Joshua 8 - KITABU KITAKATIFU

¹ Ma I anova ya volera Josnua, U ta tia mba, kinga u ta kudza mwoyo: vugula avandu vosi avelihe va tsie halala nive, na mu vuke mwanegire Ai; henza, mmali kuvika mmukono gugwo mwami wa Ai, na avandu veve, nelidala, nekivala kikye;

² na u la kolera lidala lya Ai nomwami walyo, kuli wa kolera Yeriko nomwami walyo: navutswa vilanye vyalyo, nemitugu gyalyo, mu la vugula kuva vilanye vyenyu avene: u vike iluku inyima welidala.

³ Kunangwa Joshua ya vuka, na avandu vosi avelihe halala naye, kwanegira Ai: na Joshua ya tovola avandu tsielfu makumi gavaka, avandu avetsingulu nobunyali, na a va tuma mbudiku.

⁴ Na a va laga, na a vola, Henzi, mwinye mu la goneka iluku ku lidala, inyima welidala; mu ta tsia ihale ligali nelidala, navutswa mwetegeke mwosi:

⁵ na inze, na avandu vosi ava veye halala ninze, ku lisunda ku lidala. Na ga la duka lwa va twula kulwana nekwinye, kuli va koli ku matsyambiri, kwinye ku liruka imbiri wavo;

⁶ na va la twula kukulonda, ku va kwese va tsie ihale nelidala lyavo, kigira va la vola, Virukanga imbiri wetu, kuli va kola matsyambiri: na kwinye ku liruka ndiyo imbiri wavo;

⁷ na mwinye mu la vuka mu twule ha mu goneki iluku, nokuvugula lidala: kigira Yahova Nyasaye wenyu a la li vika mmakono genyu.

⁸ Na ga la va, lwa mu vugula lidala, mu la hambidze lidala muliru: mu la kola kuli likuva lya Yahova; henzi, mmali ku mu laga.

⁹ Na Joshua ya va tuma va tsie; navo va tsia ni va goneka iluku, ni vikala hagati he Betheli na Ai, ku luvega lwemadioli wa Ai: navutswa Joshua ya gona ubudiku yibu hagati ha avandu.

¹⁰ Na Joshua ya vuka mabwebwe, na ya vungidza avandu, ni yanegira, uyu na vakulundu va Israeli, imbiri wa avandu kutsia Ai.

¹¹ Avandu vosi, avasatsa velihe ava li halala naye, vanegira, ni visunda himbi, nokuduka imbiri welidala, ni va singiridza lihe ku luvega lwakasika sini wa Ai: na ha zana ha li nelivona hagati haho na Ai.

¹² Na ya vugula avandu kuli tsielfu tsitano, na a va vika mu iluku hagati ha Betheli na Ai, ku luvega lwemadioli welidaa.

¹³ Ni ndiyo va vika avandu, lihe lyosi lya li ku luvega lwa kasikasini lwelidala, na va goneka iluku ku luvega lwemadioli lwelidala; na Joshua ya tsia ubudiku yibu hagati helivona.

¹⁴ Na ga duka, mwami wa Ai lwa ya lola likuva yilyo, hene yaho va kola bwangu na va vuka mabwebwe, na vasatsa velidala va twula kulwana na Israeli, uyu na avandu veve vosi, ku inyinga ya lagwa, imbiri we kereremu; navutswa si ya manya va veyo ava koli iluku kuye inyima welidala mba.

¹⁵ Na Joshua na Israeli vosi va kola kuli va guuteywi imbiri wavo, na viruka ku inzira yekyangalangwi.

¹⁶ Na avandu vosi va veye mu lidala va langwa halala ku va londerera: navo va londerera Joshua, na visunda imbiri kuleka lidala.

¹⁷ Na si ha tigala no musatsa kali mulala mu lidala lya Ai kinga Beth-eli, wa vula kutwula kulonderera Israeli: na va leka lidala ni lyalami, ni va londerera Israeli.

¹⁸ Na Yahova ya volera Joshua, U nyire litimu lya u veye nalyo mmukono gugwo u henzidze Ai: kigira nda li vika mmukono gugwo. Na Joshua ya nyira litimu lya li mmukono gwigwe ku lihenzidza ku lidala.

