Kwidzulitsa 5 - KITABU KITAKATIFU

¹ Na Musa ya langa Vaisraeli vosi, na a va volera, Mu hulire, Israeli, amalago nelikalaga lya mbolanga mmatu genyu lero, mu duke kweyegidza, nokuhenza, mu ga gumire.

² Yahova Nyasaye wetu ya lomba lilagana nekwinye ha Horebu.

³ Lilagano yili Yahova si ya li kola navaguga vetu, navutswa nekwinye, kali kwinye, va ku veye mwoyo hano kwosi lero.

⁴ Yahova ya volerana na mwinye moni namoni ha kigulu nomwoyo gwa twula hagati ho muliru

⁵ (na inze inyinga zana nda singira hagati ha Yahova na mwinye, nduke kumumannya likuva lya Yahova: kigira mwa li nobutii kigira muliru, kandi si mwanegira mkigulu), ya vola.

⁶ Inze mbeye Yahova Nvasaye wowo, wa ku twulidza mu kivala kya Egepeti, mu inyumba yobutugwa.

⁷ U ta va na v anyasaye vandi imbiri wange mba.

⁸ U telombera kifwananyi kya vadzwa, kinga lifwana lyekindu ku vyosi vi veye mu ligulu, kinga muse mu lirova, kinga ki veye mu madzi musi mwelirova:

⁹ u ta vi sigarnira mba, kinga u ta vi tumekira mba; kigira inze Yahova, Nyasaye wowo, mbeye Nyasaye welikendeka, mbikanga ku avana, budamano bwavadada vavo, kuduka ku likula li kola gavaka kinga gane lya yavo ava ndunyira;

¹⁰ na mbeye netsimbabasi ku tsielfu tsya yavo ava nyanzanga ava gumiranga amalago gange.

¹¹ U ta tala vutswa liela lya Yahova Nyasaye wowo: kigira Yahova si a la vula kulola mahyolo ku uyu u talanga vutswa lieta lilye.

¹² U gumire lidiku lyelisabato, kulitakasa, kuli Yahova Nyasaye wowo ya ku laga.

¹³ Madiku gatano na lilala u yinzire, u kole miyinzi gyigyo gyosi;

¹⁴ navutswa lidiku lya gatano na gaviri li veye lisabato lya Yahova Nyasaye wowo: kulyo u ta kola miyinzi mba, ive, kinga mwana wowo muyai, kinga mukana, kinga mutugwa wowo muyai, kinga mukana, kinga ing'ombe yoyo, kinga isukiri yoyo, kinga ku mitugu gyigyo gyosi, kinga mugeni wowo u veye mu lidala lilyo; mutugwa wowo muyai nomukana a duke kusosa kuli ive.

¹⁵ Na widzulitse wa li mutugwa mu kivala kye Egepeti, na Yahova Nyasaye wowo ya ku twulidza yo nomukono gwetsingulu nomukono gwa nyirika: kunangwa Yahova Nyasaye wowo ya ku laga u gumire lidiku lyelisabato.

¹⁶ Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

¹⁷ U tiita mba.

¹⁸ Kandi u ta heya mba.

¹⁹ Kandi u tiba mba.

²⁰ Kandi u ta gina wakyo mba.

²¹ Kandi u ta kayirwa mukali womtende mba, kandi u ta kayirwa inyumba yomtende mba; kandi mulimi gwigwe, kandi mutugwa wewe muyai, kinga mukana, kinga ing'ombe yeye, kinga isukiri yeye, kinga kindu ku vyosi kyo wakyo a veye nakyo.

²² Makuva yaga Yahova ya volera livugana lyenyu lyosi mu kigulu, nomwoyo munene kutwula hagati ho muliru, nelilesi, nekisundi kinene: na si ya meda ku mba. Naye ya ga ng'oda ku vibao viviri vya magina, na ya mpa.

²³ Na ga duka, lwa mwa hulira mwoyo gu twuia hagati hekisundi, nekigulu kwaaka muliru, hene yaho mwisunda himbi ku inze, vosi ava veye mitwe gyetsihiri tsyenyu, navakulundu venyu;

²⁴ na mwa vola, Henza, Yahova Nyasaye wetu u ku mannyi ubukumi bwibwe nobunene bwibwe, kwinye ku huliye mwoyo gwigwe gu twulanga hagati ho muliru; ku loli lero Nyasaye a volerana nomundu, na a veye mwoyo.

²⁵ Kunangwa kalunu ku kudza ndi?Kigira muliru munene yigu gu la ku samba: ni kuva ni ku hulira kandi mwoyo gwa Yahova Nyasaye wetu, ku la kudza.

²⁶ Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

²⁷ Wesunde himbi, u hulire gosi ga Yahova Nyasaye wetu a vola: na u ku volere gosi aga Yahova Nyasaye wetu a ku volera; na ku la hulira, nokugakola.

²⁸ Na Yahova ya hulira mwoyo gwa makuva genyu, lwa mwa volera inze; na Yahova ya mbolera, mbuliye mwoyo gwa makuva gavandu yava, ga va ku volera: va voye bulahi gosi ga va vola.

²⁹ Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

³⁰ U tsie u va volere, Mwirane mu mahema genyu.

³¹ Navutswa ive, u singire hano himbi ku inze, na nda ku volera lilagana lyosi, namalago, nelikalaga, ga u la vegidza, va duke kugakola mu kivala kya mba ha kukigumira.

³² Kunangwa mu linde mu kole kuli wa Yahova Nyasaye wenyu ya mu laga: mu ta girunkana ku mukono mulungi kinga mmosi.

³³ Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.