Kohelethu 8 - KITABU KITAKATIFU

¹ Ni bwaha u veye kuli wobugeeri? Kandi ni bwaha u manya kugirunkannya likuva? Ubugeeri bwomundu bu kolanga mmoni mwimwe kung'ereng'ana, nobudinyu bwommoni mwimwe bu girunkana.

² Inze nku hedzanga likuva, U linde lilaga lyomwami, kandi li veye mu lilinda lyelisuha lya Nyasaye.

³ U ta hyuhyukana kutwula imbiri wewe; u ta dinya ku likola kindu kidamano: kigira a kolanga hosi aga a yanzanga.

⁴ Kigira likuva lyomwami li veye netsingulu; ni bwaha u nyala kumuteva, U kolanga ki?

⁵ Ku vosi u gumira lilaga lilye a la vula kumanya likuva lidamano kali lilala; mwoyo gwomundu u veye nobugeeri gu ma nyangainyinganelikalaga:

⁶ kigira ku vindu vyosi inyinga nelikalaga li veye ho; kigira kivi kyomundu nekiliduhu kuye:

⁷ kigira si a manya aga li va inyima; kigira ni bwaha u nyala kumuvolera kuli ga li va?

⁸ Si ha veye nomundu u veye nobunyali ku mwoyo kwigalira mwoyo; kandi si a veye nobunyali ku lidiku lyelikudza; kandi si a veye nelihebwa munwa mu bulwani: kandi ubudamano si bu la honnya uyu wa nala kubulonda.

⁹ Vindu yivi vyosi mmali ku vi lola, nokuvika mwoyo gwange mu miyinzi gyosi gyi kolangwa isi weliuva: i veye ho inyinga yomundu mulala a veye netsingulu ku wakye, kwisaliridza.

¹⁰ Ma nda lola mundu mudamano na a tebangwa, na va duka mu kilindwa; na yavo ava kola bulahi va twula hatakatifu, na vivirirwa mu lidala: yaga kandi na ga vutswa.

¹¹ Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

¹² Kali mwoni a kola ubu damano hali mia, nokumeda madiku gege kuva manyingi, navutswa inze manya ligali bu la va bulahi kuvo ava tidzanga Nyasaye, ava tidzanga imbiri wewe:

¹³ navutswa si bu la va bulahi ku mudamano mba, na si a la meda madiku gege manyingi mba, aga veye kuli kiriri; kigira si a tidzanga imbiri wa Nyasaye.

¹⁴ Li veye ho likuva lya vutswa li kolangwa ku lirova; va veye ho avobulungi ava nyolanga vindu vi leng'ana nevikolwa vyavadamano; kandi, va veye ho avadamano, ava nyolanga vindu vi leng'ana nevikolwa vyavalungi: nda vola yaga kandi ni ga vutswa.

¹⁵ Ma nzidzominya ubusangali, kigira mundu si a veye nekindu kilahi isi weliuva, kuvita kulia, nokunwa, nokusangala: kandi yaga ga la menya halala naye mu lididikana lilye madiku gosi gelivamwoyo lilye ga Nyasaye ya mu ha isi weliuva.

¹⁶ Lwa nda vika mwoyo gwange kumanya ubugeeri, nokulola amaliduhu ga kolangwa ku lirova, (kigira a veye ho u ta lolanga tsindolo ku tsimoni tsitsye ubudiku kinga mbasu),

¹⁷ hene yaho nda lola miyinzi gyosi gya Nyasaye, kuli mundu si a nyala kuvagala miyinzi gyi kolangwa isi weliuva: kigira mundu kali ni yenya nokuguluhidza kugyivagala, si a gyi lola mba; yee, kandi kali mundu wobugeeri a ganagana kumanya navutswa si a nyala kugyilola mba.