Kwidzulitsa 24 - KITABU KITAKATIFU

¹ Lwa mundu a hila mukali, na a mu serera, na a vula kunyola bugasu mu tsimoni tsitsye, kigira u loli kuye kindu ki ta dukana, a mu ng'odere ibaruwa yokwavukana, a mu vikire mmukono gwigwe, nokumutwulidza mu inyumba yeye.

² Na Jwa a mala kutwula mu inyumba yeye, a veye nomunwa kutsia kuva mukali womusatsa wundi.

³ Ni va musatsa wenyima uyu a mu dunyira, a mu ng'odere kandi ibarwa yokwavukana, nokumbikira mmukono gwigwe, nokumutwulidza mu inyumba yeye; kinga musatsa wenyima uyu na a kudza, wa mu vugula kuva mukali wewe;

⁴ musatsa wokutanga wa mu twulidza, a ta mu vugula kuva mukali wewe kandi mba, inyima wa ya gwa mudamano; kigira yaga ga veye livihiriridza ku Yahova: na u ta vika ubwoni ku kivala kya Yahova N y asaye wowo a ku ha kuva miyandu.

⁵ Lwo mundu a vugula mukali mwiha, a ta tsia halala nelihe, kandi a ta hebwa lididikana ku miyinzi ku gyosi: a menye nobwiyangu muhiga mulala mu inyumba yeye, a duke kusangalidza mukali wewe wa ya vugula.

⁶ Mundu ku vosi a ta vuguia lugina lwokusyera ku, kinga isyu kuva kihambiriru; kigira a vuguia livamwoyo lyamundu kuva kihambiriru.

⁷ Mundu na a va na a nyolererwa ni yivanga mulala ku vamwavo veve mu avana va Israeli, kumukola kuli mutugwa, kinga kumugulidza; mwivi uyu a kudze: na ndiyo u la twulidza ubudamano hagati hoho.

⁸ U henzi mu liduya lyobugere, u linde netsingulu, u kole kuli gosidza ga avasalisi Valevi va mwegidza: kuli nda va laga, mu linde mu kole ndiyo.

⁹ Mwidzulitse ga Yahova Nyasaye wowo ya kolera Miriamu, ku inzira lwa mwa twula Egepeti.

¹⁰ Lwa u hambidza mutende kivete ku vyosi ki hambidzangwa, u tingira mu inyumba yeye kuvugula kuye kihambiriru.

¹¹ Usingire kyova, na uyu wa u hambidzanga a ku letere kihambiriru kyova.

¹² Na a va na a veye mundu mudaka, u ta gona nekihambiriru kikye mba;

¹³ ligali u la mwiranyira kihambiriru inyinga liuva li yera, a duke kugona netsingubo tsitsye, nokukugasidza: na ga la va ubulungi ku ive imbiri wa Yahova Nyasaye wowo.

¹⁴ U ta dambidza mutumekiri u tungangwa, a veye mudaka nomwe gombi, kaliva na a veye ku vamwavo wowo, kinga ku avageni vovo ava veye mkivala kikyo mu viribwa vivyo:

¹⁵ u mu he madanyi gege ku lidiku lilye, liuva li ta yerera kugo (kigira a veye mudaka, na a vikanga mwoyo gwigwe kugo); gase a lanira Yahova ku ive, na bu la va ubwoni ku ive.

¹⁶ Avadada va tiitwa kigira avana, navana va tiitwa kigira avadada: mundu sa mulala yiitwe kigira ubwoni bwibwe mwene.

¹⁷ U ta kyaminya likalagirwa lyomugeni, kinga mbisandu, kandi u ta vugula ingubo yomukunzakali kuva kihambiriru;

¹⁸ navutswa widzulitse wa li mutugwa mu Egepeti, na Yahova Nyasaye wowo ya ku bohololayo: kunangwankulaganga kukola likuva yili.

¹⁹ Lwa u gesa ligesa lyomulimi gugwo, ni wivirira kiganda mmulimi u tirana ku ki vugula mba: ki ve kyomugeni, nombisandu, nomukunzakali Yahova Nyasaye wowo a duke kukugasidza mu miyinzi gyosi gya makono gogo.

²⁰ Lwa u kupanga mzeituni gugwo, u tirana kukupa kandi tsitsya tsyagwo, tsi duke kuva tsyomugeni, nombisandu, nomukunzakali.

²¹ Lwa wagulanga mazabibu mmulimi gugwo gwemuzabibu, u tirana kudola agang'aliki mu inyima: ga ve agomugeni, nombisandu, nomukunzakali.

²² Na widzulitse wa li mutugwa mu kivala kya Egepeti: kunangwa nku laganga kukola yaga.