Kwidzulitsa 18 - KITABU KITAKATIFU

¹ Avasalisi Avalevi, na vosi ava ihiri ya Levi, va ta va nekidieli kinga miyandu halala na Israeli: va la lia vihaanwa vya Yahova vi lombwa nomuliru, nemiyandu gyigye.

² Va ta va nemiyandu hagati ha vamwavo vavo: Yahova niye miyandu gyavo, kuli ya va volera.

³ Yaga ga dukira avasalisi ku twula ku avandu, va haananga vihaanwa, ni va i veye ing'ombe kinga ligondi, musalisi a hebwa kinama kyembiri netsisaya tsyombi, neluti.

⁴ Ubuhya bwobuswage bubwo, newaini yoyo, namaguta gogo, nobwoya bwokutanga bwa magondi gogo, u mu he vindu yivi.

⁵ Kigira Yahova Nyasaye wowo u mu tovoye ku tsihiri tsitsyo tsyosi, a singire a tumikire ku lieta lya Yahova, uyu navana veve mihiga nemihiga.

⁶ Mulevi na a va ni yadza u twulanga mu kilala ku viribwa vivyo mu Israeli mwosi ha a menyanaga, ni yadza nobuyanzi bwosi bwelyenya lilye ha Yahova ya la tovola;

⁷ a tumikire ku lieta lya Yahova Nyasaye wewe, kuli avamwavo veve Avalevi va kolanga, ava singira imbiri wa Yahova.

⁸ Vosi va la va nevidieli vyokulia vi leng'ana, halala na yivi vi dukanga kuye kuligulidza miyandu gyi twula ku vaguga veve.

⁹ Inyinga u duki mu kivala kya Yahova Nyasaye wowo a ku ha, u teyegidza kukola kuli livihiriridza lyavetsihiri yavo.

¹⁰ Ha ta nyoleka halala na ive, mulala u vitidzanga mmuliru, mwana wewe muyai kinga mkana, kinga mulala u kolanga ubusegetiri, kinga u henzanga vyombwerefu a lagule inkuva, kinga mulogi, kinga mbira,

¹¹ kinga mukoni, kinga u volerana nemyoyo mibi, kinga mkumu, kinga u tevanga vigingi.

¹² Kigira ku vosi u kolanga vindu yivi u veye livihiriridza ku Yahova; kandi kigira vihiriridzi yivi Yahova Nyasaye wowo a va kunga va twule imbiri wa ive.

¹³ U ve mudukiru imbiri wa Yahova Nyasaye wowo li

¹⁴ Kigira tsihiri yitsi tsya u li gumira, tsi nala kuhulira yava ava henza vyombwerefu, navasegetiri; navutswa ku ive Yahova Nyasaye wowo u vuli kukuha munwa kukola ndiyo.

¹⁵ Yahova Nyasaye wowo a la ku singeridzira mprofeti hagati hoho, ku vamwavo vovo, u veye kuli inze; mu hulire uyu;

¹⁶ kuli ku gosi aga wenya ku Yahova Nyasaye wowo lidiku lyelivugana mu Horebu, lwa wa vola, Nta hulira kandi mwoyo ti gwa Yahova Nyasaye wange, kandi nta lola kandi muliru munene yigu, gase nda kudza.

¹⁷ Yahova ya mbolera, aka va volanga yaga va volanga bulahi.

¹⁸ Nda va singeridzira mprofeti hagati ha vamwavo vavo, a veye kuli ive; na nda vika amakuva gange mmunwa gwigwe, na a la va volera gosi aga nda mu laga.

¹⁹ Kandi ga la va, ku vosi u sula kuhulira amakuva gange aga uyu u vola ku lieta lyange, ndadza kuvanza kuye.

²⁰ Navutswa mprofeti, u vola kindu ku lihindageridza ku lieta lyange, vya nda vula kumulaga kuvola, kinga u vola ku lyeta lya vanyasaye vandi, muprofeti uyu a kudze.

²¹ Nu u va nu u vola mmwoyo gugwo, Ku la manya ndi likuva lya Yahova ya vula kuvola?

²² Lwa mprofeti a vola ku lieta lya Yahova, inkuva yiyi ni i ta londa, kinga ni i ta loleka, yiyi i veye inkuva ya Yahova ya vula kuvola: mprofeti uyu a volanga nelihindageridza, u ta mu tia mba.