova kihaanwa kyobusie kihya.

¹⁷ Mu la twulidza mu tsinyumba tsyenyu ubukima tsimango tsiviri tsyokuhungudzwa tsya vidieli viviri vyelikumi vya efa: tsi la va tsyobusie bunyuki, tsi la va tsyominywa halala na mamera, kuva ubuhya ku Yahova.

¹⁸ Na halala nobukima mu la leta vimeme vyamagondi vitano na viviri vidukanu vyomuhiga mulala, kandi kimoli kigiriki, kandi magondi makole gaviri: vi la va kihaanwa kyokusambwa ku Yal ova halala na kihaanwa kyavyo kyobusie, na vihaanwa vyakyo vyokunwa, kuva kihaanwa kyomwayu mulahi kya lombwa nomuliru ku Yahova

¹⁹ Kandi mu la leta imbuli ikole kuva kihaanwa kyobwoni, na vime ne vyamagondi vikole vyomuhiga mulala kuva vihaanwa vyemirembe.

²⁰ Na musalisi a la vi hungudza halala nobukima bwobuhya, kuva kihaanwa kyokuhungudzwa imbiri wa Yahova, halala na vimeme vyamagondi: vi la va vitakatifu ku Yahova vyomusalisi.

²¹ Na mu la landidza ku lidiku zana yilyo; ha la va nelivugana litakatifu ku mwinye; mu ta kola miyinzi gyobutugwa kali mulala: yili li la va lilaga lyemihiga nemihiga mu tsinyumba tsyenyu tsyosi mu visukululwi vyenyu.

²² Na lwa mu gesa ligesa lyekivala kyenyu, mu ta gesa tsinzako tsyomulimi gugwo ligali mba, kandi u ta doleridza mu luvuva lweligesa lilyo: u la vi lekera mudaka, na vageni: inze mbeye Yahova Nyasaye wenyu.

²³ Kandi Yahova ya volera Musa, na a vola,

²⁴ U volere avana va Israeli, nokuvola, Mu mweli gwegyitano na gyiviri, ku lidiku lyokutanga mweli, li la va lisosa ku mwinye, li la va lidzulitsa lyokukupa visiliva, li veye livugana litakatifu.

²⁵ Mu ta kola miyinzi gyobutugwa kali mulala; na mu la letera Yahova kihaanwa kyokulombwa nomuliru.

²⁶ Na Yahova ya volera Musa na a vola,

²⁷ Navutswa ku lidiku lyelikumi lyomweli yigu gwegyitano na gyiviri, li veye lidiku lyokulomba kyokukunika ubwoni: li la va livugana litakatifu ku mwinye, na mu levika mu kivi; na mu la letera Yahova kihaanwa kyokulombwa nomuliru.

²⁸ Na mu la vula kukola miyinzi kali mulala mu lidiku yilikigira li veye lidiku lyokukunika ubwoni, kumulombera kyokukunika ubwoni bwenyu imbiri wa Yahova Nyasaye wenyu.

²⁹ Kigira ku vosi uyu u tevika mu kivi ku lidiku zana yilyo; uyu a la kalagwa kutwula ku avandu veve.

³⁰ Kandi ku vosi mundu u kola miyinzi ku tsing ano tsyosi ku lidiku zana, uyu nda rnu dividza a twule mu avandu veve.

³¹ Mu ta kola mivinzi ku tsing'ano tsyosi: yili li veye lilaga lyemihiga nemihiga mu visukululwi vyenyu mu tsinyumba tsyenyu tsyosi.

³² Li la va ku mwinye lisabato lyokusosa na mwinye mu levika mu kivi: ku lidiku lyagatano na gane lyomweli inyinga ya mgolova, kutwula mgolova kuduka mgolova, mu la gumira lisabato lyenyu.

³³ Na Yahova ya volera Musa, na a vola,

³⁴ U volere avana va Israeli, nokuvola, Ku lidiku iyelikumi na gatano lyomweli gwa gyitano na gyiviri, li veye lilia lyamadiri kuduka madiku gatano na gaviri ku Yahova.

³⁵ Ku lidiku lyokutanga li la va livugana litakatifu: mu ta kola miyinzi gyobutugwa.

³⁶ Madiku gatano na gaviri mu la letera Yahova kihaanwa kyokulombwa nomuliru: na ku lidiku lyegatano na gavaka li la va livugana litakatifu ku mwinye; na mu la letera Yahova kihaanwa kyokulombwa nomuliru: li veye livugana litakatifu; mu la vula ku kola miyinzi gyobutugwa kali mulala.

³⁷ Yaga ga veye malia lugano lugano ga Yahova ya singeridza, aga mu li landidza kuva mavugano matakatifu, kuletera Yahova kihaanwa kyokulombwa nomuliru, Kihaanwa kyokusambwa, na kihaanwa kyobusie, na kihaanwa, na vihaanwa vyokunwa, sa kilala ku lidiku lyakyo;

³⁸ kuvita amasabato ga Yahova nokuvita vihaanwa vyenyu, nokuvita lilagana lyenyu lyosi, nokuvita vyosi vya mu haananga nobuyanzi, vya mu haananga ku Yahova.

³⁹ Navutswa lidiku lyelikumi na gatano lyomweli gwa gyitano na l gyiviri, lwa mu vungidzi nokuvika lyama lyekivala, mu la singeridza lilia lya Yahova lya madiku gatano na gaviri: ku lidiku lyokutanga li la va lisosa litakatifu, kandi ku lidiku lyagatano na gavaka li la va lisosa litakatifu.

⁴⁰ Ku lidiku lyokutanga mu la vugula makuyu gemisala milahi, na amatu gamakindu, na tsisya tsyemisala tsindindanu, na misala gyi meranga ku visenukiru vya amadzi; na mu la sangala imbiri wa Yahova Nyasaye wenyu madiku gatano na gaviri.

⁴¹ Na mu la li gumira li ve lilia ku Yahova madiku gatano na gaviri mu muhiga: yili li veye lilaga lyemihiga nemihiga mu visukululwi vyenyu; mu la li singeridza mu mweli gwegyitano na gyiviri.

⁴² Mu la menya mu madiri madiku eatano na gaviri: vosi avimadiku gatano na gaviri; vosi avivulwa ava Israeli va la menya mu madiri;

⁴³ visukululwi vyenyu vi duke kumanya ga nda kolera avana va Israeli kumenya mu madiri, lwa nda va leta kutwula mu kivala kya Egepeti: inze mbeye Yahova Nyasaye wenyu.

⁴⁴ Na Musa ya gambira avana va Israeli malia ga Yahova ya singeridza.