¹⁹ Na avandu va kola iluku va vuka bwangu kutwula ha va li, navo va nyagula nonoho lwa ya mala kunyira mukono gwigwe, na vingira mu lidala, nokuligumira; na va kola bwangu kuhambidza lidala muliru.

²⁰ Na lwa avandu va Ai va henza inyima wavo, va lola, henza, mwoki gwelidala gu dumanga igulu, na si va li netsingulu tsyokwiruka yiyi kinga yiyi mba: na avandu ava li ni virukanga kutsia mu kyangalangwi, va girunkana ni virana kuvo ava va londerera.

²¹ Na lwa Joshua na Israeli vosi va lola va kola iluku va mali kugumira lidala, nomwoki gwelidala gu dumanga igulu, navo va girukana kandi, no kwiita avasatsa va Ai.

²² Na avandi, va twula ku lidala ku va twulira inyima; na ndiyo va li hagati ha Israeli, avalala ku luvega yilu, na avandi ku luvega yilu: navo va va kuya, kuduka si va leka kali mulala kuvo wa tigala, kinga wa hona.

²³ Na va gumira mwami wa Ai na a veye mwoyo, na va mu leta ku Joshua.

²⁴ Na ga duka, lwa Israeli va mala kwiita avandu vosi va Ai, mu bulimu, mu kyangalangwi kya va li mu ku va londerera, navo vosi lwa va gwa ku bwogi bwekivavi, kuduka lwa va dividzwa vosi, Israeli virana Ai, nokuliduya nobwogi bwekivavi.

²⁵ Na vosi ava gwa lidiku yilyo, avasatsa na vakali, va li tsielfu likumi na tsiviri, kuduka avandu vosi velidala lya Ai.

²⁶ Kigira Joshua si ya galukidza mukono gwigwe, gwa ya nyira litimu, kuduka lwa ya mala ligali avandu vosi va Ai.

²⁷ Navutswa mitugu nevilanye vyelidala vyeng'ine Israeli va vugula kuva vilanye vyavo, kuli likuva lya Yahova lya ya laga Joshua.

²⁸ Ni ndiyo Joshua ya samba lidala lya Ai, na a li kola kitumi kyemihiga nemihiga, ha gwa hatswa kuduka lero.

²⁹ Na ya sunga mwami wa Ai ku musala kuduka mgolova: na lwa liuva lya yera Joshua ya laga, na va twulidza mubiri gwigwe ku musala, nokuguta ha bwingiriru bwekiribwa kyelidala, ni va vungidza kugwo kitumi kinene kya magina, kuduka lero.

³⁰ Kunangwa Joshua yombaka ubwali ku Yahova, Nyasaye wa Israeli, mu kigulu kya Ebali,

³¹ kuli Musa mutumekiri wa Yahova ya laga avana va Israeli, kuli ga ng'odwa mu kitabu kyamalago ga Musa, bwali bwamagina ga vula kuvadzwa, agomundu kali mulala a vula kutumika ku kiju kyekivya: na va haana kubwo vihaanwa vyokusambwa ku Yahova, nevihaanwa vyemirembe.

³² Na ya ng'oda ku magina makuva gamalago ga Musa, ya ga ng'oda imbiri wetsimoni tsyavana va Israeli.

³³ Na Israeli vosi, na avakulundu vavo, na vanyampara vavo, na vakalagi vavo, va singira ku luvega yilu lwelisanduku na ku luvega yilwo imbiri wavasalisi Valevi, ava ginga lisanduku lyelilagana lya Yahova, u veyo mumenya nomwene luhya vombi; inusu kuvo va singira imbiri wekigulu kya Gerizim, na inusu va singira imbiri wekigulu kya Ebali; kuli Musa mutumekiri wa Yahova ya tanga kulaga, va duke kugasidza avandu va Israeli.

³⁴ Lwenyima ya soma makuva gosi gelilago, gokugasidza na gokulaama, kuli gosi ga ng odwa mu kitabu kyamalago.

³⁵ Si ha veye nelikuva kali lilala lya Musa ya laga, lya Joshua ya vula kusoma imbiri welivugana lyosi lya Israeli, avakali, na avana, na ava menya ava gendanga navo.